31.12.05

Multimedia message

Bara svona ad prufa...
Powered by Hexia

Þetta er jólakortamyndin sem við Einar sendum út í ár.
Á meðan ég sit hérna og melti fyrstu tvo réttina (sem voru alveg sérstaklega góðir. Meira að segja kjúklingasoðssósan var mögnuð eftir að ég hafði steikt lauk og hvítlauk og mixað út í rjóma, hvítvíni og öðru gúmmelaði), drekk hvítvín og hlusta á jazz er Einar inni í eldhúsi að setja í uppþvottavélina og ganga frá. Úti springa flugeldarnir hver á eftir öðrum og segja mér að árið sé bara alveg að fara að klárast.

Þetta var fínt ár. 2005, sci-fi ártalið. Held ég setji bara inn nokkra punkta þetta árið. Nenni ekki annál.

Business
- Gerði rosalegasta lokaverkefnið með 3 frábærum einstaklingum
- Gekk í gegnum mestu álagsönn æfi minnar
- Útskrifaðist sem tölvunarfræðingur frá HR (BSc)
- Vann skemmtilegustu sumarvinnu æfi minnar. Hannaði og gerði part af pocket PC útgáfu af frekar stóru kerfi
- Umsókn mín í DTU (tækniháskóla Danmerkur) var samþykkt og ég hóf meistaranám þar í haust

Pleasure
- Fór í æðislega ferð til Flórída með famelíunni, í tilefni af 70 ára afmæli afa
- Fór í æðislega ferð til Vínarborgar með hr. Mon
- Fór í æðislega ferð heim til Íslands yfir jólin
- Mun í kvöld fagna nýju ári með hópi af niðurteljandi Dönum á Ráðhústorginu

Personal
- Við Einar hófum sambúð eftir 2ja ára samband og gengur það sérstaklega vel
- Ég eignaðist Petru, Dell Latitude D610 m. boostum og sendi Emmu í fóstur til Íslands
- Ég eignaðist yndislegan pocket PC sem hefur ekki enn sagt mér til nafns
Haha. Fyndið. Ég skrapp út í Desi, arabann á horninu, til að kaupa hvítlauk (allar hinar búðirnar eru búnar að loka) og þar fann ég sætar kartöflur. ISO, Fötex, Netto, Fakta, Irma og Magasin áttu ekki til sætar kartöflur, en pínu litla búðin, beint á móti heimilinu átti nóg af þeim.

Bleh. Ég var búin að sjóða og flysja. Oh well.. Sætar kartfölur OG brúnaðar kartöflur með kalkúnabringunni...
Skrambans danir. Við fórum í 5 búðir og fundum hvergi sætar kartöflur eða kalkúnakraft. Í fjórðu búðinni fundum við loksins valhnetur, en þessar voru ennþá í skelinni sinni, svo við þurftum að kaupa hnetubrjót líka. Það er of mikið til þess ætlast að vilja fá sætar kartöflur, kalkúnasósu og waldorfsalat með kalkúninum sínum virðist vera..

En jæja.. Þetta verður fínt. Nauta-carpacho með fíneríi í forrétt, kalkúnabringa með *gasp* brúnuðum kartöflum, waldorf-salati, korni og ...einhverri sósu sem ég næ að galdra fram úr kjúklingakrafti í aðalrétt.. og svo ís með þreföldu súkkulaði í eftirrétt.

Engir flugeldar, þó þeir séu töööööluvert ódýrari hér en heima. Ég nenni bara ekki að skjóta upp þegar ég er í blokk. Líklega ekkert áramótaskaup heldur. Verðum að öllum líkindum niðri í bæ þegar það er sýnt. Það verða þó engu að síður áramót. Nýja árið kemur í kvöld og þó það komi sekúntu of seint, þá kemur það klukkutíma fyrr hjá mér heldur en flestum ykkar..

30.12.05

Úffff.. Þá er ég loksins komin heim og upp í sófa með Petru. Ég vildi ÓSKa að ég gæti sagt að þetta hafi verið ánægjuleg ferð. Tja, reyndar gæti ég það alveg, en þá væri ég að ljúga.

Ég hélt að vekjaraklukkan væri að grínast þegar hún hringdi kl. 4 í morgun. Einhvern veginn náði ég að dratta mér á fætur og borða cheerios (kátínur). Kátínur eru ekki eins góðar og mér þótti þær sem ponsa. Þær eru samt ennþá jafn kleinuhringjaðar.

Mamma og pabbi skutluðu okkur upp á völl, þar sem kom í ljós að við vorum með 7 kg í yfirvikt. Yebs. Það er eins mikið og við vorum með þegar við actually fluttum til Danmerkur. Ekkert smá þungt pundið í þessum jólagjöfum (skildum samt 2 þungar eftir sem koma með bró og kæró). Við þurftum samt ekkert að borga, svo þetta var allt gott og blessað. Við borðuðum þennan líka ágætis morgunmat sem kostaði jafn mikið og 4 pizzur með bjór á Gordion, veitingastaðnum í götunni okkar. Þetta var einn diskur með ávaxtasalati og rúnstykki með osti og svo bjór. Money well spent :oP Þegar klukkan var að nálgast flugferðatímann okkar, röltum við að hliði nr. 4 og biðum eftir því að vera hleypt inn. Það leið og beið og flugferðatíminn okkar kom og fór. Rífimiðakonan (kannski byrjaði hún í bíói og vann sig upp..?) tilkynnti klukkutíma seinkunn. Eftir klukkutíma tilkynnti hún aðra klukkutíma seinkunn. Stuttu seinna var seinkunnin komin upp í 3 klst. Iceland Express eru soddans höfðingjar að þeir buðu upp á júmbósamloku og 33 cl gos eða kaffi úr okurbúllusjoppunni fyrir hvern einasta farðega á meðan beðið var
. Ef ég ætti að borga mat með mínútum og klukkutímum úr lífi mínu, hefði ég ekki borgað 3 klukkutíma fyrir þessa remúlaði samloku. Hinsvegar var ástæðan fyrir seinkunninni sú að það var verið að gera við eitthvað í flugvélinni og vissulega er ég tilbúin að borga 3 klukkutíma fyrir að labba lifandi út úr vélinni.

Það kom aldrei til þess að ég labbaði lifandi út úr þessari Express vél. Einhvern veginn gerðist það að ég flaug með flugleiðum eftir allt saman. Þegar ég loksins labbaði inn í flugvélaranann, 3 og hálfri klst á eftir áætlun, náði ég að lesa "Loftleiðir" á belgnum á vélinni. Þegar inn var komið, tóku við okkur skælbrosandi Flugleiðakvennsur í bláum dröktum með litlu, kjánalegu hattana sína (í alvöru.. einhver verður að gera eitthvað í þessum höttum! Hvað með bara Hróa Hattar hatta í staðinn eða eitthvað?). Þær tjáðu okkur að það væri frjálst sætaval. Fólk var hlaupandi út um alla vél í leit að girnilegustu sætunum, en við Einar náðum að snara okkur heila röð fyrir okkur. Eh.. já.. Flugleiðir! Allt crewið var þaðan sem sagt. Þórunn Lárus tók meira að segja "To Iceland air, your safety on board is most important" pakkann í litlu sjónvörpunum og fyrsta freyja (virðingastiginn sko) bauð okkur "velkomin fyrir hönd Iceland Air, fyrir Iceland Express".

Ég náði smá að sofna, enda gjersamlega búin á því. Vaknaði klukkutíma seinna við krakka sem var að rifna úr frekju nokkrum sætaröðum framar. Væri ég ekki þessi rósemdar manneskja sem ég er, hefði ég þrammað þangað, agað krakkann og agað svo foreldrana fyrir að geta ekki agað krakkann. Svo hefði ég agað farþegann hinu megin við ganginn, bara svona til að skjóta öðrum skelk í bringu og sýna fordæmi.

Við komumst á leiðarenda að lokum. Í Danmörku er þvílíkur snjór. Skaflar út um allt og bílar inni í sköflunum, því Danir geta ekki keyrt í fönn. Lestir eru líka hægar í þessum óskunda, allavega stoppaði okkar oft á leiðinni. Við hentum nýþungu töskunum okkar upp stigann og inn í íbúð og fórum svo beint í Fötex til að kaupa áramótamatinn. Little did we know að allir Danir á Kaupmannahafnarsvæðinu fóru í Fötex á sama tíma. Ég hef aldrei farið í búð þegar það er svona mikið að gera. Þetta var þvílík geðveiki að við kláruðum rétt rúmlega helminginn af listanum og hrökkluðumst svo út, enda ósofin, þreytt, og höfðum ekki borðað síðan Express splæsti majo á brauði kl. 9:30 um morguninn. Bwaaaaah.

Ég er ekki frá því að það sé bara ennþá betra að koma heim eftir svona erfitt ferðalag. Ég dróg upp George Forman grillið, sem er best í heimi (sérstaklega vegna þess að grillunin tók bara 5 mínútur) og eldaði cajun kjúklingabringur, sem voru bestar í öllum heiminum (kannski sökum gífurlegs hungurs). Núna er ég að spá alvarlega í að sofa af mér nýja árið.

Neeeeeh!

28.12.05

Ég hlakka til að fara heim. Svolítið gaman að vera í afslöppuðu þjóðfélagi og vera heima hjá sér, þar sem heima er íbúð bara fyrir okkur, ekki herbergið mitt heima hjá mömmu og pabba.

Mér kvíður fyrir að fara heim. Svolítið gaman að eiga félagslíf og hafa fólkið sitt hjá sér.

Meh.. En Daði og Rúna koma og verða hjá okkur í næstum heila viku frá 3. jan. Það er smá "fólkið sitt" action :o)
Hér. Er. Depill hjá mér. Svo dæmalaust fallegur og brosir vel. Ef til er hvolpur sem kætir mann, er Depill hann.
Vúha. Síðustu dagar hafa verið frekar busy hjá okkur. Merkilegt hvernig það er hægt að troða svona mörgum mataboðum á svona stuttan tíma. Í gærkvöld, eftir síðasta jólaboðið, spiluðum við svo catan og citadels við bróðurinn og mágkonuna og í kvöld fórum við á Narnia með Pallanum og hmm.. látum titil hins bíómfarans liggja á milli hluta.

Núna eru bara 2 dagar eftir á Ísalandinu, sem merkilegt nokk er heitara en Danmörkin eins og stendur. Á morgunkvöld förum við í matarboð til tengdó, en bróðir hans Einars er líka í heimsókn frá náminu sínu á Ítalíu, svo það náðist í eitt smal svona á milli jóla og nýjars. Morguninn eftir það roleplayjum við svo loksins og borðum svo síðustu kvöldmáltíðina heima hjá mér.

Ég ætla einhvern veginn líka að reyna að hitta einhverja af vinum mínum þess á milli. Það vill einmitt svo skemmtilega til að Hákon er kominn heim frá London í jólastemmarann, Maddlú er fluttur aftur heim frá Austurríki og Vala þarf að taka við afmælisgjöfinni hans Andra. Vona að ég geti fundið einhverjar tímasetningar sem passa til hittings..

27.12.05

Það eru litlu hlutirnir í lífinu..
Alveg magnað. Ég var að Skilk Epila mig í fyrsta skipti. Ég get ekki sagt að ég hafi hingað til verið mikill aðdáandi þess að rífa hár af líkama mínum upp með rótum, enda er ég með þann fæðingagalla að ég er með taugaenda. Þegar ég hef reynt að vaxa á mér lappirnar, hef ég vælt ámátlega eftir að hafa rifið eina lengju af öðrum leggnum og slegið restina með ljá (rakvél). Slátturmaðurinn slingi.

Ég byrjaði á einhverjum "byrjenda-stút" sem á að vera minna sársaukafullur með tímanum á þetta að batna segja þeir. Reyndar fylgdi með kælipoki sem hægt er að geyma í frysti í 2 klst áður en hárfjarlæging hefst. Það á svo að nota pokann til að deyfa húðina fyrir rifrildið. Glætan að ég hafi eitthvað nennt að bíða eftir því. Klukkan er 2 núna og ég vildi Silk Epila mig STRAX. Löng saga stutt - Leggirnir eru nú báðir mjúkir eins og silki.

Get samt ekki haldið því fram að þetta hafi verið tómir hvolpar og sólskyn. Vissulega voru hár rifin upp með rótum og vissulega er ég með nokkrar rauðar doppur á leggjunum. Þetta er einhverstaðar nálægt "Einn dans fyrir mig" með Hemma Gunn og vont.

Never the less... ég veit ekki hvort ég þori eitthvað í bikinísvæðið með þessa græju.....

26.12.05

Hresst. Einhver með "megababe" í e-mailnum sínum bætti mér við á msnið sitt um daginn. Í dag þegar ég loggaði mig inn í dag, blasti við mér stúlka á brjóstahaldaranum á contact listanum. Ég spurði hana hver hún væri og hún sagði mér nafnið sitt, sem var, merkilegt nokk, það sama og stóð í contact nafninu hennar (duh). Stúlkan sagðist ekki þekkja mig og ekki muna hversvegna hún bætti mér á listann. Hún spurði mig samt hvort ég væri "bi".

Ó...kay.

Það er crazy veröld þarna úti..
Blasted water weight goes straight to my hips.

Vá. Allur þessi saltmatur hefur gert mig bjúgótta eins og dekkjamaðurinn káti. Hann hlýtur að borða jólamat á hverjum degi. Gærkvöldið var erfitt. Ég gat ekki hætt að spila kapal í pocket pc-inum mínum. Kapall er skemmtilegri í honum en annarstaðar. Svo þegar ég loksins sleit mig frá, þá varð ég auðvitað að lesa smá Artimis Fowl.

25.12.05

Mmmmmm hvað jólamaturinn var góður. Ég hafði ekkert borðað síðan um morguninn, svo ég var vel svöng. Við (ég var hjá ma og pa, Einar hjá sínum ma og pa. Svo sótti ég hann, opnaði sameiginlega pakka þeirrar fjölskyldu megin og svo burruðum við til baka og opnuðum sameiginlega pakka minna fjölskyldu megin) borðuðum líka sama matinn í forrétt, aðalarétt og eftirrétt. Ég er ekkert að djóka, jólaísinn er enn inni í frysti. Heheh.

Ég fékk um það bil flottustu og æðislegustu gjafir í heimi. Ég þori varla að segja hvað ég fékk, ég er svo hrædd um að gleyma einhverju.

Við fengum..
- Frá Andra Frey og fjölskyldu: Sudoko spilið (úff.. og þið hélduð að ég væri addicted fyrir)
- Frá Palla: 2 geðveikar bækur (linka síðar), rosalega sterku segulstálin af think geek og ponsulítið nördateningasett í pínulitlum leðurpoka
- Frá ömmu og afa: Hina árlegu jólaskeið. Núna var þvörusleikir á henni.
- Frá hinum ömmu og afa: Alltof mikið af dönskum peningum til að kaupa eitthvað af ÓSKalistanum mínum.
- Frá tengda-ömmu og afa: Sængurföt úr 100% bómul (item 1 af ÓSKalistanum mínum) og mútsjó monní
- Frá tengda-ömmu: Jömmí konfekt
- Frá tengda-mömmu og pabba: George Forman grill (It's so good I'm puttin' my name on it. Item 2 af ÓSKalistanum mínum. Ég er geðveikt ánægð með það).
- Frá Ösp frænku og fjölskyldu: Vöfflujárn (Item 3 af ÓSKalistanum)
- Frá Daða bróður, Rúnu og Óla frænda: Árlega Óla-dagatalið, geðveikt fín mynd af guðsyninum í ramma og krukku með allskonar mismunandi heimagerðum brjóstsykur
- Frá mömmu og pabba: Sængurfatasett úr 100% bómul (item 1 aftur), pastavél (item 4 af ÓSKalistanum mínum) og muffinform úr sílíkoni

Ég fékk..
- Frá vinnunni minni: svona eh.. hvað heitir það aftur.. krydd myljara og skál og gaur til að geyma salt og gaur til að geyma pipar
- Frá tengdó: Mugison geisladisk, one of a kind designer veski (mjög smart), voða fínt kerti
- Frá Maddlú og Dóru: Geðveikt flotta, hlýja, mjúka peysu
- Frá Einari mínum: Warewolf the forsaken (á world of darkness og vampire the requeme. Elska þessar bækur), The Nightmare Before Christmas bók og rosa velútlítandi spil sem heitir Munchkin. Við spiluðum það smá áðan. Hlakka til að prufa með fleira fólki.
- Frá mömmu og pabba: Silk'epil (satanísk græja sem rífur hár upp með rótum (Item 5 af ÓSKalistanum) og.... geðveikustu gjöf EVER. HP iPAQ hw6515. Við erum að tala um pocket PC, myndavél, síma, neverlost græju (Fylgir tomtom með) og c.a. allt annað í heiminum. Svo gáfu þau mér 1 gíg minniskort í umtalaða græju. Ég ætla að kaupa WiFi kort aukalega (er með 2 card-slots). Ég setti þetta ekki einu sinni á ÓSKalistann. Bað um pening til að setja í Pocket PC sjóðinn minn, sem átti að fara í kaup á mun ómerkilegri græju. Váh. Ég er gersamlega í skýjunum. Get ekki beðið að fara að skrifa einhver kerfi fyrir hann. Nú verður Petra sko straujuð og hneppt í 50% ánauð. Skelli upp dual á hana og hálf-windows væðist að nýju!

Það er greinilega málið að gera ÓSKalista. Ég hef aldrei fengið eins mikið af gjöfum sem hitta BEINT í mark áður.

23.12.05

Í anda jólanna ætla ég að tuða yfir ósmekklegu jólaskrauti. Ekkert eins jólalegt og að tuða svolítið.

- Plast jólasveinar og plastsnjókallar með ljósum, ætlaðir til utanhúsnotkunar. EKKI málið.
- Marglitaðar útiseríur. EKKI málið.
- Ofskreytt hús. EKKI málið.

Annars var bara gaman að fara í labbitúr í snjónum, þrátt fyrir að Ártúnsholtið virðist vera mekka plastjólasveina, marglitraðra útisería og ofskreyttra húsa. Núna ætla ég að horfa á The Grinch og fara svo að lúlla mér. Svo þegar ég vakna verða jól. Eða svona.. næstum því.
Á morgun koma jólin. Þessvegna borða margir íslendingar skemmdan mat í dag. Heima hjá mér er hinsvegar hefð fyrir saltfisk-pastarétt.

21.12.05

Í dag eru vetrarsólstöður. Ég veit ekki af hverju "sól" kemur þessu eitthvað við. Ég hef ekki séð hana síðan ég kom til Íslandsins. Annars veit ég ekki hvað fólki gengur til. Jólagjöfin "hans" virðist vera ferð til New York og jólagjöfin "hennar" bíll. Kringlan var svo blind hauga full í dag að fólk lak út um eyrun á henni. Þetta var kl. 12.

Annars gerðust undur og stórmerki. Ég er ekkert mikið mexíkóskamatafan. Ég fékk mér samt BBQ burrito (mínus svörtu baunirnar þarna. Ég held að þeim sé ekki treystandi.. litu ekki vel út) á Serranos í hádeginu og hún var rosa góð. Mmmm. Smakki'ði.
Júhúhú.. Ég er búin að kaupa síðustu jólagjöfina, gjöf fyrir hr. Mon. Þá er ég bara tilbúin og sátt. Best ég fari að taka til í skápnum mínum... Ég hef búið í DK núna í 4 mánuði án innihalds skápsins, svo ég ætti að geta fundið fleiri föt til að gefa frá mér núna..

20.12.05

Ég er að skrifa jólakort í fyrsta skiptið. Hingað til hef ég alltaf bætt við "og Ósk" á viðeigandi kort hjá mömmu og pabba. Ég kemst víst ekki upp með það lengur, þegar ég er flutt að heiman. Annars er ég svolítið að endurhugsa það. Kannski ég verði bara alltaf í jólafríi á Íslandi. Lúlli alltaf í stóra, æðislega rúminu mínu og keyri alltaf splunkunýja benzinn hennar mömmu...
Subway posterchild?
Hann: Góðan daginn, get ég aðstoðað?
Ég: Játakk, ég ætla að fá 12" kalkún og skinku í heilhveiti (2 máltíðir.Mmmm)
Hann: Kalkúnabringu?
Ég: Já, nema meira kalkún og skinku
Hann: Stóran eða lítinn?
Ég: Ehm... stóran..
Hann: Okay.. Byrjar að raða alveg hrúgu af kalkúnabringu og engri skinku
Ég: *hugs* Jæja... ég fæ þá bara kalkúnabringu
Hann: Hvaða grænmeti má bjóða þér?
Ég: Allt ferska og svo ólívur
Hann: Má bjóða þér jalapeno eða ólívur?
Ég: Ehhh... bara ólívur takk.
Hann: Einhverja sósu?
Ég: Neibbs, bara salt og pipar
Hann: Salt og pipar?
Ég: ....já
Hann: Má bjóða þér eitthvað að drekka með þessu?
Ég: Nei, þetta er bara komið svona. Ég ætla að taka þetta með
Hann: Ha, vatnsglas?
Ég: ....nei
Hann: Taka með eða borða hér?




Ó...kay :o)

19.12.05

Þessar jólatrésölur geta ekki verið góður business. Hvað gerir þú svo þegar tréð hefur verið selt? Miklu sniðugra að skella upp jólatrjáasölu held ég..
DV tók það að sér á forsíðunni í dag að fræða öll lesandi börn sem ekki vissu það fyrir, að bræðurnir úr fjöllunum væru ekki til í alvörunni. Ætli það séu mörg börn sem kunna að lesa sem trúa á jólasveinana? Ég var 5 ára þegar sprengjan féll. 6 ára bróðirinn kveikti ljósið fyrir okkur bæði.

Ég var búin að vera tæplega ár í skóla (Ísaksskóli er með 5 ára bekk). Ég gat lesið alveg skítsæmilega miðað við aldur. Stamaði út úr mér setningum eins og "x og z eru hjón" úr lestrarbókum. Efast um að ég hefði verið að setjast niður og lesa forsíðuna á DV, þegar ég fékk mömmu til að lesa fyrir mig grínið í mogganum ennþá. Hvenær hætta krakkar almennt að trúa á þessa gaura? Ég á bágt með að sjá fyrir mér 7-8 ára krakka með skóinn úti í glugga, án þess að vita hið sanna í málinu.

Engu að síður, þá er íslenska jólasveinasystemið mikil snilld. Í gamladaga var sama famelía notuð í hræðsluáróður. "Ef þú heldur þig ekki á mottunni, svona fyrir jólin, verður þér stungið í poka og þú étinn". Núna er notuð jákvæð umbun. "Ef þú heldur þig á mottunni gefur jólasveinn[i] þér eitthvað fínt í skóinn. Með þessu eru foreldrar út um allt land að kaupa sér frið í jólaundirbúningnum, einmitt þegar krakkar eru almennt að fara á límingunum af stressi og tilhlökkun. Ég varð vitni að þessu síðast í gær. Guðsonur minn (3), sem er fallegasta og gáfaðasta barn sögunnar (að sjálfsögðu), var í pössun. Ég var að leggja mig, sökum þess að ég hafði drukkið opal skot kvöldið áður og vaknað svo í "julefrukost" um morguninn. Ég vaknaði við skræki og skrílslæti í frændanum. Stuttu seinna var hann mjög leiður yfir þessu öllu saman og sagðist hafa gleymt að passa sig. Hann ákvað að biðja afa sinn afsökunar á því að hafa öskrað á hann og ákvað að vera stilltur og góður það sem eftir væri af deginum og fara að sofa á réttum tíma.

Ég kann ágætlega við þetta. Jólasveinarnir halda börnunum á mottunni í kringum jólin og foreldrar og famelía fá kútós fyrir jólagjafir. Engir álfar eða hreindýr sjáanleg.

16.12.05

Fyrir ykkur sem ekki vita, þá er ég með íslenska símanúmerið mitt þegar ég er á landinu. Reyndar er ég nú þegar búin að fá fleiri símtöl það sem af er deginum, heldur en síðan ég flutti út eða eitthvað :o) Gamangamangaman..
Oh hvað það er gott að vera komin heim. Við sváfum í yndislegasta og besta rúminu mínu í nótt, sem var svoooo gott. Flugið hingað var reyndar spes. Til að byrja með eru flugleiðir búnir að flytjast á "Terminal 2" á Kastrup. Þar er mun minni þjónusta og vesen. Við vorum mætt snemma á völlinn (ég, Einar og Gúndi) og bara 2 aðrir hópar á undan okkur í röðinni. Engu að síður þurftum við að bíða heillengi. Þegar röðin kom að okkur var pjásan með vesen. Við Einar vorum með 2 töskur (augljóslega úr sama ferðatöskusetti og báðar með rauðri slaufu á sama stað). Önnur var létt og með jólagjöfum, en hin var 21.5 kg. Hún byrjaði að nöldra að hver og einn mætti bara vera með 20 kg, annars þyrfti að borga yfirvigt. Ég benti henni á að við værum bæði með þessar tvær og hence með vel undir 20 kg á mann. Hún hætti að nöldra. Fannst eflaust eins og hún væri að "letting us of the hook" og skellti "heavy" miða á þessa stærri. Svo kom röðin að Gúnda. Hans taska var undir 20 kg, svo hún ákvað að snúa sér að handfarangrinum. Hún lét okkur setja helvítis handfarangurinn á vigtina. Aldrei lent í því áður. Handfarangurinn hans Gúnda var of þungur, svo hann þurfti að senda eitthvað með venjulega farangurnum. Það mátti samt ekki vera of mikið, því að samtals mátti þyngd farangursins ekki fara yfir 20 kg. Það mátti heldur ekki vera of lítið, því að það eru bara 6 kg í handfarangur á mann.

Æi já. Það má víst heldur ekki breyta um sæti þarna á terminal 2. Hún ákvað að úthluta okkur Einari sætum saman, en Gúnda á allt öðrum stað og þessu var ekki hægt að breyta. Þegar hún hafði loksins lokið sér af með okkur var röðin komin langt út úr dyrum. Ekki sniðugt.

Vélin tafðist um 40 mínútur, því að Íslendingar eru geðveikir þegar kemur að jólagjafakaupum. Það var eins og allir væru með of mikinn handfarangur, því þegar sætin fóru að fyllast, voru "the overhead compartments" orðin stútfull. Fólk var með heilu, stóru töskurnar og gat ómögulega troðið þeim neinstaðar. Það hefur augljóslega verið slakað á í handfarangursvigti þegar á leið. Margar töskur þurftu að fara niður í "lestina". Sumt fólk var með huge töskur sem það hreinlega neitaði að setja niður. Það voru sko brothættir hlutir í þeim þankjúverímötsj. Flugfreyjurnar þurftu þá að færa dót fram og til baka og hagræða, til þess að skrímslin kæmust fyrir.

Æi já.. Svo var verið að færa fólk svo að hjón gætu setið saman og þessháttar, þar sem að það er ekki boðið upp á þá þjónustu við check-in lengur. Fyrir framan mig sat ungur strákur sem var beðinn um að færa sig nokkrum sætaröðum framar svo að eldri hjón gætu setið hlið við hlið. Maðurinn var með staf og átti mjög erfitt um gang. Hann náði að troða sér þarna í miðsætið og var glaður að geta sest niður. 5 mínútum seinna kom flugfreyjan aftur og sagði: "Sætið sem hann fékk úthlutað var ekki gluggasæti, svo hann vill skipta aftur. Því miður". Gamla fólkið varð að gjöra svo vel að klöngrast sömu leið til baka aftur. Hálf lame. Fyrir aftan mig sátu par með pínulitla stelpu. Það voru engin auka sæti í vélinni, svo að konan hélt á henni allan tímann. Hún var rosalega stillt og góð, heyrðist ekkert í henni. Um leið og það hafði verið slökkt á sætisbeltaljósnum beygði ég mig til að sækja iPodinn minn í handfarangurinn. Á sama tíma ákvað gaurinn sem terroræsaði gamla fólkið að halla sætinu sínu eins mikið aftur og var mögulega hægt. Ég festist næstum því. Ég gat allavega ekki hallað mínu sæti, því að fyrir aftan mig voru móðir og barn sem þurftu sitt space. Það var ekki fyrr en flugfreyjan gelti á hann í matnum að hann skildi nú hafa sætisbakið upprétt á meðan það væri verið að borða að hann lagaði þetta til.

Meh.. Það er allavega æðislegt að vera komin heim. Gotstógó.. ég er að fara í bað!! :oD

15.12.05

Ég fer jóla-heim í jóla-kvöld.. Jólajólajóla...

Jólinjólinjólin-Heiiiim jólinjólinjólin-heeeeim...

14.12.05

Kiss Kiss Bang Bang er geðveikt góð mynd!
Eins og fram hefur komið, þá fór ég í mitt fyrsta próf í DTU á mánudaginn. Það eru töluvert strangari reglur í prófum hér en heima. Erlendir stúdentar eru látnir fá rafrænan bækling um hvernig eigi að haga sér í prófum. Í bæklingnum er til að mynda var sögð dæmisaga af stelpu sem hafði verið í gagnaprófi (kennslubók o.fl.). Hún skrifaði texta upp úr bókinni í eitt svarið, án þess að segja hvaðan hún hefði fengið hann. Stelpan bar það fyrir sig að hún hefði talið að fyrst að bókin væri leyfilegt hjálpargagn, mætti hún nota hana eins og hún þurfti og kennararnir myndu vita að textinn kæmi þaðan. Prófið var núllað og hún var felld í kúrsinum. Annað sem að kona þarf víst að gera er að skrifa undir síðustu blaðsíðuna á prófinu.

Á mánudaginn byrjaði ég á að sækja brúnt umslag, nokkur hvít rúðustrikuð blöð og nokkur gul rúðustrikuð blöð og fara með í sætið mitt. Á umslagið og öll hvítu blöðin þurfti ég að skrifa nafnið mitt, kúrsanúmer, kúrsaheiti, fæðingadag, dagsetningu, stúdentanúmer og borðanúmer (mér var fyrirfram úthlutað borði). Ég þurfti svo að merkja blaðsíðunúmer inn á viðeigandi reit líka. Gulu blöðin voru eins sett upp, en þau voru fyrir skyssur og útreikinga. Ég sleppti því að merkja þau, þó það hefði verið í boði. Elliborgarar gengu svo um og söfnuðu farsímum í pappakassa. Eigendur þeirra þurftu að vefja þeim inn í gul blöð með borðanúmerinu sínu á og pappakassarnir voru svo fjarlægðir úr sofunni. Enginn GSM sími má vera inni á prófatíma they say.

Eins og ég talaði um fyrr í vikunni, þá féll ég alltaf á tíma í gagnaprófum. Þetta próf var engin undantekning. Þegar það var ein mínúta eftir af tímanum, númeraði ég hvítu blöðin, skellti þeim í umslagið og lét vinalegu elliborgarakonuna sem sá um mína röð fá umslagið. Enginn mátti fara út úr íþróttasalnum fyrr en öllum umslögum hafði verið komið til skila. Ég gekk frá dótinu mínu og beið eftir að fá að komast út.

Munið þið þegar ég sagði að það þyrfti að skrifa undir síðustu blaðsínuna? Þá eruð þið með betra minni en ég, vegna þess að ég gleymdi því. Í panikki rétti ég upp hendina og vinalega elliborgarakonan kom til mín skömmu seinna. Ég mjálmaði út úr mér að ég hafi gleymt að skrifa undir. Hún hvíslaði að mér að hún skildi reyna að redda þessu fyrir mig og kom að vörmu með umslagið mitt. Hún smeygði því laumulega á borðið mitt þegar hún labbaði framhjá, ég opnaði það, skrifaði undir og skilaði aftur næst þegar konan labbaði framhjá. Hún brosti til mín eins og hún hafi verið að gera eitthvað sem hún mátti ekki. Ég held eiginlega að hún hafi verið að brjóta einhverjar reglur fyrir mig.

Mín gleymska varð þó öðrum til bjargar, vegna þess að fyrir framan mig var annar Íslendingur. Hann sagði mér eftir að hann hafði skilað sínu umslagi, að hann hafi líka gleymt að skrifa undir, þangað til að hann heyrði mig tala við konuna.

Jáh.. Er þetta svona allstaðar annarstaðar en heima?

Multimedia message

Brúnt
Powered by Hexia

13.12.05

Við fórum í Fields í dag. Sáum sem sagt þetta. Vá, ég held ég hafi aldrei séð svona mikið af löggum. Það voru allavega 3-4 á hverri stoppustöð á Metroinu og svo var alveg brjáááálað mikið af löggum í kringum Bellacenter. Ég vissi ekki alveg hvað var í gangi fyrst... ekki besta tilfinningin :o)

12.12.05

Njammnjamm. Við fórum í jóla tívolíið í kvöld. Þetta er önnur ferðin okkar þangað og ekki var þessi neitt síðri en sú fyrri. Þetta er alveg asnalega flott..
Mér fannst þetta svo fyndið að ég varð að deila þessu. Eftirfarandi er samtal af gtalk. Eða.. önnur hliðin á því. Og já.. hann opnaði í alvörunni á þessari línu (ég er með 2 barnatennur muniði):

Þú ert ekki ein um að vera vansköpuð. Eins og þú veist og sumir að ég HATA endajaxlatöku. Ég var hjá tannlækni áðan, ok ? Svo hann segir við mig.. "Hmm, bíddu tókum við ekki alla jaxlana úr þér í fyrra?" Og ég sagði, "Jú svo sannarlega, gleymi því aldrei á minni ævi" Og hann segir, "Já þeir eru nefnilega komnir aftur" Þá var ég kominn með tvö tæki upp í mig þannig að eina sem ég gat sagt til að verja mig var "Mrrrglleaaaahhhh"

Hann skoðaði og fann einn aukajaxl. Nei, kemur bara í ljós að skolturinn á mér er endajaxlaverksmiðja til styrktar tannlæknastofunni valhöll. Í 22 ár hef ég haldið því fram að líkami minn sé fullkominn, en núna kemur í ljós að ég er vanskapningur (Innskot frá Ósk: Téður piltur er 23ja ára, svo hann hlýtur að hafa hatað sig í 1 ár þarna inn á milli).
Isss.. það var hægt að kaupa alvöru svona í Iso..
Ég: Jólasveinninn gleymdi mér!
Einar: Ha, af hverju segir þú það? Settir þú skóinn út í gluggann?
Ég: Nei, það þarf ekkert. Sjáðu, þú fékkst einmitt í skóinn!
Einar: *kíkir í inniskóna sína* Ha? Fékk ég gúrku!
Ég: Jáááv.. En ég fékk ekki neitt.
Einar: Ég er ekkert svo viss um það. *Gáir í skóinn minn* Sko! Þú fékkst eitthvað líka
Ég: *kíki í skóinn sem ég er búin að vera í allan dag. Váh! Ég fékk Jóla Tuborg!!

Oh.. hann Stekkjastaur! Prakkarinn!

Annars er það helst í fréttum að við erum búin í prófi. One down, none to go! Vúhú! Héldum upp á það með því að slátra nokkrum jule-tuborgum á skólabarnum.

JEIIIJ.. það eru næstum því alveg komin jól núna

11.12.05

Pöbbarnir..

Two peanuts walked into a bar. One was a salted.

A dyslexic man walks into a rab....
Ég gleymdi alltaf að segja ykkur það... Ég fattaði pedals around the rose leikinn í síðasta mánuði. Við vorum að læra og það kom upp að Gúndi hafi náð honum, svo ég gat ekki verið minni manneskja.

10.12.05

Multimedia message

Þessi glæsilega teikning er listrænt samstarfsverkefni okkar englaborgarvegsbúa. Okkur langaði í nammi og þetta er saga nammikaupa. Maður og peningar => nammi => feitur maður í hlýrabol og nærbuxum með bumbuna út í loftið. Einar hengdi myndina á ísskápinn. Hahaha
Powered by Hexia

Ég hef logið að ykkur síðustu ár. Ég er í alvörunni sænskur, 19 ára strákur...
Unnur Birna barasta orðin ungfrú heimur! Hún er náttúrulega önnur kynslóð sætukeppanda. Ætli það hafi verið skellt bók á hausinn á henni um leið og hún var farin að taka fyrstu skrefin?

Never the less, gullfalleg, náttúruleg stelpa með þvílíka útgeislun. Hvað sem mér kann að finnast um sætukeppnir, þá er þetta frábær árangur hjá stelpunni!
Ég keypti mér tic-tacs. Þau munu gegna hlutverki tokena fyrir petri-net á concurrent systems prófinu mínu á mánudaginn. Reynið svo að segja að kona geti ekkert lært frá Færeyjingum!
BLAST! Ætlaði að leggja fyrir ykkur árlega "þið þekkið mig ekki" prófið, sem hefur verið nákvæmlega sama prófið með sömu spurningunum 3 ár í röð. Nú, 4 árið, sagði prófgeymarinn að hann gæti ekki meira og það væri hvergi að finna..

Pffff..

9.12.05

....það eru litlu hlutirnir í lífinu
Höhöhööh.. kreisíj Færeyjingar.. Þegar þeir eru að segja færeyska orðið fyrir "okkur", skrifa þeir "vid", en bera það fram "okkur". Hahaha

8.12.05

Hvað sem þú gerir... EKKI hugsa um mörgæsir.







.....







Þú ert að husga um mörgæsir er það ekki??











Ég sagði þér að hugsa ekki um mörgæsir!! Hvað er málið?








Oh well..
Fyrst þetta hressa tímarit er orðið 100% netmiðill, er spurning fyrir það að fara að gera heimasíðuna sína læsilega fyrir alla helstu vafra..
Vá, lagið sem er fyrir aftan þegar verið er að auglýsa "Dætur hafsins" bókina hennar Súsí (radíus kallaði hana alltaf það) er eitthvað það klámmyndalegasta sem ég hef heyrt...
Eye of the tiger
Lifi Post-its miðar!!
Ég og próf erum ekki bestu vinir. Gagnapróf eru sérstaklega erfið við mig. Í prófum efast ég um alla þekkingu sem ég hef, þegar ég er með öll gögn fyrir framan mig og get flett öllu upp. Ég sem sagt fell ALLTAF á tíma.

Ég hef lært það eftir nokkur svona gangapróf að post-its miðar eru góðir félagar. Tíma sem ég eyði í að setja posti-its miða við hvern kafla eða þar sem áhugaverðir hlutir leynast, er sko vel eytt. Ég tek líka með mér post-its miða í prófin. Þá get ég skellt einum í skærum lit á blaðsíðu sem ég tel að gangist mér við seinni spurningu.

Post-its miðar draga úr streytu..
Þegar ég var í 8 og 9 ára, var stelpa með mér í bekk sem elti mig út um allt og vildi vera vinkona mín, því henni fannst ég vera svo "lítil og sæt". Ætli þessi stelpa sé lesbía í dag.....?
Hahahah.. "I have a bachelorette degree in Computer Science" Það meikar fullkomið sense.. Ekki er ég bachelor.. Ahh.. speaking of which. Íslenski hórkallinn er á dagskrá í kvöld. Pjásur segja allt þáttur. Upside og downside.. ég verð í flugvélinni á leiðinni heim þegar lokaþátturinn er sýndur. Muh!
flott body art
Ég svaf ekki vel í nótt. Draugur kebabsins frá því í síðustu færslu var að kvelja mig. Þegar ég sofnaði, fékk ég fitu-martröð. Dreymdi að ég liti í spegilinn og væri með rosalega undirhöku. Svo leit ég niður ég sá ekki á mér tærnar.

Ég er farin að plana alvarlegt 12 vikna prógram þegar ég kem aftur heim frá Íslandi. Er mikið að spá í að kötta nammi og áfengi af nammideginum to boot.

7.12.05

Ég er að reyna að klára ritgerðina mína, svo ég geti farið að læra fyrir próf (ég fer í eitt próf. Það gildir 40%. Helvítis mellan hún tilviljun sá til þess að ég þyrfti að skila 70% examination project á sama degi). Ég var einmitt rétt í þessu að færa mig frá borðstofuborðinu, þar sem ég hef verið staðsett í allan dag og yfir í sófann minn (ég "á" litla sófa, Einar "á" stóra sófa. Litli sófi er minni, alveg eins og ég..). Oh.. það er svo gott að skipta um umhverfi.

Eh.. já.. anyways. Ég sem sagt hafði ekki tíma til þess að elda. Ég ætlaði að versla mér sushi bakka, en í búðinni var allur slíkur munaður uppseldur, sökum tilboðs. Hálf ringluð og ekki með "plan-B", ráfaði ég með Einari á staðinn sem hann ætlaði að versla sér mat. Ég keypti mér kebab í annað skipti á lífi mínu. Þetta er eitthvað sem helmingnum þykir vera guðaveigar, en ég var ekki impressed. Þetta var ekkert sérstaklega bragðgott og þetta brenndi hálsinn, munninn og varirnar. Eins og eldur fank you very much.. Burnsors..
Ég er ekki í sjálfsmorðshugleiðingum eða neitt... en stundum held ég að ég sé svolítið morbit. Þegar ég bjó ennþá á Íslandinu og átti ennþá Benna minn, hugsaði ég oft um það nákvæmlega hvernig það myndi vera ef vörubíllinn sem var á keyra á eftir mér myndi keyra yfir mig. Hljóðin og allt. Stundum sé ég það fyrir mér nákvæmlega hvernig það myndi vera ef ég myndi detta niður stigann í stigaganginum... fæ blóðbragð og svona. Stundum hugsa ég um hvaða föt fólkið mitt myndi velja til að jarða mig í.
Hvað hefur orðið um allar hetjurnar?
Hetjur æsku minnar eru orðnar gamlar, geðveikar, drained eða ríkisstjórar Kaliforníu. Það koma engar hetjur í staðinn. Hetjur krakka í dag eru einhverjar sem eru tosaðar út úr eldgömlum teiknimyndablöðum. Ekki það á ég fíli ekki teiknimyndablöð eða bíómyndir gerðar eftir slíkum... Ég er bara að upplifa ákveðin hetjuskort.

Margir hafa reynt að fylla upp í skarðið, en engum tekist það. Sem dæmi má nefna The Rock og Vin Diesel. Þeir eru báðir massaðir og voðalega vondir leikarar. Vin reyndi meira að segja að halda sig á svipaðri braut og ríkisstjórinn, með því að leika í ógeðslega vondri mynd þar sem hann var lögga sem þurfti að passa krakka. Kannski hann leiki næst í mynd þar sem að hann er tvíburabróðir David Spade. Það virðist hinsvegar vanta eitthvað upp á hjá þeim.

Vandamálið gæti legið hjá hollywood. Með allar brellurnar og tölvutrixin sem eru í boði í dag, dettur engum í hug að gera kvikmynd um massaðan, málhaltann mann á lendarskýlu og með sverð... Eða taka séns á fyrrverandi "italian stallion" með vont handrit í vasanum og drauma um að leika aðalhlutverkið...

Hetjur eins og Brúsi var, svona blótandi, reykjandi gaurar með blóðugar fætur og drullugan, hvítan hlýrabol eru heldur ekki á hverju strái lengur. Þó svo að Die Hard 4, sé væntanleg á næsta ári, þá verður þetta ekki alveg eins. Brúsi er orðinn fimmtugur....

Multimedia message

Heimaföt, teppi, ógreiddu hári skellt í tagl, föl húð, baugar, fjöll af lærdómi... Sveimérþá, það eru alveg að koma jól!
Powered by Hexia

5.12.05

Litli drullusokkur og stóri drullusokkur
Ég tók reyndar mynd af þeim, en hún virðist hafa týnst á leiðinni á póskið. Niðurfallið inni á baðherbergi (tja.. eða inni í sturtuherbergi. Er ekkert bað.) er stíflað. Áðan var gólfið allt úti í vatni. Við keyptum stíflulosandi (laxerandi fyrir niðurföll?) og stóra drullusokk. Stóri drullusokkur passaði ekki, svo við fórum og keyptum litla drullusokk. Hann passaði fínt. Nú er bara að bíða og sjá og kasta út öllum undirbrúatröllum sem heimta meðal drullusokk. Það versta er náttúrulega óvissan.....

On the bright side, þá eigum við tvo drullusokka núna.. Það getur ekki verið slæmt!
Úfff hvað það er gott að vera með aðgang að IEEE safninu.. Ég sit bara hérna í góðum fílíng (tja.. það er reyndar overstatement) heima hjá mér og sækji hverja greinina á fætur annari um öryggisvandamál í sensor networkum. Fer bara í gegnum bókasafnið í DTU þeinkjúverímötsj.

HR!! Af hverju ert ÞÚ ekki með aðgang að IEEE safninu? Hmm.. ha??

3.12.05

Ég er komin með einhvern lífsleiða. Hann lýsir sér þannig að nú á laugardagskvöldi langar mig helst að borða nammi og ég nenni ekki að leita mér heimilda og skrifa restina upp úr sjálfri mér um öryggi í gáfuðum húsum. Sérstaklega nenni ég ekki að hugsa um samskiptastaðla (víraða og víralausa), tæknir fyrir skynjara, authentication og lyklastjórnun og hvaða öryggisvandamál geti komið upp og hvernig megi draga úr líkunum á þeim og bregðast við þeim ef þau koma upp....

Kannski ég fari bara að henda því sem ég er búin að skrifa upp í LaTeX. Það er allavega EITTHVAÐ... :oP

Váh.. akkúrat í þessum töluðu orðum svelgdist mér á eigin slefi og kafnaði næstum því. Það hefði ekki verið virðulegur dauðadagi fyrir keisaraynju (ég kann betur við drottningu reyndar) veraldarinnar..
Hello Óskímon you ideal job is a Emperor of all the world. Ég VISSI það!

2.12.05

Ég veit að það er ljótt að hlægja að svona... en HAHAHAHAHHAHAHAHA
Hann: Skrítið að það sé hægt að tala á skype þó að nettengingin sé niðri.
Ég: Nettengingin getur ekki verið alveg niðri ef þú getur talað á skype. Er IE með eitthvað vesen?
Hann: Ó fyrirgefðu, ég gleymdi því að þú fannst upp netið herra Al Gore.
Mamma mín og pabbi minn eru farin aftur til Íslands. Eða. Þau eru í flugvélinni á leiðinni þangað. Þau gáfu okkur hvíta ljósaseríu með glærum plast hjörtum utan um áður en þau fóru. Hún er rosalega fín og sómir sér vel í gluggakistunni. Núna líður mér eins og það séu næstum því komin jól.

Þau reyndar rifu baðherbergið allt í sundur líka stuttu áður en þau fóru. Við komum heim úr skólanum í dag og þau var hvergi að finna, en íbúðin var undirlögð af verkfærum. Þegar ég leit inn á klósett, var enginn krani lengur í vaskinum og það var búið að lyfta vaskborðinu upp og festa það við vegginn. Þegar það var hálftími í að við ætluðum að skutla þeim upp á flugvöll og ég var farin að halda að það yrði ekki hægt að þvo á sér hendurnar eftir klósettferðir lengur, komu mamma og pabbi aftur heim. Þau gengu frá öllu eins og það hafði verið áður, nema núna var sag á gólfunum og niðurfallið svolítið stíflað. Þau ætluðu sem sagt að laga eitthvað, en stærðin á einhverjum rörum var ekki stöðluð. Þau tóku nýju blöndunartækin með sér til Íslands og ætla að láta sníða þau eitthvað til þar, svo við getum bara tekið þau með okkur eftir jól og skipt sjálf. Jáh, ég er svo mikið handyman. Örugglega með rassaskoru og allt ef ég fer í þesslegar buxur... Ekki hef ég allavega grennst á meðan að helvítis Einar þarf að kaupa sér nýtt belti, því hitt er orðið of stórt. Ömurleeeeeeeegt.. Ég fer oftar í ræktina, borða sjaldnar bakkelsi og fæ mér ekki nammi á hverju kvöldi... en HANN er sá sem þarf að kaupa nýtt belti.. HANN sem var í 11% líkamsfitu fyrir...

Pfff.. efnaskiptum er ekki deilt jafn á alla..
Ef ég er hálf dösuð, er ég þá ekki líka hálf full af orku? I suppose.. Glasið er hálf fullt.

1.12.05

Hvað ef hókí-pókí er það sem þetta allt snýst um?
Þá hefur líf mitt fram að þessum tíma, að undanskildum nokkrum jólaböllum í æsku, verið sóunn! Best að biðja til Alberts Kóalabjörns að svo sé ekki...
Vá.. Kannski er bara ágætt að vera flutt af þessu landi.
Veiveivei.. Veiveivei.. veiveivei veiveiiiii (við jingle bells lagið).
Uppáhalds vetramánuðurinn minn er kominn, hann desmonber! Þá koma jólin og pakkarnir og jólalögin og skrautið og.. og.. og.. Ahh.. desmonber! I lurv you!

14 dagar í heimsókn heim. 14 dagar í að ég geti lúllað í æðislega rúminu mínu. 14 dagar í að ég hitti fólkið mitt og geti spilað roleplay og verið í fríi.
Það bendir allt til þess að ég muni ekki fara yfir um og byrja að lemja smávaxnar, kínverskar stelpur með 78 bls skýrslu. Murder by paper-cuts! Við skilum helvítinu á morgun. Bara 2 dagar. Ég get höndlað það! Ég GET höndlað það.

Bráðum mun ég ekki þurfa að öskra inni í mér á meðan ég reyni að útskýra á einfaldasta og góðlátlegasta hátt sem ég mögulega get, í 4 skiptið á þeim hálftíma, af hverju við ætlum ekki að búa til sætar myndir sem segja ekki neitt og setja í skýrsluna, 2 dögum fyrir skil. Bráðum mun ég ekki þurfa að útskýra hversvegna það eigi ekki að henda út 20 blaðsíðum af skýrslunni (þar sem að kennarinn fer fram á að sjá alla vinnu sem við höfum gert), í staðinn fyrir að færa þær yfir í apendix.

Síðasta ítrun í dag. Útprentun og undirskrift. Skil. Aldrei aftur í þetta fag. Aldrei aftur þessi kennari. Aldrei aftur þessar stelpur!

30.11.05

Vúhú. Mamma mín er komin í heimsókn. Hún kom með splenda, PAM sprey, 4 hálfslítra kókflöskur, jólaöl, lakkrísrúllur og jóladagatal fyrir Óskina sína.
The generation of random numbers is too important to leave to chance.

road runner vs. road runner

29.11.05

Græjan mín segir að ég hafi labbað 7.3 km í dag. 9.3 ef ég legg við þetta þessa rúmlega 2 km sem hún svindlaði af mér á hlaupabrettinu í morgun (tel ekki elliptical græjuna með, það eru víst ekki skref). Ég veit ekki alveg hvað það segir mér. Hugsanlega segir það mér að ég eigi ekki bíl, en það vissi ég nú fyrir. Benni, drottningarvagnin, er núna orðin celeb-kaggi og er í góðu yfirlæti hjá rithöfundarkonunni sem keypti hann á landi elds og ýsu.

Þetta segir mér kannski líka að ég hafi verið að læra á bókasafninu í dag og labbað í nördamötuneytið sem er úti í rassgati í hádeginu og svo aftur til baka. Eða að uppáhaldsbúðin mín sé þessi í 15 mín. göngufjarlægð, en ekki þessi hinu megin við götuna eða þessar í 5 mín. fjarlægð.

Hugsanlega segir þetta mér nákvæmlega ekki neitt, þar sem að ég hef engin viðmið. Já. Ég held það bara.
Ég fékk budget í gær til að kaupa mér skrefmæli. Hann kostaði 30 krónur. Reyndar kostaði hann 29.95, en á dönsku eru það einmitt 30 kr, því að þeir rúna upp. Þetta er töluvert grófara en þegar hlutir kosta 299 á Íslandinu, því þá fær kona allavega krónuna til baka. Hún kemur sér vel. Ég hef heyrt það í lagi og ég efast um að það sé lygi. Allir vita að "lying through song" er "the worst way of lying", svo þeir færu ekki að ljúga.. Haldið þið það?

Skrefmælirinn (pedometer upp á enskuna. Jább, það er actually til orð yfir þetta apparat) er lítill, sætur, með úri, skrefafjölda, km mæli, kaloríumæli og kom með dönskum leiðbeiningum. Ég gat lesið þær, því ég skil útlensku. Ég prufaði hann í gær og sá að ég labbaði c.a. 3 km í rölti mínu á milli búða. Það meikaði sense.

Í morgun skellti ég honum á mig, rölti út á strætóstoppustöð, frá stoppustöðinni upp í skóla og í ræktina, hljóp 3.09 km á hlaupabrettinu og tók 20 mín á glidernum. Eftir þetta vildi skrefmælirinn meina að ég hafi ferðast 1.9 km. Það var ekki alveg rétt. Ég held að það sé mér að kenna. Ég gerði of miklar kröfur til hans. Hann er labbimælir, en ekki hlaupamælir. Vonandi fyrirgefur litla skinnið mér.

28.11.05

Ætli eiturslöngur geti framið sjálfsmorð með því að bíta sig í tunguna..?
Tók mig til og bakaði litla skammta af tveim sortum, báðar temmilega ekki-óhollar. Piparkökur og kókoskökur. Þær eru alveg prýðilegar á bragðið. Ég held að það sé sterkur leikur að baka ekki mikið í einu. Ég hef heyrt að það skipti engu máli hvað kona bakar mikið, þetta er allt étið. Betra að borða minna en meira I suppose, þó þessar komi nú bara frá úthverfum bumbuborgar, en ekki down town. Það er bara eitthvað svo helvíti jarðtengjandi við að fikta í deigi með höndunum og það er svo helvíti jóló þegar íbúðin lyktar eins og smákökur.

Pabbi minn, hann pabbi, kemur líka í heimsókn á morgun og mamma mín, hún mamma, á miðvikudaginn og þau verða fram á föstudag. Kannski þau geta hjálpað til við smákökuneysluna. Eitthvað segir mér að minn einasti Einar verði líka trooper. Super trooper! License and registration meow.

Annars eiga sér stað undur og stórmerki á þessari stundu. Ég, stúlkan sem drekkur hvorki kakó, te né kaffi, er að pína í sig detoxifying te. Það er lakkrísbragð af því. Af hverju ætti ég að treysta einhverju með lakkrísbragði sem er ekki lakkrís? Beats me! Ég er bara í miðjum Kínakaflanum í Cartoon History of the Universe: Vol II og það stóð á tepakkanum að í það væru notaðar jurtir og krydd sem Kínverjar hafa brúkað síðustu árhundruð við að afeitra sig. Tengingin sko! Já og svo var yogastelling utan á pakkanum og mig hefur alltaf langað til að stunda yoga.

Það að "afeitra" sig hljómar líka eins og eitthvað sem kona ætti að gera reglulega. Það getur ekki verið gott að vera eitruð. Nema þú sért slanga, þá er það kannski gott. Tja.. nema þú bítir þig í tunguna, þá er það kannski vont.
Extrím borðtennis..
Ég hef ákveðið að gerast strumpur. Ég hef aldrei verið ásökuð um að vera hávaxin og ofan á það er ég búin að vera næstum helblá af kulda síðustu daga. Ég ákvað að kóróna þetta allt saman með því að kaupa mér strumpa skó (sokka?). Þeir eru hvítir og púffí og ég verslaði þá í rúmfatalagernum, sem heitir einhverra hluta vegna Jysk hér í Kóngsins Lyngby (aha.. Lyngby heitir nefnilega Kongens Lyngby, eða Kgs. Lyngby... en EKKI Kaupmannahöfn, þetta er allt einn stór misskilningur. Legg til að þið hættið að tala um kóngsins Köbenhavn núna eftir að drottningin hefur leiðrétt ykkur).

Strumpaskórnir mínir eru svipaðir og þessir sem eru á þessari síðu undir nafninu "dúnsokkar", að undanskildum litnum. Glæsilegir. Núna verð ég kannski ekki blá á tásunum lengur, þegar ég þramma um í Danmerkur útibúi kastalans.
Ætli litlir hundar, sem eru alltaf í fötum, fyllist skömm ef þeir fara út úr húsi "naktir"..?

26.11.05

Gerviklám..

Hahahah.. besta hárgreiðslustofu nafn í heimi.
I lock the door and lock my head and dream of butterflies instead. The beauty of their colored wings, the trees and grass and pretty things, imagination fills the void of my existence.
Palli: Nýtt trend sem sameinar það tvennt besta frá Japan .. Bukkakariokí
Það er fátt eins velmegunarlegt og fílakarmella. Kannski finnst mér það bara vegna þess að þær kosta 15 kr. stk. í sjoppunum heima sem gerir kílóverð hátt upp í.. ég veit ekki... milljón?

Alltaf þegar ég fer í candy megastore, kaupi ég svona 4 fílakarmellur. Ekki því mér finnst þær bestar í heimi, heldur því að mér líður eins og ég sé að borða gull á kostakjörum.

25.11.05

Við skelltum okkur á Mugison tónleikana sem voru haldnir niðri í bæ. Fyrir einhverjum vikum, þegar íslenski almúginn í Danmörku var að spreða 350 krónum á Sálina, pöntuðum við okkur miða á Mugison á netinu fyrir 150 krónur. Ég held að það sé ágætis regla að eyða ekki pening í að sjá tónleika með hljómsveit/listamanni sem þú myndir ekki eyða peningum í að sjá á Íslandinu heldur. Þó svo að almúginn hafi kannski ekki verið þarna á staðnum, þá voru þeir sem mættu eiginlega bara Íslendingar. Það var hálf skrítið að heyra móðurmálið talað ALLSTAÐAR í kringum sig aftur.

Mugison var geðveikt fínn. Ég var rosalega sátt við þessa tónleika. Ég reyndar dó næstum því úr troðning og sígarettureyk, en lykilorðin hér eru "næstum því". Ég lifði af til að mæta í næsta troðna, reykmettaða sal sem "tickles my fancy".
Það snjóar. Úti eru 2°C, en samkvæmt menu-bar veðurfréttunum er "feels like" niðri í -4.7°C. Það er friggin' kalt. Reyndar snjóar bara litlum flygsum, sem bráðna strax á jörðinni, svo jörðin lítur bara út eins og það sé rigning.

Ég sit uppi í sófa, undir teppi en er samt hálf kalt. Sérstaklega á tásunum. Ég held að mig vanti inniskó. Svona hlýja og mjúka, til þess að nota við svona tilefni. Annað hvort inniskó, eða svona arinelds-DVD, til að fá allavega hlýrri stemmningu..
Íslendingar eru kex. Hvar annar staðar gæti eftirfarandi scenario átt sér stað?

Persóna 1: Awww.. þetta barn er ALGJÖRT rassgat..
Persóna 2: Sorry, I don't speak Icelandic..
Persóna 1: Oh, I was just saying that your baby is a TOTAL asshole

24.11.05

Hahahah.. djö.. Það ættu ALLIR að horfa á rósarathöfnina í Bachelornum sem var í kvöld, hvort sem að viðkomandi horfi almennt á þennan þátt eða ekki!
Hey! Gerum test..
Ég tók "Super IQ test" og fékk (þetta er úrdráttur.. peistaði ekki öllu):

Osk, your Super IQ score is 141
The way you think about things makes you a Complex Intellectual. This means you are highly intelligent and have extraordinarily strong verbal and math skills. Compared to others you are a highly conceptual and complex thinker and are able to understand information in an abstract form. You also show great attention to detail. In fact, it's hard to find something you're not good at.

Only 6 out of 1,000 people have this rare combination of abilities.

Hér er sem sagt mitt test á þetta test. Takiði "super IQ test" og sjáið hvort það vilji svo skemmtilega til að þið séuð LÍKA 6/1000!
Skora alltaf sem gaur í svona prófum... Kynja-alhæfingar eru hallærislegar...
Your Brain is 40.00% Female, 60.00% Male
You have a total boy brain
Logical and detailed, you tend to look at the facts
And while your emotions do sway you sometimes...
You never like to get feelings too involved
What Gender Is Your Brain?
Ég man eftir því þegar ég var að kaupa diskinn sem ég talaði um í færslunni hér fyrir neðan. Það var í einhverri leet búð í JúEssEj fyrir c.a. 5 árum. Gaurinn í afgreiðslunni var spes. Hann leit svolítið út eins og Comic book guy í Simpsons. Þegar ég hafði hlaðið nógu mikið af næstum-því-ókeypis-á-íslenskan-mælikvarða-geisladiskum á mig, labbaði ég að kassanum og hugðist borga með monnís sem hafa víst flest allir kókaínleyfar á sér samkvæmt einhverri rannsókn.

Comic book guy var á þeim tímapunkti að skammast í einhverju stelpugreyji fyrir að vera að kaupa blöðrupoppsdisk með einhverri blöðrunni sem hefur sprungið síðan þá. Þegar stelpan fékk að komast í burtu með diskinn sinn, tók hann við bunkanum mínum. Hann fór í gegnum það sem ég hafði hugsað mér að fjárfesta í og lýsti yfir áliti sínu á hverjum og einum disk, án þess að vera sérstaklega beðinn um það.

Þegar hann sá Throwing Copper varð hann glaður eins og Jói Fel í speglahúsi. Hann var reyndar sáttur við alla diskana sem ég keypti mér, nema einn. Þegar hann kom að honum kom þvílíka romsan yfir hvað þetta væri nú ekki merkileg nýting á plássi og söngkonan væri svo hvítt rusl að hún hefði örugglega verið þvegin með spes ultra-white þvottaefni á meðan hún var að stuðla að því að það myndu áfram finnast téðar kókaínleyfar á dollaraseðlunum. Jább.. Það var einmitt diskurinn Celebrity Skin, með hljómsveitinni Hole. Þar í fararbroddi er Courtney "Yoko Uno" Love.

Ég leifi mér enn þann dag í dag að vera að hluta til ósammála þessum úrskurði sölumannsins. Vissulega er pjásan ekki merkilegur pappír og vissulega er diskurinn í heild ekkert spes, en þarna leynist engu að síður eitt af mínum uppáhalds lögum, með svalari texta en flest önnur...
Ég ætla nú ekki að fara að gerast svo hrokafull að halda því fram að diskurinn (böggar mig þegar fólk talar um plötur.. Þetta er ekki friggin' plata. Þetta er geisladiskur. Ég veit það, því ég keypti hann með mínum eigin peningum og rippaði hann með mínum eigin höndum og minni eigin Emmu. Það var aldrei neitt helvítis vínil á staðnum ) Throwing Copper með Live sé besti diskur í öllum heiminum... Neeii. Í staðinn mun ég halda því fram að hann er besti diskur sem ég persónulega hef nokkurntímann hlustað á út í gegn. Ever.

Drottningin, aldrei hrokafull!
Maybe this isn't as bad as it looks..

23.11.05

Það er svo erfitt að byrja. Það er fátt eins ógnandi og hvítt blað, hreinn strigi, tómt LaTeX skjal eða before mynd. Ég held að REM hafi ekki alveg haft rétt fyrir sér í laginu Saturn Return með textanum "easy to take of, harder to fly". Virkilega töff settning, en fyrir mér er þetta akkúrat á hinn veginn. Ekkert mál að fljúga eins og fuglar, superman og svín (en samkvæmt kennaranum í "Hönnun og smíði hugbúnaðar" kúrsinum sem ég tók 2003, þá geta svín flogið ef þú kastar þeim nógu fast. Það er bara erfitt að stjórna því hvar þau lenda) eftir að kona hefur bara hafið sig til flugs. Helvítis flugtakið er hinsvegar meira mál.
MMM-mmm..MM! Nýja uppáhaldið mitt er "tuna-wrap". Það er tortilla með hollu túnfisksalati, gúrku, papriku og salati. Crazy gott. Tuna-wrap fyrir Ósk, burrito fyrir Einar. Allir sáttir.

22.11.05

Hvernig gera má leiðinlegan hamstur áhugaverðari...

Já.. og hvernig má gera eitthvað hreint "óhreint"
Ohhh.. ég NENNI ekki að fara að hitta stelpurnar sem geta ekki talað almennilega ensku, geta ekki hugsað út fyrir kassann, vita ekki hver forskurinn Kermit er og eyða tíma mínum í að láta mig útskýra fyrir þeim af hverju einföldustu og augljósustu hlutir eru eins og þeir eru. Eins og það sé ekki nógu slæmt, heldur er ég með samviskubit yfir því að nenna ekki að hitta þær, þar sem að þær eru rosalega yndælar, duglegar og meina mjög vel, þrátt fyrir að þær séu sjaldnast að gera réttu hlutina.

Ég NENNI ekki að hitta strákana sem vissulega kunna ensku, geta hugsað út fyrir kassann og gera réttu hlutina þegar þeir taka sig til.. en eru svo latir að þeir gætu ælt á sig. Annar strákurinn meira að segja fór sem skiptinemi hingað þegar hann var að taka BSc. Hann og 2 aðrir strákar frá skólanum hans fóru á sama tíma. Þeir skráðu sig allir í 3 próflaus fög, eitt sem hver hafði áhuga á, svo þeir þyrftu ekki að gera verkefni og læra nema í einum áfanga hver. Ég hef minna samviskubit yfir að nenna ekki að hitta þá.

Og lexían sem á þessu má læra er: Gerðu sem flest verkefni með Íslendingum og Dönum!
Brainslug?
Here, I got you this official Bender hat..

Á HR póstinum mínum núna er töluvert magn af ruslpósti með brainslug taktík. Þarna er einn sem er frá info[at]bjornsbakari[.]is, titlaður "registration" (mhmm.. ég var að skrá mig hjá Björnsbakaríi). Bréfaklemmað við, er eitthvað dodgy skjal. Ég féll nú ekki fyrir þessum pósti.. eða póstinum frá admin[at]sjova.is með sama fylgiskjali. postman[at]icelandic.is reyndi að senda mér lykilorð í pósti, en lykilorðið var merkilegt nokk, vistað í skjali með sama nafni og skáningin mín hjá Björnsbakaríi.

Brainslugið hefur séð að þetta var ekki að virka, svo ég fékk póst frá fbi.gov, þar sem að þeir sögðu að IP talan mín (sem er breytileg by the way) hafi verið logguð á meira en 30 ólöglegum síðum á netinu og ég ætti vinsamlegast að svara spurningunum í fylgiskjalinu. Fylgiskjalið hafði nákvæmlega sama nafn og þetta frá Sjóvá og Björnsbakarí.

Það verður spennandi að sjá hvað litla gaurnum dettur í hug næst!

21.11.05

Henry Jones Jr. - Extreme archeology.
Vá..
Aldursfordómar..
Hópurinn sem ég er í, í einu faginu mínu var á vikulegum fundi með prófessornum í kúrsinum. Hann var að tala um eitthvað verkefnisdót, horfði á mig, stoppaði og sagði allt í einu: "You are very beautiful, do you know that? You are like the Mona Lisa". Ég náði einhvern veginn að stama út úr mér: "Thank you" og varð eins rauð í framan eins og ég hefði fengið mér bjór. Hann sá hvað ég varð vandræðaleg og baðst afsökunar á að hafa látið mig fara hjá mér. Allir í herberginu sprungu úr hlátri og ég roðnaði ennþá meira.

Á meðan að hann var að leita aftur að þræðinum, sagði hann: "Thats it, no more Mona Lisas in my class!".

Þetta er eitthvað sem fólk getur leyft sér þegar það er orðið nógu gamalt. Ef þessi gaur væri einhverjum áratugum yngri, þá efast ég um að fólk hefði hlegið mikið...
Úff hvað portishead er góð hljómsveit.. ÚFF..

20.11.05

Hann: Ég hef áhyggjur af þér. Þú ert svo mikið í þessari helvítis þraut þinni að þú ert hætt að nenna að póska.

19.11.05

Ég ætla víst á nýjust Harry Potter myndina í kvöld. Hlakka fullt til. Ég held að hún verði fín. IMDB gefur henni 8 eins og er. Það lækkar yfirleitt eftir fyrstu vikurnar, en það lofar samt helvíti góðu.

17.11.05

Ah.. Já. Ég er drottningin! The queen of my own domain.... and muffins
I said brrrrrrrr.. it's cold in here. There must be some Óskin in the atmosphere
Úff. Danmörkin er loksins búin að ná Íslandinu og það er orðið skítkalt. Það var meira að segja frost á bílrúðunum í morgun, þegar ég vaknaði til að rækta mig. Það tísti í mér. Ég þarf ekkert að skafa eins og back in the days. Ég er með bílstjóra, hann strætó hressa! Samgöngukerfið hérna er svo æðislegt. Við búum rosalega nálægt lestarstöðinni og það koma lestir á 5 mín fresti sem fara niður í miðbæ (15 mín ferð). Strætóar sem fara í skólann okkar (tekur 8 mín ferðin) koma á svona 10 mín fresti.

Eh.. já.. Anywho. Kalt! Ég setti á mig húfu og skellti mér í kindina, baddana og böngsurnar í morgun.

Kindin
Kindin er medium-pimpin brúnn mokkajakki með stórum, brúnum gæruskinskraga og fóðraður með meme. Foreldrar mínir gáfu mér hana í jólagjöf þegar ég var í 9. bekk. Hún heitir kindin, því að einu sinni notaði ég mikið síðan leðurjakka (þegar ég var að taka upp matrix sko.. Atriðin mín voru víst klippt út) sem ég kallaði nautið. Ég hef ekki notað kindina í mörg ár, en hún kemur sér mjög vel hérna úti í kuldanum, sökum þess hvað ég labba mikið. Annað en að hlaupa bara út í og út úr bíl I'll have you know.

Baddarnir
Baddarnir eru svartar lúffur sem ég keypti mér í Fötex um daginn. Þær eru loðnar, hlýjar og mjúkar, og gerðar úr svínaskinni. Þessvegna heita þær sem sagt Baddarnir. Ég elska baddana mína!

Böngsurnar
Böngsurnar eru kuldaskórnir mínir. Þá keypti ég í Bilka fyrir 90 krónur. Þeir eru ekkert ósvipaðir þessum hérna sem ég dáðist af í hagkaupum í fyrra. Þeir kallast böngsurnar, því að þeir eru svo mjúkir innan í að þeir eru bangsaskór. Þetta er bland af bangsar og bommsur.

Í réttri múderingu get ég sko tekið kuldabola á ypponinu!

16.11.05

Ég þakka Elvari kærlega fyrir að sýna mér þetta!
Áhugavert. Lokaritgerðin mín í Data Security verður um öryggi í "intellectual homes".. :o)

15.11.05

Sko, ég held að danskar stelpur séu kex. Allavega þónokkrar af þeim. Ég hef orðið vitni af þremur stelpum sem samkjafta ekki við sjálfa sig. Tvær þeirra rakst ég á í búningsklefanum í ræktinni. Þegar ég lenti í þessari fyrri spurði ég hana ringluð hvort hún væri að tala við mig, en hún sagði: "Ha?? Nei?" og hélt svo áfram..
- Ái, stóra táin á mér..
- Hvað gerði ég nú við sjampóflöskuna mína?
- Djöfull er ég þreytt. Þetta var geðveik æfing...
- o.s.frv.

Þegar þessi seinni byrjaði, svona viku seinna, þá hafði ég vit á að halda kjafti og hækka í iPodinum. Ég sagði Einari frá þessu eftir að seinni stelpan hafði orðið á vegi mínum. Stuttu eftir það urðum við vör við þegar einhver pjása missti af lest. Þá stóð hún og blótaði lestinni í sand og ösku og sagði svo: Jæja.. hvenær kemur svo næsta lest? Ég tek þá bara þessa.

Hvað er eiginlega málið? Hafa þessar stúlkur misst hæfileikann til að hugsa með sjálfri sér. Djöfull myndi ég ekki vilja vera nálægt þeim þegar þær eru að lesa.
Vodda...fork?
Í gær, þegar við komum heim úr skólanum voru 2 pakkar fyrir utan hurðina hjá okkur. Annar pakkinn var frá amazon (sería 2 af Arrested development og Cartoon History of the Universe: Vol II) og hinn var frá apple (græja til að tengja myndavél við iPod photo og fjarstýring á iPod). Þess má geta að það þarf ekki að nota lykil til að komast inn á stigaganginn okkar, bara til þess að komast inn í íbúðirnar.

Núna áðan, þegar við komum úr búðarferð, beið okkar hinsvegar miði um að pósturinn hefði kíkt við og við hefðum ekki verið heima. Því gætum við sótt sendinguna á pósthúsið á morgun. Hér var um að ræða 2 kassa af próteinstöngum.

....meikar sense.

14.11.05

Multimedia message

En skrýtið. Öll þessi ár sem ég hef verið ég, hefur alveg farið framhjá mér að með stór sólgleraugu, bundið fyrir hárið og á hliðarprófíl á tiltölulega óskýrri mynd er jafnvel hægt að segja að mér svipi til Gretu Garbo..
Powered by Hexia

Mig langar svo voðalega í Pocket PC. Ég myndi knúsa hann og setja hann í litla tösku og taka hann með mér hvert sem ég færi. Svo myndi ég búa til sniðug forrit fyrir hann og leika mér í honum þegar barbapabbi er að tala um dóttur sína eða ferðir sínar víða um jörðina.

13.11.05

Ég send alltaf fyrir gömlu fókli í strætó, ef því vantar sæti. Líka þegar ég er þreytt.
Ég læt afgreiðslufólk vita ef það gefur mér of mikið til baka.
Ég vorkenni flugum með bara 5 fætur.
Ég er með of mikið empathy....
Ég var að henda dóti í brauðvélina, þar á meðal geri. Ger er krípí. Þegar ég var svona 5 ára sagði pabbi mér að ger væri lifandi. Það væri í dvala þangað til að því væri blandað við volgt vatn. Ég sagði engum frá því, en ég var skíthrædd við ger lengi á eftir.

12.11.05

Stúlkna sveitin Nylon gefur út smáskífu í Bretlandi, þar sem cover af Rolling Stones laginu Have You Seen Your Mother Baby mun vera í aðalhlutverki.

Að því tilefni sagði Einar Bárða: "Það er gamall draumur minn að koma íslenskri tónlist á framfæri erlendis, vonandi rætist hann nú".
Ef bara ég hefði meiri orku... eða minni metnað!
Mig langar alveg asnalega mikið að liggja uppi í sófa í dag og horfa á Futurama.

11.11.05

Ég geng með regnhlíf á mér hvert sem ég fer. Hún er blá og það fer mjög lítið fyrir henni samanbrotinni. Hún er hinsvegar temmilega vígaleg þegar hún er uppspennt. Ég hef hana í skólatöskunni og ef ég er að fara eitthvað bara með nightmare töskuna mína, færi ég hana yfir. Það sem er kannski undarlegast við þetta mál, er að ég hef bara notað hana svona tvisvar. Þegar það kemur rigning, finnst mér gott að láta dropana skella á andlitinu. Það er hressandi og kona vaknar við það.

Í kringum mig eru allir með regnhlífarnar á lofti. Stórar, personal space regnhlífar sem stinga augun úr hverjum sem hættir sér of nálægt....
The moral of this story is..... never try
Í morgun vaknaði ég extra snemma. Planið var að taka brennsluna mína og ná að teygja almennilega áður en spandexbuxnaspóaleggjamaðurinn byrjaði á exebissjonismanum við hliðina á mér. Ég var komin upp í skóla kl. 6:25. Ég labbaði inn í aðalbygginguna, en ræktin var lokuð og læst. Svo virtist vera að húsvörðurinn hafi sofið yfir sig. Ég hlammaði mér því með rassinn á vegginn við aðra hurðina og beið.

Þarna var líka einhver gaur sem vissi ekki alveg hvað hann ætti að gera af sér, augljóslega að bíða eftir íþróttaaðstöðunni. Eftir því sem tíminn leið, bættust fleiri gaurar í hópinn. Þeir töluðu hátt og hlógu eins og Gilitrutt. Danir eru háværari en Íslendingar. Sérstaklega á morgnanna og í marenteringu. Kvennlegt innsægi mitt (og það að þeir voru margir og að einn var með fótbolta) sagði mér að þeir væru á leiðinni í boltasparksalinn.

Á meðal háværu mannanna var asíubúi með Einstein hár. Hann byrjaði að hamast á hurðunum eins og geðbilaður chi hua hua hundur. Eftir að Einstein hafði gengið úr skugga um að þær væru indeed læstar og okkur þætti ekki bara gaman að standa, fannst ekkert eðlilegra undir þessum kringumstæðum en að reyna að pikka upp eina hurðina. Einstein virtist vita ýmislegt um innbrot. Hann allavega dróg fram einhver tól sem hann taldi líkleg til árangurs. Plastkort, bréfaklemmu, blaðablokk (ekki spyrja mig.. ég veit ekkert um hurða-crack) og eitthvað meira. Svo hjakkaðist hann á hurðinni með mismunandi samsettningu af þessum hlutum. Eftir einhvern tíma játaði Einstein sig sigraðan og dæsti.

Svo leið og beið og á endanum lét húsvörðurinn sjá sig. Hann opnaði og ég þaut niður í einn búningsklefann til þess að skipta um skó og henda dótinu mínu frá mér. Munaði litlu að ég hafi ljóstrað upp um "secret identityið" mitt og tekist á flug. Á sama hraða hljóp ég upp stigana, vopnuð DTU Idrætten kortinu mínu. Klukkan vildi nefnilega meina að ég gæti allavega verið komin á seinni brennslugræjuna áður en spóinn tæki sér stöðu á eliptical græjunni, með Jay Alexander hnykkjum.

Helvítis kortalesigræjan bípti og sagði að það væri ekki búið að opna. Ohh.. húsvörðurinn þurfti sem sagt að opna ræktarpartinn sér. Þegar ég var loksins byrjuð að hlaupa, var klukkan 10 mínútum seinni en venjulega. Ég fékk að vissu leiti það sem ég óskaði mér, þar sem að spóinn hafði klárað gluggakistuteygjurnar og yfirgefið aðstöðuna þegar stigavélinn (svipað og stigamaður, nema vél..?) pípti vinalega og tilkynnti mér að ég væri góð stelpa. Á móti kom að ég hafði engann tíma til þess að teygja sjálf. Tíminn minn átti að byrja eftir 25 mínútur og það tekur góðar 10 mín að labba í húsið sem fyrirlesturinn er haldinn í.....

Þetta reyndist þó vera óþarfi, því að eftir sturtuna rak ég augun í SMS frá skólanetinu okkar. Það sagði að Barbapabbi, kennarinn okkar, væri lasinn og því væri enginn fyrirlestur.

Allri þessari bið og þessu panikki hefði verið hægt að komast hjá hefði ég bara sofið eins lengi og venjulega í morgun...

10.11.05

Og eftir standa 3 stúlkur með sítt, dökkt hár. Kemur ekki bara í ljós að bachelorinn er alveg eins shallow og stelpurnar í þættinum... Ég er annars mikið að spá í að finna þessa sem var send heim í þessum þætti og biðja hana um að vera vinkona mín. Ég held að hún sé rosalega skemmtileg.
Flash með boðskap
Sérþarfir?
Ég eldaði soðnar kartöflur, ofnbakaða kjúklingabringu með rosa góðri kryddblöndu og örbylgjusoðið broccoli og blómkál fyrir mig. Fyrir hr. Mon eldaði ég burrito pitu (niðursneiddri, steiktri kjúklingabringu með chilly, hrísgrjónum með mexíkósku kryddi, rifnum osti og salsasósu blandað saman og troðið í mexíkósk pítubrauð sem hafa verið inni í ofni).

Æiii.. ég er bara ekkert svo hrifin af mexíkóskum mat, en Einar er algjör nutter í þetta. Þetta var svo langur dagur að við áttum bæði skilið að fá eitthvað sem okkur þótti gott að borða..
Today is an excellent day for putting slinkies on an escalator.
Varúð: Næringa- og fitnesspósk
Ahhh.. helvíti fínt. Í dag er fyrsti dagurinn í vikunni sem ég mæti ekki í ræktina kl. eldsnemma og tolli svo í skólanum fram eftir degi. Ég þarf ekki að mæta fyrr en kl. 13 í skólann, svo ég ákvað að taka fyrir-hádegi-heima-dag. Að því tilefni fékk ég mér hafragraut (2/3 bolli), eggjahræru (4 eggjahvítur, 1 heilt egg) og eina plómu í morgunmatinn. Mmmm.. Djö hvað ég er södd núna. Allt annað mál en að stelast til að borða EAS próteinbarið mitt inni á bókasafni í morgunmat.

Ég er sem sagt byrjuð að hlusta aðeins á Tom Vento (fyrir lengra komna) meira en Bill Phillips (samt guðinn). Tom er aðeins óvægari. Gefur ekki eins marga sénsa og vill að maður gangi töluvert lengra í þessu en Bill segir. Eðlilega. Bill greyjið er að mótivera almenninginn. Tom kemur með endalaust af leiðum sem eiga að virka vísindalega og gefur upp bestu mögulegu formúlurnar án þess að skafa neitt af þeim.

Tom mælir með því að konur eigi að borða 5 máltíðir á dag, en ekki 6. Hence aðeins stærri máltíðir til að koma fyrir öllum kaloríunum.

9.11.05

Surrealist jokes just aren't my cup of fur
Það er betra veður á toolbarnum á gnome-inum mínum heldur en veðrið úti. Toolbarinn vill meina að það sé sól og algjörlega heiðskýrt. Glugginn vill meina að það sé alskýjað. Kjánatoolbar!

Annars er ég rosalega mikil sucker fyrir sniðugu toolbar dóti. Ég er nýlega búin að útrýma öllu nema 1 toolbar á desktopnum mínum til þess að fá meira skjápláss, svo að ég þurfti að henda út Wöndu, fortune telling fish. Ég sakna Wöndu. Hún sagði sniðuga hluti eins og
"It was all different before everything changed",

You're currently going through a difficult transition period called "Life."

eða

"A classic is something that everyone wants to have read and nobody wants to read."

Sem sagt.. Ekki beint fortune telling.. Meira kvót eða sniðugar línur. Ég kunni samt ágætlega við hana. Annars fær manneskjan sem veit hvaðan síðata kvótið er stig og bolta.... ef hún googlar ekki
Um helgina áskakaði Einar mig um að vera vélasjúka. Andlit mitt ljómaði og ég hljóp til hans með tilboðsbækling og benti honum á pastagerðavél fyrir aðeins 99 krónur. Þá var þessu slengt framan í mig.

Össs.. þó svo ég hafi keypt blandara (nota hann reglulega), ísvél (gerði t.d. súkkulaði myoplex-lite ís með blönduðum berjum í gær.. myoplexið var útbúið í fyrrnefndum blandara), brauðvél (hún er að baka speltbrauð með oregano, basil og hvítlauk as I type) saumavél (hlakka svo til að sauma mér fleeze pils. Það verður merkasta uppgvötvunin mín!) og matarvog (það er nú bara nauðsyn.. segir sig sjálft), þá fannst mér þetta ansi gróft. Ég meina... með pastavél í vopnabúrinu gæti EKKERT stöðvað mig! Ekki einu sinni kryptonite eða nýrnabaunir.

Annars er þetta helvíti gáfuleg aðkoma hjá piltinum. Ég næ mjálma út heimilistæki, finnst eins og ég hafi fengið stóra og fína gjöf og hann uppsker auðvitað hið glæsilegasta möntsj og mat.

7.11.05

Vá. Ég laggði mig og ég vaknaði ekki með hausverk. Þetta er magnað! Ég hef einhverja dularfulla tendensa til að fá alltaf hausverk og vera tussulegri og þreyttari eftir að ég legg mig heldur en áður. Það er náttúrulega afskaplega ósanngjarnt.

Multimedia message

...ég gefst upp
Powered by Hexia

5.11.05

I shall call it - Planet Ósk!
Fyrir ykkur sem notið windows, þá vil ég að þið gerið ykkur grein fyrir því að ég á osk.exe file hjá ykkur öllum! Muahahahw. c:\\winnt\\system32\\osk.exe

Þetta er samt bara byrjunin. Ég er hægt og rólega að taka yfir heiminn. Ég á aðdáendaklúbba út um allt, fólk heldur rosalegar sýningar mér til heiðurs og ég hef einnig markaðsett ýmsar vörur þar sem að ég er svo mikið business gúrú..

Já! Passið ykkur bara
Ég gafst upp og klippti neglurnar mínar niður í strákastærð. Kiknaði undan álaginu.

Annars er frídagur í dag. Ég er kát eins og kýrnar á vorin. Það versta er að ég veit ekkert hvernig ég á að höndla mig og hvað ég eigi að gera af mér..

4.11.05

Multimedia message

Bannað að vera hauslaus draugahundur með dindil í lestunum
Powered by Hexia

Multimedia message

Thíhí.. Ég er ekkert orðin kona! Èg var beðin um skilríki inn á staðinn sem við erum á. Það er 18 ára inn.. :oD Ég sagði við dyravörðinn: "You just made my day". Honum fannst það fyndið.
Powered by Hexia

Multimedia message

Haust.. Samt ekki rok og rigning
Powered by Hexia

3.11.05

Ohhh.. Mér finnst vanta alveg rosalega í íslenska bachelornum að heyra stelpurnar sem fengu ekki rós væla í limmanum á leiðinni heim.

Multimedia message

Ahh.. Partur af hótelherberginu okkar í vínarborg
Powered by Hexia

Multimedia message

Fáninn sem var settur á borðið á veitingastaðnum sem við fórum á þegar ég átti afmæli..
Powered by Hexia

Multimedia message

Hér er sko umrætt sár..
Powered by Hexia

Ég er með stórt og ljótt sár á hnénu. Það er búið að sitja þar sem fastast í rúmlega viku. Hvað get ég sagt? Ég bara datt! (heheh.. einkahúmor). Ég meiði mig oft í því þegar ég beygi hnéð og svona. Líka þegar ég pota í það. Æi já. Ég pota stundum í það. Get bara ekki ráðið við mig. Það er eitthvað svo þykkt og ógeðslegt.. Svo er hrúðurslaus helvítisgjá í miðjunni, svo það er ógeðslega fyndið að strjúka yfir það. Mig langar líka svo að kroppa. Ég veit að ég má ekki kroppa en mig langar svo-hoooohooo. Það er svo kroppið. Kroppulegt. Ég stend mig stundum að því að kroppa í hnéð á mér í kringum sárið. Svona ímynda mér hvernig það væri ef ég myndi í alvörunni láta vaða. Ég held að það myndi koma svolítið blóð og svo vera svona ljósrautt og svíðandi undir.

Ég hef haldið kroppinu í mér síðustu 8 dagana. I can do this!
Jeij.. Stelpan sem ég hélt með frá byrjun vann líka í americas next top model season 4!
Hvort ætti éééég.. að fara á jóla-tuborg stredderí í skólanum með þeim sem komast fyrir á aðal-barnum í skólanum... EÐA á jóla-tuborg streddderí niðri í bæ með svona 100 íslendingum úr DTU?

2.11.05

Ef ég hugsa svona... hvað ætli "þetta fólk" hugsi um mig....?
Æi, stundum langar mig svo mikið að taka myndir af fólki sem er með mér í tímum. Ég veit að það er ljótt og ég ætti að skammast mín... Það er bara eitthvað við kínverja í samstæðum íþróttagalla úr skrjáfiefni og með alpahúfu sem er ekki beint ofan á hausnum á honum, heldur verulega á ská, sem fær mig til að vilja deila myndum með ykkur. Þetta er bara einn characterinn af mörgum.

Multimedia message

Fljúgandi furðuhlutur?
Powered by Hexia

Þegar ég er í ræktinni á morgnana, kemur alltaf spóaleggjamaður og fer á glider í nágrenni við hlaupabrettið mitt. Það truflar mig svo sem ekki að hann hafi á annað borð spóaleggi, enda er það tiltölulega algengt meðal danskra karlmanna, þó svo að þessir leggir séu kannski ofar í fuglaflokknum en flestir. Það sem turflar mig hinsvegar verulega, er að hann er alltaf í skó síðum, níþröngum spandex buxum. Ég hef reynt að leiða þetta hjá mér, en bæði í dag og á mánudaginn fór svo að við vorum að teygja á sama tíma. Ég get hugsað mér ýmislegt girnilegra en spóaleggjamann í þrrrrrrröööööööööööngum spandex buxum, sem bjóða upp á útlínur á ýmislegu, teygja sig með annan fótinn upp í gluggakistu og hinn á jörðinni..

Stundum langar mig bara ekki lengur í augun mín.

1.11.05

J-Dagur næsta föstudag. Þá kemur Jule-Tuborg bjórinn í búðir og allir pöbbar eru víst stútfullir. Spennó :o)

31.10.05

Raunveruleika sjónvarp?
Ég man vel eftir því, enn þann dag í dag, þegar ég sá örbylgjupopp "in action" í fyrsta skipti. Ég og bróðir minn vorum í pössun hjá Sigrúnu, systur hennar mömmu. Það fannst okkur gaman. Elva frænka, sem er jafn gömul bróður mínum, var þá með í leikjunum og því fleiri, því betra! Ingibjör systir hennar, sem er 3 árum yngri en ég, var bara ponsa og því ekki farin að slást í hópinn.

Engu að síður, fórum við með Sigrúnu frænku að sækja Ingibjörgu til dagmömmunnar. Dagmamman átti örbylgjuofn, sem var alls ekkert algengt í þá daga. Á meðan að kellingarnar voru að spjalla, henti hún örbylgjupoppi í örbylgjuofninn. Ég, Daði bróðir og Elva frænka vorum öll límd við græjuna frá upphafi til enda og horfðum spennt á pokann þenjast út. VÁ!! Sögðum við, í hvert skipti sem pokinn stækkaði meira eða það komu mörg popphljóð í röð. *poppoppopppopp*.

Einhverstaðar á leiðinni hef ég týnt undrun minni og skemmtun yfir örbylgjupoppi. Eftir að hafa rifjað þetta upp, þá er ekki úr veigi að reyna að endurupplifa þessa stemmningu næst þegar ég poppa.....
Ég drekk mikið vatn. Sérstaklega á hlaupadögum. Svo skemmtilega vill til að ég er í sömu byggingu í öllum fyrirlestrunum mínum. Þar er eitt kvennaklósett með 3 básum. Þessa bása heimsæki ég reglulega út af ofangreindum ástæðum.

Í svona eins og viku hefur endabásinn verið lokaður, læstur og hljóðlaus. Eftir dálítinn tíma, fóru að vera minni og minni líkur á því að þetta væri tilviljun. Þar sem að það er mjög lítið gat á milli gólfsins og básahurðarinnar, þá er ekki séns á að einhver hafi geta skriðið í gegnum gatið og skilið hurðina eftir í lás.

Á miðvikudaginn hugsaði ég: "Hahha.. það hefur örugglega orðið meeeessy "slys" þarna inni og skúrikonurnar hafa bara læst til að koma í veg fyrir uppköst og svona"

Á föstudaginn hugsaði ég svo: "Hah.. Það er örugglega einhver dáin þarna á klósettinu. Híhíh "

Í dag hugsaði ég: "Vá. Það er örugglega einhver DÁINN þarna inn á klósettinu!!".

Þessi hugsun ágerðist eftir því sem ég fór oftar að pissa og ég var næstum því orðin sannfærð um að það væri í alvörunni lík þarna á básnum, sitjandi á klósettinu. Þegar ég fór að pissa í síðasta skipti, þá var það ekki í neinum frímínútum eða neitt, heldur hafði ég verið að læra þarna í byggingunni. Ég valdi básinn við hliðina á lík-básnum og eftir að ég var búin að pissa ákvað ég að staðfesta grun minn. Kona verður víst að hafa eitthvað í höndunum áður en hún hringir í lögguna með staðsetningu á líki.

Fyrst reyndi ég að kíkja undir skilrúmið á milli básanna. Ég sá ekkert almennilega, því að það er svo lítið bil á milli. Á endanum prílaði ég fyrst upp á setuna og svo upp á klósettkassann, greip í skilrúmið og hífði mig upp til að kíkja yfir. Þarna var ekkert lík. Þarna var ekkert einu sinni neitt hroðalegt messy "slys". Þarna var bara klósettbás, áþekkur þeim sem ég var í og klósett, áþekkt því sem ég var að príla ofan á.

...Ég er svo svikin!
Jæja, þá eru hátíðirnar komnar á hreint.

Heim til Íslands kvöldið 15. desmonber.
Heim til Danmerkur morguninn 30. desmonber.

Jól heima á Íslandi. Áramót heima í Danmörku. Mér kvíður pínulítið fyrir, því ég hef aldrei verið annarstaðar en hjá fólkinu mínu kl. 00:00 á áramótunum. Þetta verður örugglega bara gaman. Við erum að spá í að fara á Radhuspladsen og telja niður með öllu fólkinu. Stemmari!? Já örugglega.

30.10.05

Heheh.. af ákveðnum ástæðum leitaði ég að færslunni minni um speed date sem ég skrifaði á sínum tíma, þegar ég var kona einsömul. Hún var styttri en mig minnti, en algjörlega valid enn þann dag í dag!

Stundum... en ekki öllum stundum... finnst mér leiðinlegt að búa ekki í stærra landi. Helsta ástæða þess er þessi sjúki húmor sem ég hef gjarnan verið (réttilega?) ásökuð um að hafa.
Ég get t.d. ekki farið á hraðstefnumót á landi frosts og funa með það eitt að markmiði að gera grín („ég hef bara verið kona í 3 vikur, svo ég kann þetta ekki alveg“... eða „eftir að ég drap alla kettina mína vantar mér félagsskap“.. „Þeir segja að ég eigi að elta næstu fyrir framan mig.. en síðast þegar ég gerði það fékk ég klamedíu.. svo ég fer ekki fet“ kinda thang..).
Mmm.. Nautalundin er komin úr ofninum og inn í álpappír, nokkur lög af dagblöðum og handklæði og er núna að jafna sig. 20 mínútur í mat...
Alltaf að græða
Í nótt fór ég að sofa kl. 1 og ég vaknaði kl. 10. Ég svaf samt í 10 klukkutíma! Veiii.. Daylight savings!

29.10.05

Hahahah.. Cyanide and Happiness er stundum svo fyndið comic..
Eitt próf.....





Take the What High School
Stereotype Are You?
quiz.

Auðvitað er ég nördið. AUÐVITAÐ. ;o)
Ég veit það alveg að þegar konu leiðist, þá er það af því að hún er leiðinleg sjálf á þeim tímapunkti. Ég gæti gert fullt nákvæmlega núna, en ég bara nenni því ekki. Ég er hálf sybbin og svo förum við að borða bestu pizzu í heimi eftir svona hálftíma. Tekur því ekki að gera annað en að láta sér leiðast.

Það versta við þetta allt saman er, að þegar mér leiðist virðast allir aðrir hlutir vera leiðnilegir mér til samúðar. Meira að segja fréttirnar eru leiðnlegar núna..

Multimedia message

Strætóarnir sem keyra á milli bæja eru með svona bláa stríðsmálningu á sér. Þá kalla ég alltaf Braveheart strætóa af augljósum ástæðum.
Powered by Hexia

Góðan daginn, gamla gula skólahús!
Kona verður víst að læra um helgina. Helgarlærdómur er mun yndælli á nammidögum, þegar ég hef við hlið mér 20 kíló (give or take) af nammi úr candy megastore. Reyndar er flest allt yndælara undir slíkum kringumstæðum.

Sænski sjálfsalinn, sem býr í þessari skólabyggingu sem við erum að læra í núna (óteljandi margar skólabyggingar hérna á ótrúlega stóðu svæði), sveik okkur. Sænski sjálfsalinn selur hrökkbrauðssamlokur, sænskt nammi og sænskt gos. Við höfum komið hingað reglulega á laugardögum og keypt okkur sænskt kók. Það er miklu boðlegra en þetta danska, sem er næstum ódrekkandi. Í þetta sinnið hafði hann þó skipt út kókinu sínu fyrir þetta danska. Skrambans skrambi!

Annars hef ég frengir af íslenskum sjálfsala niðri í bæ, sem selur íslenskt nammi. Ætli hann selji líka íslenskt kók? Kona skildi nú aldrei halda....

Ah.. speaking of kona. Einn kennarinn okkar, sagði um mig á mánudaginn (fyrsta 24 ára daginn minn í skólanum) "I like her. She's a very smart girl. I mean woman!".

Ég er semsagt officially orðin kona.

Multimedia message

Hahahah.. Èg veit að þetta er útlenska, en hugmyndin af hundafóðri með kött er samt svo sniðug..
Powered by Hexia

28.10.05

Úffpúff. Við tókum annað hjólið okkar með í innkaupaleiðangur. Röltum út í Fötex með kassa fullan af tómum bjórflöskum á böglaberanum. Við létum vinarlegu græjuna sem gefur okkur peninga fyrir tómar flöskur fá hann og hún gaf okkur inneign í staðinn. Svo keyptum okkur kassa af besta bjór í heimi (þar til annað kemur í ljós), tuborg classic í gleri, á 82 krónur og skeltum honum á böglaberann á heimleiðinni.

Hjól eru sko til margra hluta nytsamleg!
Úúúúff hvað ég hlakka til. Í kvöld er ég að fara í bíó í fjórða skiptið síðan ég flutti út. Ég hef nú þegar séð Charlie and the chocolate factory, 40 year old virgin og Wedding chrashers.

Í kvöld... þá er ég hinsvegar að fara að sjá mynd sem er jafnvel í anda við UPPÁHALS myndina mína í öllum heiminum, namely, Corpse Bride.
When Brian Boitano travelled through time
To the year 3010,
He fought the evil robot king
And saved the human race again
Stelpufærsla
Ég á svo voðalega bágt með að skilja af hverju allar búningsklefapjásur eyða rosalega miklum tíma í að mála sig, á meðan þær eyða engum tíma í að hugsa um húðina á sér.

27.10.05

Mmmmm hvað ég eldaði góðan mat í kvöld! Íslenskt lambafillet takk fyrir. Reyndar keyptum við 1/2 hrygg sem ég svo úrbeinaði (og vil ég hérmeð þakka 3 ára starfsferli í kjöt- og fiskborði Nýkaupa í Garðabæ með menntaskólanum. Ég get úrbeinað, flakað, roðflett og eldað! Lærði meira þarna en í Verzló. Hahaha... nei, kannski ekki). Ef þeir selja ekki fillet þá bý ég það bara til andskotinn hafi það! Það merkilega við þetta allt saman er að við kaupum yfirleitt ekki lambakjöt vegna þess að það er svo dýrt miðað við annað hérna. Í dag fattaði ég hinsvegar að það er ódýrara að kaupa íslenskt lambakjöt í Danmörku, en á Íslandi.

Með þessu líka dýrindis filleti drukkum við rauðvín, borið fram í karöflu. Áður en rauðvínið kom í karöfluna hafði það búið í hillbilly fernu. Þið vitið.. svona mjólkurfernu! Það kostaði bara 25 kall líterinn svo við ákváðum að prufa að gamni. Þetta reyndist hinn ágætasti drykkur. Hvern hefði órað fyrir því að fernuvín væri boðlegt?
Vá. Það er næstum því kominn nóvember. Svo kemur desmonber og svo koma jól.

26.10.05

Daði! DAÐI!! Brian Boitano á sama afmælisdag og ég!!

So what would Brian Boitano do
If he were here today,
I'm sure he'd kick an ass or two,
That's what Brian Boitano'd do.
Me-me-me, mememememe, me-me-me, mememememe, me-me-me, mememememe, me-me-me-me-meeeeee. *söngl*

Multimedia message

Ég tek svo rosalega á á (hehe. Ási á Á á á) brennsludögum að meira að segja eftir sturtu með sjampói, 6 mínútna djúpnæringu og andlitssápu, anti-fílapensla og bólu lotion, augnkrem og rakakrem, deo og greiða hárið mitt og klæða mig í rólegheitum með slökunartónlist í eyrunum (brennslumorgnum fylgir alltaf me-time) er ég ENNÞÁ eldrauð í framan eftir átökin. Þess mà geta að ég var fkn 0.01 km frá takmarkinu sem ég setti mér um daginn. Grrr...
Powered by Hexia

25.10.05

Þegar Einar ákveður að fá sér kebab í hádegismatinn, röltum við fyrst í Iso og verslum þar sushi fyrir mig. Þetta er svona pakka sushi, svo það er aðeins verra en the real deal. Reyndar er pakka sushi-ið frá Nings meira að segja betra, en þetta er engu að síður ágætis hádegisverður. Ég er svo mikill sucker fyrir sushi. Ætli það sé ritualið í kringum það? Blanda wasabi saman við soja, borða með prjónum, éta engifer á milli..

Neh.. mér finnst það líka tussugott! :o)
Ég er svolítið að spá... Af hverju ætli það sé sagt að einhver "ríði eins og rófulaus hundur"? Eru þeir eitthvað aktívari en aðrir hundar? Ætli það sé vegna þess að þeim skortir áhugamál fyrst þeir geta ekki elt á sér skottið?