30.6.06

Híhíhíh

Farmslausir vörubílar eru svo ógeðslega fyndnir. Þeir eru eins og af-hausaðir Optimus Prime. Eða sko.. hausinn af honum eftir að hann hefur verið af-höfðaður.

Tími hefndarinnar mun renna upp!

Einn góðan veðurdag, á einhver af þessum mönnum sem vinnur við að setja límmiða á epli, eftir að vera að borða feitan, djúsí hambó... og bíta í límmiða! Já! Ég á sko eftir að láta verða að þessu. Elta þessa gaura inn á veitingastað og lauma límmiða í matinn þeirra. Fylgjast svo með frá næsta borði og stökkva fram eftir límmiðafundinn og öskra: "Finnst þér þetta gott? HA?? Finnst þér þetta gott!?".

Helvítis límmiðar á matnum mínum *grump*

29.6.06

Það finnst engum þú vera töff nema sjálfum þér!

Hérna.. gaur á ljóta bílnum sem er með opið ofan í húddið svo að vélin stendur út úr eins og tá úr slitum sokk? Þú veist hver þú ert! Þessi sem spólar um planið fyrir utan gluggann hjá mér á hverjum morgni, þannig að bíllinn gefur frá sér þvílík óhljóð að fólk frá Ástralíu er orðið pirrað. Come on.. þú sem ert "einkanúmer waiting to happen" og örugglega heiðursmeðlimur í live2cruze eða hvað þetta nú heitir!

Já. Nákvæmlega. ÞÚ!

Lestu fyrirsögunina.

28.6.06

Bensínstöðvapæling

Ég var að velta því fyrir mér, ef þið farið á bensínstöðvar, sem eru ekki svona sjálfsagfreiðslu, farið þið þá alltaf hjá sama fyrirtækinu eða er ykkur alveg sama?

Ávaxtadýr

Mér finnst bananar oft líkjast höfrungum ef ég horfi á þá á réttan hátt. Ég tók mynd af því um daginn. Hefði sent þetta fyrir löngu, hefði ég verið með mms í lagi :oP Mjeh.. OgVodafone er þá bara að tapa monnís frá mér fyrir að vera ekki með betri leiðbeiningar fyrir píbs með ppc. Ah.. Best ég sýni ykkur líka mynd af bol nr.3 sem ég bjó til um daginn. Þetta er móðir jörð sko.




27.6.06

Hvað er að gerast..??

Haldiði að mín sé ekki barasta efst í seinni hluta FIFA leiksins í vinnunni? Auðvitað eru bara 6 leikir búnir og 10 eftir... en ég er með 3.5 (af 4) stig að meðtaltali pr.leik og sá í 2. sæti er með 3.17.

GOOOO TEAM ÓSK!

23.6.06

Rockstar Supernova

Meet the rockers

Fljúgandi orustuskrímsl

Jæja, geitungatíminn er hafinn. Á hverju ári síðan að geitungar komust í tísku, þá hafa þeir komið sér upp einu til tveimur búum í kringum kastalann. Hérna er nefnilega mikið skjól og veðursæld meiri en gengur og gerist. Um daginn vaknaði ég við að eitt tveggja metra langt kvikyndi í lopapeysu hafði troðið sér inn um gluggann hjá mér og lét ansi ófriðlega. Þetta var augljóslega drottning. Við drottningarnar þekkjum sko hvora aðra. Ég ætlaði aldeilis ekki að sleppa henni út lifandi, þar sem að ég vissi alveg hvað var á dagskrá hjá henni. Hún ætlaði að reyna að mössla sér inn á mitt yfirráðasvæði. Jáneitakk. Ég leitaði vel og lengi af bók sem var nægilega stór til þess að myrða orustuskrímslið. Loksins þegar ég hafði fundið hæfilega bók (monsters manual minnir mig. Ekkert smá viðeigandi), dróg ég frá rimlagardínurnar og mundaði bareflið. Á þeirri stundu fann helvítið loksins opna gluggann og slapp. Ég var ekkert lítið svekkt. Núna er hún, einhverstaðar í garðinum að leita sér að nýjum stað fyrir búið sitt.

Drottningamóðirin er nú þegar búin að skemma eitt bú og á lofti eru plön um að elta geitunga sem láta sjá sig og gá hvort þeir vísi veginn að búinu sínu. Þeim MUN verða eytt.

22.6.06

Ohhhhhh

Ég fór í *skemmtilegasta* ratleik í heim í dag. Það var svo gaman. Ég fór meðal annars í sjómann við sjómann sem var að drekka bjór á bar (max points fyrir þann lið (næst mest fyrir að fara í sjómann við "venjulegan" mann sem var að drekka bjór á bar), steikti egg heima hjá ókunnugri manneskju (hefði fengið fleiri stig hefði manneskjan verið rauðhærð) og tókum mynd af einum með ís með hrís við gosbrunninn í perlunni. Eftir allskonar þrautir enduðum við á að senda einn okkar í skvass við Íslandsmeistarann í þeirri íþrótt (eftir 3 bjóra og skot) og í grillveislu með lambafillet og fíneríi. Ég reyndar held að liðið hans Einars eigi eftir að vinna, en það verður tilkynnt á morgun. Það var allavega hörku stuð. Vaaah.. það er gaman að vinnast en ekki skólast!

21.6.06

Break the build

Hann: Það er svona "braut buildið" token hérna :D Það er frekar stór og kjánaleg bangsa hæna
Ég: Jááá.. hún er æði. Hún er með unga og egg. Eggið er innan í hænunni. Ef þú leitar og finnur gat, þá er bangsaegg þar
Hann: uhh, ég er að hugsa um að vera ekkert að leita að götum á hænunni, ógeðið þitt!
Ég: hehe.. en það er bangsaegg!
Hann: ÓSK!! Maður leitar ekki að götum á hænum
Rule #1: Ekki leita að götum á hænum
Rule #2: Sjá Rule #1
Ég: Rule #3: Bangsaegg
Hann: Rule #4: Ósk ógeð!

The aristocrats

Á morgun er einhverskonar ratleikur í vinnunni. Meðal annars féllst undirbúningur fyrir leikinn í því að liðin áttu að koma með nafn og finna eitthvað einkennandi til þess að klæðast á meðan á leiknum stendur. Mitt lið heitir "The aristocrats" og er auðkennt af þverslaufum (ég kom með margar svona hugmyndir sko. T.d. Team lazer explosion og skykkjur úr laki, team america og leikfangabyssur og Ninjas og shirt ninja outfit).

Ég fór allavega að þessu tilefni þangað sem Íslendingum finnst víst skemmtilegast að versla og keypti mér svarta þverslaufu. Hún kostaði að vísu 1200 kall, en alveg er ég viss um að hún eigi eftir að nýtast mér við fleirri tilefni. Núna þegar ég hugsa um það þá sé ég bara ekki eitt einasta tilefni þar sem að það er ekki viðeigandi fyrir konu að vera með þverslaufu.

20.6.06

Bílandi

Núna er næstum því ár síðan að Benni, drottningarvagninn, var seldur. Það hefur ekkert háð mér í Danmörkunni, enda almennings samgöngur með betra móti þar á bæ.

Það er hinsvegar ekki manneskju bjóðandi að vera bíllaus á Íslandinu góða. Foreldrarnir skruppu til útlanda í nokkra daga og ég fékk bílbragðið í munninn á meðan. Núna líður mér eins og ég sé fangi, hvert sem ég fer eða fer ekki... því ég kemst ekki... því ég er bíllaus. Mhm. Þarf að treysta á að fá lánaðan bíl hjá ma og pa eða fá skutl eða sækj.

Ég fór því og kynnti mér strætósamgöngur á Íslandi. Ég komst eiginlega að því að það þarf að veðsetja allar eigur sínar til þess að eiga fyrir einni strætóferð. Ofan á það, þá leggur bus.is til allt að 3 strætisvagna og kílómetralabb fyrir mig til þess að komast frá A til B.

Ég held svei mér þá, að ef ég ætla að forðast það að láta mér vaxa mosa við að hanga í kastalanum öllum stundum, þurfi ég að fara að fjárfesta í svona rafmagnshlaupahjóli hjá kók. Verst er að það er búið að rigna alla daga síðan ég kom til Íslands fyrir 17 dögum (ég er ekki að ljúga. Veðurstofan segir það líka), svo það gæti hugsanlega tekið mig af lífi með raflosti.

Eitt er allavegana víst - Þegar ég flyt aftur til Íslands eftir skólann mun ég við allra fyrsta tækifæri kaupa bíl!

Kærasta Smáralindar...

..er hérna

19.6.06

Kiddy rhyme

I am inside,
she's out in the rain
We still sit together
and pretend we are sane

She comes from a world,
so different from mine
But I enjoy her presence
and we get along fine

We do not tell others
of the friendship we share
With people around,
I act like shes not there

We breakfast together
or at least we try,
I'll have an apple
and she eats a fly

She sits in her web
and I don't comprehend
why she looks so wise
the spider, my friend

Um köngulónna í vinnunni minni

Ohhh

Ég gleymdi að vera í einhverju bleiku í dag

16.6.06

Svona er þetta

Þið heyrið líklega ekkert mikið eða merkilegt í mér fyrr en í fyrsta lagi á sunnudaginn. Við Einar erum nefnilega að fara út úr bænum að heimsækja ömmu hans og afa og ég hef ekki ennþá geta fengið mms styllingarnar til þess að virka á ipaq-inum mínum. Þið hafið að sjálfsögðu misst af mörgum glæsilegum myndum fyrir vikið...

15.6.06

List

Hann bróðir minn er búinn að eyða nokkrum árum í "deamon camp" og mun útskrifast sem lögfræðingur (alvöru sko. 5 ára prógramið) eftir rúmar 2 vikur. Að því tilefni fór ég með þessum gleraugnalausa að versla útskriftagjöf handa honum. Við komum víða við og kíktum meðal annars í listagallerí. Stundum á ég við það vandamál að stríða að ég hef kannski of mikla trú á mér. Ég var allavega alveg sannfærð um að ég, ólistamenntaðakonan, gæti gert töluvert betur en margir listamennirnir og konurnar sem voru með sín verk til sölu í þessu galleríi. Einar sagðist vera viss um að ég gæti það líka. Það er náttúrulega hans starf að stiðja mig og vera sammála svona hlutum!

Ég held *SAMT* að ég geti það. Kannski ég fari að múnlæta sem málari.

Dömur mínar og herrar, má ég kynna:

Ó-photoshoppuð mynd af Britney "Hvíttrusl" Spears. Svona mætti hún í sjónvarpsviðtal. Vá. Ég myndi ekki einu sinni kaupa ilmvatnið hennar á 40% afslætti!

14.6.06

Ég er ekki að djóka sko..

Ég sá "nýju" orkuveituauglýsinguna áðan. Niðurstaða: Þeir HEFÐU átt að nota slagorðið sem bróðir minn fann upp á.

Fændsystkini og fótbolti

Í gær var ég að "narrate-a" Space Jam fyrir frændsystkinin (3, 4 og 5 ára). Það er mjög áhugavert að taka allt sem characterar segja og einfalda niður í setningar eins og "Vondaliðið segir að þeir ætli að rústa góða liðinu. Ohhh hvað þeir eru vondir".

Seinna um kvöldið spilaði ég "The aMAZING labyrinth" við Óla frænda. Það var sérstaklega erfitt að passa sig að færa völundarhúsið aldrei þannig að það skemmdi fyrir honum. Það endaði með því að hann rústaði mér sem var svo sem ætlunin. Hann var vel sáttur við það.

Annars er það helst í fréttum að í fyrsta skipti á lífi mínu er ég farin að spá í úrslitum í fótbolta. Ég er nefnilega í 4 - 6. sæti í HM leiknum í vinnunni (giskað á úrslit. 2 stig fyrir rétt úrslit, 1 stig fyrir rétta markatölu annars liðsins, sem sagt mest 4 stig pr. leik). Það verða tvisvar veitt verðlaun fyrir fyrstu 3 sætin, eftir riðlakeppnina og svo í lokin. Einar er búinn að vera í fyrsta sæti allan tímann, en er núna dottinn niður í 2. sæti. Spennó.

13.6.06

Tásur

Af hverju ætli tásur hafi ekki þróast af fólki? Notum við þær til einhvers? Ég reyndar beiti þeim stundum til að taka upp hluti af gólfinu.. en ekkert meira.

12.6.06

Ég er með heyrn unglings

Já, drottningin er svo sannarlega vel gerð. A ringtone adults cannot hear. Já er það?? Ég heyri samt.

Könguló, könguló, vísaðu mér á haribo

Fyrir utan gluggann minn í vinnunni býr könguló. Þrátt fyrir að hann sé töluvert langt frá jörðinni, þá er hún er stór og feit. Daginn sem ég gerði ekkert annað en að bíða eftir installeringum og restarti, sá ég hana borða tvær flugur sem "uploaded on its web". Það var alveg magnað að fylgjast með því vel og vandlega. Tvær flugur á dag! Já, ég er nú hrædd um að danska köngulóin mín væri líka feit ef hún borðaði svona mikið.

Í dag faldi köngulóin sig í gluggakarminum og reyndi að verjast slagveðursroki og rigningu með því að halda sér í hann. Mmmmmsumar.

11.6.06

Hlust' á 80's lög.. og ég ferðast, aftur í tímann

Ég fékk sjokk þegar ég vaknaði í morgun. Ég vissi nefnilega ekkert hvar ég var í smá stund. Svo mundi ég það. Þá komst ég yfir þetta og sofnaði aftur og vaknaði kl. 12.

Gærdagurinn var... áhugaverður. Ég vaknaði frekar snemma til þess að ná að fara í einhverjar búðir áður en hið óumflýjanlega næði okkur (HM). Svo kemur barasta í ljós að búðir á Íslandi opna ekki kl. 9 á laugardögum eins og í Harbiolandi. Stæðsta hluta dagsins eyddi ég svo inni í herbergi að fela mig frá fótboltanum. Það virkaði hinsvegar ekkert svo vel, þar sem að mamma og pabbi voru að halda upp á 25 ára brúðkaupsafmælið sitt með heilsdags prógrami fyrir vini sína. Kallarnir tóku yfir sjónvarpið frami, svo eftir fyrsta leikinn horfði Einar á HM inni hjá mér, þar sem aumingja Óskin Makare var að fela sig. Mér finnst það nú svolítið gróft að hafa 3 leiki á dag. Have mercy! Sem betur fer bjargaði Palli mér frá einum leik með ísbíltúr.

Um kvöldið setti ég meiri augnmálningu en ég hef sett á mig síðan ég var 16 (keypti mér make-up bók sko..) og svo fórum við svo út að borða á Hereford með Völu og Halla hennar, í tilefni 25 ára afmælis stelpunnar. Maturinn var og félagsskapurinn var snilld, en þjónustan var.. ekki eins æði. Svo eftir matinn fór ég heim til þeirra og planið var að marinera sig aðeins og fara svo niður í bæ. Eftir einn bjór vorum við öll geispandi uppi í sófa og það endaði með því að ég fór bara heim, alveg frávita af þreytu. Þar voru foreldrarnir og fylgdarliðið, spjallandi saman og hlustandi á lága tónlist. Um leið og málningin var komin af augunum, urðu þau rosalega þung og ég sofnaði um leið og hausinn lenti á koddanum.

Kl. 2 vöknuðum við upp með andfælum við að tónlistin frá blómatíma partýgestanna niðri hljómaði hærra en 5 á Richter. Við gáfum þessu klukkutíma, en eftir endalaust magn af lögum sem hefði átt að halda sig, grafin í fortíðinni, gáfumst við upp og keyrðum til tengdó. Það vildi nefnilega svo afskaplega skemmtilega til að þau skruppu úr landi yfir helgina og lánuðu okkur bílinn sinn. Annars hefði ekkert verið neitt mál að redda leigubíl. Við hefðum bara beðið hann um að koma til 1982 og elta tónlistina.

Það var þar sem ég vaknaði við öskrandi krakka í næsta húsi og var pottþétt á að ég væri heima og Óli frændi væri kominn í heimsókn. Svo opnaði ég augun.

Annars eru 23°C og glampandi sól í Köben núna. *VÆÆÆÆL*

9.6.06

WoW

- World of Windows. Sorry leikjanördar (NEI, ég mun *ekki* nota orðið "gamer"). Ég er að installa fullt, fullt af forritum. As we speak. Svona hefur dagurinn minn verið hingað til:

"You seem to be installing a program. You must restart your computer and then get all the latest security updates from the windows homepage. Then you must restart your computer."

"You seem to have moved your mouse. You must now restart your computer. HAH! You did it again. Now you must restart twice"

Nhei.. hvað er þetta?

Óútskýranlegur spenningur, fiðringur í mallanum... gæti það verið? Já. Ég held það barsta. HALLÓ FÖSTUDAGUR! Það er mjög langt síðan það hefur verið föstudagsfílíngur í mér. Velkominn aftur! :o)

8.6.06

Skeri og skjóti

Með lazer. Mhmm.. Get svo svarið það. Hann Einar lét skera lítið stykki úr augunum á sér í morgun, skjóta ofan í sárið með lazer og brenna part af augunum á sér í burtu og svo var stykkið sett ofan í aftur. Svo núna labbar hann um, gleraugnalaus! Mögnuð tæknin í dag. Ég hefði haldið að skeri og skjóti ofan í augun, myndi ekki boða betri tíð með blóm í haga og gleraugu í hulstri, en svona er þetta víst!

Hvað er að gerast?

Ég flyt úr landi í nokkra mánuði, og þegar ég kem til baka til að tékka á því hvernig statusinn er, þá er bara allt í upplausn. Sko! Ráðherrar ná varla að koma almennilegu rassafari á stólana síðan, áður en þeir fara í næsta stól. Þetta er eins og friggin' stólaleikur í barnaafmæli. Já.. og svo, eftir 10 mínútur af sjónvarpsáhorfi, þá sé ég endalok "Með afa", þar sem hann þakkar áhorfendum samfylgdina síðustu 19 árin og kveður. MEÐ AFA!! HÆTTUR? Það gengur barasta ekki. Hvað er að hjá 365 fjölmiðlum?? Dognabbit!

Hey.. svo bara horfi ég aðeins áfram og þá koma Glæstar vonir, þar sem að Stephenie Forriester er með hvítt, stutt hár. Örvasa gamalmenni, í staðinn fyrir kaldrifjaða bakstingandi tík. Hörmulegt.

6.6.06

Vinnivinn

Ég byrjaði að vinna í dag. Allt öðruvísi að vera í vinnunni frá 8 - 16, heldur en að vera að læra eða hafa áhyggjur af því að eiga að vera að læra 24/7.

4.6.06

Sætdýrasafn

Af hverju er enginn búinn að búa svoleiðis til? Í alvöru talað. Dýragarður með bara sætum dýrum. En já. Ég er komin heim til Íslands og fer ekki heim til Danmerkur fyrr en í lok júlí. Ferðin hingað var... áhugaverð. Ég sat við hliðina á slefandi fávita (ekki Einar nei, heldur þessi sem var hinu megin). Ekki nóg með að ég hafi setið eins og rækja alla leiðina, því að hann var ALLTAF með hendi eða fót eða alla löppina eða eitthvað inni á mínu yfirráðasvæði og studdi bara líkamsparta á öxlinni á mér og whatnot ef ég færði mig ekki (personal space í HELVÍTI er nefnilega miklu minna en hjá okkur), eða hann hafi alltaf verið að standa í sætinu sínu, eða troða hausnum á sér á milli míns og síns sætis.. eða sitjandi í kjöltunni á mér til að spjalla við gaurinn sem sat beint fyrir aftan hann sem var líka frá sama landi (dunno.. hroðalegt tungumál) og margt í þá áttina, heldur kveikti hann á GSM símanum sínum þegar við vorum búin að fljúga í c.a. klukkutíma. Fyrst var ég að spá í að kalla á flugfreyjurnar, en þegar þetta átti sér stað var Einar á klósettinu. Þegar hann kom til baka þá benti ég honum á fávitann með gemmsann og Einar kom með þá hugmynd að þetta væri eins og pocket pc-inn inn og það væri hægt að slökkva á net- og símsambandi og kannski væri hann bara að hlusta á mp3 eða eitthvað. Hey.. turnes out að það var bara ekkert þannig, því að þegar við vorum að fara að lenda og flugfreyjurnar búnar að strappa sig niður koma þvílík SMS hljóð frá símanum hans og frá síma samlanda hans fyrir aftan. Svo svaraði gaurinn sms-inu sem hann fékk. Takkfyrirgóðanótt.

Helvítið talaði ekki stakt orð í ensku og flugfreyjurnar höfðu þurft að nota táknmál við hann til þess að segja honum að setja á sig beltið og setja töskuna sína undir sætið, en ekki bara á gólfið fyrir framan sig og svona. Og svo pantaði hann sér að drekka með því að segja eitthvað á sínu viðbjóðslega tungumáli, sem endaði á "kóla". Hann hefði ekki skilið mig hefði ég sagt eitthvað við hann varðandi GSM símann (hann var nú svo heimskur að hann kveikti heldur ekki á mynd af GSM síma og rauðu X-i yfir.. soo..), en ég var mikið að spá í að klukka hann fast í trýnið, slökkva á símanum og láta hann svo éta hann.

Það er annars gott að vera komin heim!

3.6.06

toilet seat covers

...for your needs away from home. Ætli einhver gangi actually með svona á sér?
Powered by Hexia

Hahahaha.. ég er svo ógeðslega fyndin

Úfff.. Ég er með svo mikinn svefngalsa að ég er við það að deyja úr hlátri. Ég get víst ekki lagt mig, því að þá verð ég svo súr. Einar lagði sig áðan svo hann er ekki alveg á sama leveli. Áðan eyddi ég góðum 5 mínútum í að herma eftir honum með asnalegri röddu, á meðan hann var að ná í dót sem hann vildi láta pakka. Það fannst mér afskaplega fyndið. Svo spurði ég hann hvort að það væri allt komið sem hann vildi pakka og hann sagði já. Þá sagði ég: "Nema þessi skæri!" Og bætti pínulitlum, grænum plastskærum við. Hann fjarlægði þau úr töskunni, en þegar hann snéri sér við, þá setti ég þau aftur í og renndi. Hann á eftir að verða svo glaður þegar við komum til Íslands og hann sér að hann "gleymdi þeim ekki" eftir allt saman. Hahahah.. ég hló svo mikið núna þegar ég skrifaði þetta að það var smá dúbíöss. Djö. Vonandi hef ég ekki komið upp um mig.

*ræskj*. Já. Anyways, þá tók ég af rúminu og setti ég lak í þvottavélina áðan. Venjulega setur Einar í þvottavélina, svo ég var ekki alveg viss um hvernig ég ætti að bera mig að ef ég vildi þurrka herlegheitin eftir á. Núna rétt í þessu átti eftirfarandi samtal sér stað:

Ég: Er lakið orðið þurrt?
Einar: *kíkj* Ósk! Ýttir þú á alla takkana á þvottavélinni?
Ég: Ehmm.. já!
Einar: Veistu hvað allir takkarnir á þvottavélinni gera?
Ég: Sko, þú hefur sagt mér það!
Einar: Haha, það var ekki það sem ég spurði
Ég: *damn, he's on to me* Jájá.. ég veit það alveg.
Einar: Hvað gera þeir?
Ég: Ehmmm.. einn setur á stað, einn er fyrir þegar það er lítið í vélinni.. og einn er fyrir þurrkarann.. ooooog.. einn er fyrir good measure!
Einar: Nei, það er sami takkinn fyrir lítið í vélinni og fyrir þurrkarann, svo þú átt ennþá eftir að útskýra tvo!
Ég: Neits.. ég SAGÐI að einn væri fyrir good measure.
Einar: Jæja, ókay.. en af hverju ýttir þú á fjórða takkann ef þú veist ekki hvað hann gerir?
Ég: Sko.. mér fannst vera dónalegt að ýta á alla nema hann.

Allavega.. lakið er ekki orðið þurrt. Langt því frá. Það eru á lofti einhverjar kenningar um að fjórði takkinn sé auka skol. Sel það ekki dýrara en ég keypti það.

Blaaah.. ég get ekki beðið eftir því að geta sofnað í flugmóðurskipinu heima. Rúmið mitt er svo stórt að þegar það var í hælaskóm fann það olíu!

Fjallkonan fríð!

Já.. og allt það. Ísland í kvöld! Við erum ekki búin að gera neitt að viti, hvað þá byrja að pakka. Persónulega finnst mér það virkilega dónalegt af Danmörkunni að hafa svona gott veður síðustu dagana okkar. Það ætti að vera rigning og rok, svo mér þætti ekkert leiðinlegt að koma heim í "íslenska sumarið" (goðsögn?).

Annars verður spennó að sjá hvort ég passi í eitt flugvélasæti. Hef ekki beinlínis haft hollustuna í fyrirrúmi síðustu daga. Prófkíló sökka.

2.6.06

Góðan morgun sólskin!

Já. Eða dag. Þið vitið. Ég hef það bara ágætt núna. Tja, fyrir utan það að ég er NOT having a good hair day. Þvoði hárið á mér 2x í gær og sofnaði með það blautt. Það er svolítið eins og David Spade, vælandi og date-andi Heather Locklear. Æi.. ég látið mig vera, ég var að vakna!

Það var fínt í gær. Svolítið spes að horfa á Mugison spila fyrir fullt af Íslendingum með regnhlífar og smákrakka kl. 7 um hábjartan dag. Ég lofaði að sjálfsögðu skortinn af óbeinum sígarettureyk, en hann náði einhvern veginn ekki alveg sama stemmaranum. Svo fórum við í alveg prýðilegum félagsskap á staðinn sem selur bjór á 10 kall og umgangur á alla kostar svipað og 1 bjór á Íslandinu. Það komst upp einhver umgangsstemmari og þegar við vorum á leiðinni heim og eftir Burger King og rækjufranskar, þá endaði með því að klukkan var allt í einu orðin lestirnar byrjaðar að ganga. Go figure.

Jæja.. Ég ætla að elda eitthvað semi-djúsí í morgeigismat.

Goooolly

Ég þarf mest að gubba. Klukkan er líka 6. Einu sinni vaknaði ég alltaf kl. 6. Það var þegar ég var ekki í fríi. Ég fór á Mugison tónleika... og svo niður í bæbæ og drakk fleiri bjóra en ég get talið. Svo fór ég í sturtu og drakk elskulegt sýrustillandi samarin sem ég vona að geta bjargað mér frá höfuðverk morgundagsins. Einu sinni hafði ég alltaf vit á því að drekka eina einingu af vatni á móti hverri einingu af bjór. Held að vitið hafi gleymt sér núna. Vona að það komi ekki í hausinn á mér á morgun með höfuðverk í kaupbæti.......