2.5.05

Við Einar skelltum okkur niður á tjörn til að gefa öndunum. Það er eitthvað það skemmtilegasta sem ég veit um. Ég hló svo mikið að ég á örugglega eftir að fá harðsperrur í magann.

Fólk almennt virðist ekki kunna að gefa öndunum og rífur brauðsneiðarnar niður í öreindir. Trikkið er að rétta einni önd hálfa brauðsneið og horfa á hana reyna að hlaupa með hana í skjól með allan skarann á eftir sér. Svo kemur einhver önnur önd og nær að ræna af henni brauðinu og hópurinn breytir um stefnu. Það er skemmtilegast þegar mávarnir koma með í hrúguna. *LOFTÁRÁS*

Já... svo verður maður auðvitað að halda með einhverjum. *HLAUPTU HLAUPTU HLAUPTU* *ÓÓÓÓÓ!!!!*

Engin ummæli: