31.8.04

Híhíhí.. Forritunarmálakennarinn er alltaf að segja irc-nickið mitt (recursion).
Æi haldiði kjafti! Ég veit að nördisminn er kominn á hættulegt plan. Í gær vorum við að skoða aftan á gjöfina hans Palla. Ekkert smá góð gjöf. How to host a murder heitir þetta og er leikur þar sem 8 manns koma saman í matarboð. Hver og einn fær bók um character sem hann á að vera. Einn er morðingi og það er einhver saga á bak við þetta og vísbendingar og svona Poirot feelingur. Fylgir uppskrift af mat sem mælt er með að sé borinn fram og tónlist til að spila til að ná rétta feelingnum. Mamma og pabbi voru meira að segja hyped yfir þessu og báðu mig um að versla svona handa þeim líka. Þau ætla að bjóða vinahópnum sínum í svona dinner. Aaaanywho, fyrirtækið sem bjó til gripinn heitir Decipher.

Einar: HEY! Þetta er nördafyrirtæki! Minnir mig á tölvunarfræði (tölvu security)
Ég: Minnir MIG á role-play (decipher script)
Palli: *Bendir á mig* Þú ert meira nörd!

Sama hvað þið haldið, þá gerist það ekki á hverjum degi að ég sé ásökuð um að vera meira nörd en einn af bænarí klaninu!
I have road-rage
Ég hef hætt að hlusta á metal á leiðinni í skólann. Það bara gengur ekki. Ég er búin að skipta yfir í meira mellow tónlist. Cat Stevens og Coldplay og... allt sem byrjar á Sé.
Ég verð svo frústreruð í morgunumferðinni að ég býð ekki í það þegar ég byrja á PMS til stígvél. Ég verð ógeðslega fúl þegar fólk er eitthvað dónalegt við mig. Eins og þegar ég og gaurinn fyrir aftan mig viljum bæði fara yfir á næstu akrein og það er geðveik umferð. Svo kemur pláss og þessi á eftir mér treður sér inn í það og hleypir mér ekki. Ég var á undan þér ógeðslega miðaldra amaban þín! Ef ÞETTA er bíllinn sem þú keyptir þér á gráa fiðringnum, vona ég að hann sé mjög viðeigandi framlenging á.. eh.. því sem hann á að framlengja!!

30.8.04


Morðingi, fiskurinn sem við Einar gáfum Palla í fyrra á tæknilega séð afmæli líka.

Sent með GSMbloggi Og Vodafone
Ég er alltaf svo kúl..
- Ég má quiz spamma ykkur ef ég vil. Ég ræð!








Og sæti voffinn..

Sent með GSMbloggi Og Vodafone

Sæti strákurinn. Hann fer alveg að fara að labba held ég!

Sent með GSMbloggi Og Vodafone
Urrrr. Ég er í fýlu í dag. Ég er í fýlu yfir því að það sé fullt af einhverju fólki alltaf að þvælast fyrir mér. Taka öll.. og ég meina ÖLL bílastæðin fyrir utan skólann OG á planinu mínu úti í Kringlu. Endaði með því að leggja svo langt í burtu að ég sá kindur á beit og skessur að kasta á milli sín fjöregginu sínu, en það geymdi líf þeirra. Skaut ör í gegnum það þannig að þær drápust og ég fékk hálft kóngsríkið og alla þá létt kotasælu sem ég get í mig látið. Þurfti samt að labba langt til að komast í skólann. Er forking menninganótt AFTUR og að þessu sinni haldin í HR? Hvaðan kemur allt þetta fólk? Upp úr jörðinni? Eins og túlípanar?
Núna er ég að reyna að prenta út forsíðu fyrir einhver skiladæmi, en það er einhver dúdd sem komst inn á undan mér, að prenta út 40 GB af myndum eða eitthvað. Já ég veit alveg að ég gæti prentað út í annari stofu, en hverju ætti ég ÞÁ að tuða yfir??
Litla Pú bænarí a.k.a Palla (en fáir þekkja hann hinsvegar undir nafninu Páll Guðjón Sigurðsson) óska ég til hamingju með daginn.
Aaah. Ég man þegar þú varst ennþá bara barn og þurftir hjálp mína við að fara í ríkið. Tíminn flugur. Já. Tíminn flugur!
Í dag ertu hinsvegar orðin 22ja ára og ert þess heiðurs aðnjótandi að vera "jafn gamall" og ég í næstum 2 mánuði. Og nei. Þú ert ekki eldri af því að þú ert stærri. We've been through this!


29.8.04


Eyrað mitt..

Sent með GSMbloggi Og Vodafone

Munnurinn minn..

Sent með GSMbloggi Og Vodafone

Nefið mitt..

Sent með GSMbloggi Og Vodafone

Augað mitt.. Já, bráðum kosta mms, svo ég er ad sleppa mér!

Sent með GSMbloggi Og Vodafone

Hlauptu! HLAUPTU!

Sent með GSMbloggi Og Vodafone

Hahahaha. Ég keypti fullt af pínu litlum og ógeðslega dýrum bönunum í hagkaup. Ekki af því að mig langaði í banananana, heldur af því að þetta lætur mig líða eins og ég sé risi. Ég get gleypt þá í heilu lagi. Kannski ég andi óvarn nokkrum að mér ef ég passa mig ekki..

Sent með GSMbloggi Og Vodafone
Handahófskenndar hugsanir 4
Nafn hans er Quinten McCloud. Hann er hálendingurinn! Ég er að gera tilraun til þess að horfa aftur á morgunsjónvarp stöðvar 2. Var ekkert alveg spennt fyrir þessu eftir biblíusögurnar þarna síðast. Núna er samt ágætis teiknimynd í gangi. Var að finnast veiðarabúningur hjá einum gaurnum, svo að hann augljóslega er vondur og ætlar að svíkja Quinten til Cortans. Þetta er náttúrulega magnað!
Handahófskenndar hugsanir 3
Ég er ennþá með marblett á hnúanum eftir að banka FAST á hurð hjá siðblindum drullukuntum (æi já. Við erum víst með lögfræðideild í skólanum) sem ákváðu að það væri góð hugmynd að fara fimm saman á eitt af tveimur klósettunum í 200 manna partýi. Þar eyddu þær nokkrum klukkutímum í gera skattaskýrslurnar sínar, æfa riverdance rútínu og rekja ættir sínar saman án þess að nota Íslendingabók. Eða. Hvað veit ég? Þær voru allavega mjög lengi og voru ógeðslega súrar að fólk væri eitthvað að trufla þær. Geta ekki allir verið æðislegir.
Besta "pickup" lína sem ég hef einmitt fengið var "Ég held að heimurinn leitist við að vera í náttúrulegu jafnvægi, þannig að einhverstaðar er einhver stelpa labbandi um, ljót og heimsk og það er allt þér að kenna!". Og nei. Hún virkar samt ekki!
Handahófskenndar hugsanir 2
Mér finnst skrítið að ég vakni stundum og líði eins og tennurnar á mér séu loðnar. Ég tannbursta þær nefnilega bara rétt áður en ég fer að sofa. Ég held ég gangi í svefni öðru hvoru og hámi í mig allskonar dýr með feld þegar ég sef. Það er óheppilegt, þar sem ég sef in the raw. Finnst það nefnilega heimskulegt að klæða sig fyrir svefninn. Spurning um að skoða internetið betur í leit að myndum af mér á næturrölti. Ég er búin að kíkja á SeeOskNaked.com, en þetta var ekki þar.
Núna er ég allavegana vöknuð og er að borða prótein bar mitt og drekka vatn. Mikið er það gott á bragðið. Gott eins og.. ?
Handahófskenndar hugsanir 1
Ef hópefli (sá það aftan á strædó) gengur út á að efla hóp.. hvað gerir þá barefli? Kannski ég stundi barefli þegar ég fer á stredderí.

28.8.04


Skólarnir eru byrjaðir aftur..

Sent með GSMbloggi Og Vodafone
Þetta er í raun seinni parturinn af póskinu fyrir neðan. Þið farið alltaf að tuða eitthvað ef ég geri þau of löng. Viljið þið ekki bara fara að GRENJA??
Mér er ógeðslega illt í bakinu. Vantar nuddara, hnykklækni, nálastungugúrú og nýaldarfrík. Veit ekkert hvort það myndi breita miklu fyrir bakið mitt, en ég er viss um að það væri gaman að láta þá fara í allskonar keppnir. Sjálf held ég að hnykklæknirinn myndi vinna ef þeir færu að slást. Steven Segal vinnur t.d. alla sína bardaga. Veit reyndar ekki hvernig honum myndi ganga með örfína nál í brisinu á sér. Ég hef líka heyrt að nýaldarfríkin séu með hættulega sterka framhandleggi, enda vel þjálfaðir (wankers sem sagt..).
Bah. Ekki ósvipað og kindurnar segja í útlöndunum!
Ég var að vakna af alls ekkert svo værum blundi. Látið engan telja ykkur trú um að það sé auðvelt að leggja sig á meðan tólf og hálft kíló af krakka leikur lausum hala í sama húsi.
Ef ég ætti að líkja því við eitthvað, myndi ég segja að það væri ekki ósvipað og. Tja. Fiskur.

Ég hef staðið mig skammarlega í neyslu á óhollustu í dag. Skammarlega. Gæti allt eins verið Olsen tvíburi ef ég hefði smá meiri stíl, klassa og peninga. Verð að redda þessu í kvöld. Vonandi endurnýja ég kynni mín við vin minn, Bitabílinn. Kadiljálkur sendiferðabíla og "noble steed" allt í einum pakka. Þetta gormej eldhús á hjólum býr til bestu subbusamloku hérna megin Grænlandsins. 500 kalls virði af súperdós, sveittum frönskum (margir vanmeta sveittar fanskar. Þær verða bara betri þegar þú getur borðað þær með skeið) og kokteilsósusamloku og ég verð sáttari.

Ég fékk mér reyndar pizzu í hádeginu á Eldmiðjunni. Helvíti sniðugt hjá þeim þar á bæ að setja mulda fullnægingu í sósuna. Lætur mig fyrirgefa þeim fyrir skaðræðis barn- og Óskheldu plastkönnurnar sem þeir servera flata kókið í. Ég er í straffi. Sulla alltaf kóki út um öll borð, gólf, þjóna og gesti ef ég kem innan 30 cm nálægt könnudjöflunum.

Ég borðaði líka 3 síðustu Æðibitana hennar Völu. Ég var ekkert smá dugleg að hjálpa. Dansaði um eins og ballerína og lagði mig fram við að vera ekki fyrir stæðilegu karlmönnunum sem tróðu sér framhjá mér með ísskáp í annari og kommóðu í hinni. Fór reyndar með að sækja pizzurnar. Það ætti engin að vanmeta.
Flott íbúð hjá þeim. Ég held að forsætisráðherrann hafi einu sinni búið í sömu götu. Eða Lilli klyfurmús eða eitthvað. Einhver frægur.
Mig langar í herbergið hans Andra Freys. Ég hata mitt herbergi núna. Það er bara í einum lit og ekki með neinu Bangsimon dóti á veggjunum. ÖMURLEGT!
Haldið ekki að stelpu kvikyndið hafi hundsað allar reglur um áfengislausa ekkilaugardaga og skellt sér í bæinn. Veit ekki hvort það teljist með ef ég er komin heim rétt eftir 2, en engu að síður... Nú er mér illt í bakinu mínu (eins og í allri síðustu viku.. bara meira) áváváv, og illt í löbburunum (enda ekki nægjanleg dama í að stredderíast á hælum). Aumingjans Benni bíll er fastur uppi í skólanum og sé ég fram á að snýkja mér skutl til að sækja elsku skinnið snemma á morgun, til að geta tekið þátt í innflutningi Völu, Halla, Andra Freys og Myrru sætavoff í nýju íbúðina sína. Súrt að geta líka ekki lúrað heima hjá lúrandi sætaspák eins og venjulega um helgar. Greyið er lasinn. Æjæjæj, og fór heim löngu fyrir fyrsta hanagal úr vísindaferðinni.
Þakkir mínar berast þeim sem slíkar eiga skildar og hinir mega gefa mér óhollustu og sykur á morgun! Takkfyrirgóðanótt!

27.8.04


Doddi

Sent með GSMbloggi Og Vodafone

Einhver fáviti *hóst* Doddi *hóst* tók opni gaurinn af bjórnum mínum, svo ég hengdi 3 heiðurs opnara á hann..

Sent með GSMbloggi Og Vodafone

Óli er að hjálpa pabba að mála einhverja hurð. Hann kom ekki með draslföt með sér, svo hann var settur í bol af pabba og sokka af mömmu utan yfir skóna sína. Ég held ad þetta eigi eftir að komast í tísku.

Sent með GSMbloggi Og Vodafone
Skammist þið ykkar stundum fyrir kvikyndislegar hugsanir ykkar, þó þið orðið þær ekki við aðra? Ef allir hugsa eins og ég, þá er ég rosalega glöð að geta ekki lesið hugsanir...
Alveg gæti ég hýtt stærðfræði kennarann minn. Pirrar mig þegar hann segir á yfirlætislegan hátt "En, þetta ætti að vera upprifjun fyrir flest ykkar", þegar þetta er ekkert upprifjun fyrir mig.
Örugglega svipað eins og að segja yfir sal fullan af fólki sem fæddist með engar hendur "Þið ættuð nú öll að hafa gert 10 armbeygjur einhvern tímann", þó það sé kannski öllu hærra á kvikindisskalanum.

Föstudagur í dag. Ég er skráð í vísindaferð en er ekkert voðalega spennt. Ég má ekki drekka bjór, borða pizzu eða möntsja á möntsji, so whats the point?

26.8.04

Og nóbelsverðlaunin fyrir bakstur fara til...
Ég hannaði og bakaði epla og kanil muffins með m.a. hjálp heilhveiti, prótein dufts, haframjöls, barnamat og að því er virðist, snilligáfu!
Þetta er ekki bara gott á bragðið, heldur líka meinhollt. Ég serveraði nokkrar sem eftirmat núna rétt í þessu og vöktu þær mikla lukku. Ég náði meira að segja þeirri gæðavottun að mamma trúði því ekki að þetta væri ekki fitandi.
Djöfullsins yndi er það að geta étið pönnukökur, muffins, vöfflur, brownies, gulrótaköku, búðing eða ís og vera í rauninni að hugsa um línurnar (og borða máltíð sem passar í BFL).
Þessi bók er svo mikil snilld. Hef ekki eldað mikið beint upp úr henni, en hún gefur þvílíkt af hugmyndum.
Ástkærbróðir minn og spússa hans fóru í 4 daga frí til Danmerkur og á meðan er pjakkurinn vistaður hérna. Þetta hefur hrist verulega upp í valdastiganum og nú er drottningin orðin aumur þræll, á meðan 2ja ára frændinn stjórnar öllu með harðri hendi.
Hann vaknaði alveg öskureiður úr blundinum sínum áðan og pissaði tvisvar sinnum á sig á milli þess að hann öskraði og gargaði á alla. Það var alveg sama þó ég héti því að spila með honum stubbaleikinn, hann hélt samt uppteknum hætti. Það var ekki fyrr en ég kom fram með málbandið mitt (það er með sniðugum takka og dregst inn á ógnarhraða) og sagði honum að við gætum leikið okkur með það ef hann skipti um buxur, svo ég fengi ekki pissufýlu á mig, að skeifan snérist við.

Nú er pilturinn kátur eins og... eh.. bátur? Kannski ég sýni honum "Cat, I'm a kitty cat" myndbandið á eftir. Fyndið að láta smábarn stjórna lífi sínu og athöfnum.

25.8.04

Ég fann loksins EINN höfrung hérna
Í gær vorum við Óli frændi að leika okkur. Við hoppuðum í rúminu og svo tók hann af mér nefið og setti kartöflunef í staðinn. Svo trommuðum við á borðið með tússlitum, börðum þeim saman og sungum allskonar lög.
Því næst lék hann tröllið í geitunum þremur og úlfin í kiðlingunum sjö. Með magan fullan af kiðlingum var hann ekki enn orðinn saddur svo hann hljóp inn til mömmu og pabba og "borðaði" rúmið þeirra. Þegar ég sagði honum að hann þyrfti núna að fara fram að segja ömmu sinni og afa að þau yrðu að sofa á gólfinu, réðst hann á afa sinn og borðaði hann líka.
Ég hló rosa mikið og svo hlupum við eftir ganginum öskrandi og horfðum smá á prúðuleikarana.

Vá hvað það er gott að vera ekki í uppalanda hlutverki þegar kona er ekki einu sinni orðin fullorðin sjálf.

24.8.04

Mig langar að stofna töffarabíómyndaklúbb. Hittast aðra hvora viku á laugardagsdögum (því þá má ég borða snakk og drekka bjór) og svo skiptast klúbbsmeðlimir á að leygja alvöru töffara myndir (góðar og vondar). Einu leyfilegu myndirnar eru einhverjar með blóði, sprengingum og handleggsbrotum, þar sem einhver alvöru töffari/töffarar eru í aðalhlutverki. Die Hard, Conan the barberian, Full metal jacket, Escape from New York, Rambo o.s.frv.
Ansansári. Ég ætlaði að drífa mig heim og fara að læra varnarstærðfræði (vörn er besta sóknin.. or sumfin. Það eða ég hafi lært litla stærðfræði í menntó), en ég datt ofan í að horfa á fimleika í sjónvarpinu. Eftir að hafa æft þá göfugu íþrótt í 12 ár sem ponsa (sem útskýrir að litlu leiti þann kattlega liðleika, glæsileika og klassa sem almennt einkennir mig), get ég með sanni sagt að þetta sé ein af þeim fáu íþróttum sem vert sé að horfa á.
Það að kasta bolta á milli sín eða veltast um í faðmlögum eftir að einhver í sama liði og þú sparkaði niðurbútaðari og uppblásinni kú í fiskinet verður að teljast bæði tilbreytingalaust, leiðinlegt og langt frá því að vera impressive á nokkurn hátt.
Að fylgjast með fólki sem hefur sannarlega stjórn yfir eigin líkama og getur gert slíkar kúnstir að þú þarft að taka sjóveikispillur bara til þess að horfa á heila keppni út í gegn, er hinsvegar tíma vel varið! Fimleikar, dýfingar, trampolín og þess konar íþróttir eru þær einu sem ég yfir höfuð nenni að horfa á. Að sjálfsögðu getur líka verið gaman að horfa á frjálsar, en það þykir mér ekki komast nálægt því að vera eins heillandi. Að stunda bara hlaup, bara langstökk eða bara hástökk, þykir mér hálf megrandi á áhugaverða kaloríuskalanum. Ég allavega myndi ekki nenna því..
Af hverju er maðurinn að segja að það sé eðlilegt að læra heima í háskóla og að til þess að ná árangri verði að leggja á sig?
Við erum á síðasta árinu Einstein! Think we got the picture!
Annars er það álíka djöfulegt og hnetusmjör að koma á síðustu stundu í stærðfræðifyrirlestur. Ég sé bara fullt af sveittum hausum og minnst af krotinu.
Lenti í annari near death reynslu áðan. Ég settist inn í fyrirlestrarsalinn minn og þegar ég var að taka upp úr töskunni, tók ég eftir því hversu margar sætar stelpur voru í kringum mig. Í panikki leit ég upp á töflu og sá að ég var stödd í rekstrarhagfræðiáfanga.
Þið haldið að blettatígrar geta hlaupið hratt..? Þá hafið þið aldrei séð Ósk á leiðinni úr viðskiptafræðiáfanga.

23.8.04

Skólinn minn er byrjaður aftur. Ég er búin að fara í eitt fag og svo eftir hálftíma fer ég í það næsta, sem er merkilegt nokk kennt af syni þess sem tróð æðri menntun inn í huga minn í morgun.
Um helgina bættust við 3 nýir spilarar í roleplay grúppuna okkar. Þeir heita Doddi, Gunni og Hansi. Núna er hægt að segja að 6/8 okkar séu í HR í tölvunarfræði. Jáh.. Palli er nefnilega líka byrjaður í skólanum. Hann er í 50% námi og 50% vinnu. Ég held að hann eigi eftir að refsa þessu öllu saman illilega!

Annars er þetta voðalega losaralegt hjá mér eins og er. Kem aftur í póskið á fullu blasti seinna í vikunni! Fer að fá fráhvörf.

21.8.04

Vá. Ég er með stafina "sports team" og töluna 81 í spiffí stöfum framan á g-strengnum mínum. Það eru sko ekki allar snótir sem ganga um með fæðingarárið sitt letrað á nærfötin. Þetta er svalt.
Kannski þætti mér ekkert eins mikið til þess koma ef ég hefði ekki orðið fyrir "near death" lífsreynslu rétt áðan. Slíkir hlutir virðast kenna konu að meta litlu hlutina á lífinu, eins og þennan hér fyrir ofan.
Æi já, hvar eru mannasiðirnir? Þið eruð án efa farin að anda í bréfpoka og bryðja valíum í panikki yfir því hvað hafi komið fyrir og hvort það sé ekki allt í lagi með mig. Ekki örvænta kæru þegnar! Ég er hörð af mér.
Ég skellti mér sem sagt í TOEFL próf, sem er eitthvað það leiðinlegasta sem ég hef gert á minni æfi. 4 klst af hægum pyntingum. Ég beið eftir því að ég væri látin drekka pepsi líka eða eitthvað.
Ég get svo svarið að það erfiðasta við þetta var að halda sér vakandi og ganga ekki í skrokk á satanísku kasettunni sem þuldi upp skaðræðis textann. Sem betur fer voru stólarnir óþægilegir og mér illt í bakinu, annars hefði allt farið á hinn versta veg og ég orðið að gangast undir þetta allt saman aftur.

LIFI FRELSIÐ!

20.8.04

Ef einhver ykkar eru ennþá ekki sannfærð um snilld mína, þá hef ég þetta að segja:
Þegar farangrinum var slengt upp á færibandið eftir að ég hafði dansað framhjá kílómetra langri röð og checkað okkur sjálf inn í þar til gerðum vélum (ég owna), sagði vogin þar "20.0 kg". JÖÖÖSS! Upp á gramm sko! Meira að segja starfskvendið var heillað.

19.8.04


Krapp. Ekki hægt að taka almennilega mynd af hollywood wannabe reykjanesbæjar skiltinu úr bíl, á ferð, með gsm síma. Ég ætlaði að vera geðveikt fyndin og segja eitthvað eins og "svona stafar maður 'fávitar' börnin góð", en neeeiii..

Sent með GSMbloggi Og Vodafone

18.8.04

Á morgun fer ég heim. Þá fæ ég líka að sjá málbandið mitt, viktina, fitumælingagræjuna og mannhæða háan spegil í fyrsta skipti í 9 daga. Jámm. Þið lásuð rétt!! Eini spegillinn hér í íbúðinni "minni" er þessi inni á baði, sem nær ekki einu sinni niður á túttur nema ég standi á tám. Að þessu leiðir að ef opinberar stofnanir kæmust nokkru sinni inn í þessa íbúð, yrði hún án efa innsigluð og dæmd óhæf til íveru fyrir kvenmenn og metrosexual karlmenn yfir 10 ára.Ég hef ekki græna hvernig óhófleg neysla óæskilegra matvæla hefur leikið líkama minn og hef verið að spranga um í stuttum pilsum og efnislitlum fatnaði, eins og ég hafi ekkert bætt á mig, eða Danir setji í raun ekki remúlaði á allt ferskt salat sem þeir koma höndum sínum yfir (virðist vera að þetta sé eina landið í heiminum sem slík athöfn gefi þér ekki geðveikisstimpil i á ennið og sendi þig til vistar á sundveikisheimili í óræðan tíma). Sannleikurinn mun ekki koma í ljós fyrr en of seint. Þá get ég líka drekkt sorgum mínum í skyri og létt kotasælu og byrjað á nýju að lofa musteri sálarinnar við altari Veggsports á hverjum morgni kl. 6. Ég hef ákveðið að byrja upp á nýtt á C2 þegar ég kem heim. Nýir 84 dagar til þess að hlakka til líkamsræktar- og mataræðisfanatisma og 18% fitutakmarks. Lifi ég!

Danski Jói Fel

Sent með GSMbloggi Og Vodafone

17.8.04

Vísindalegar mælingar
Rétt í þessu fór ég eitthvað að hafa áhyggur af því að ég hefði verslað mér og öðrum farðegum flugs O213 til Íslands, (vill ekki fara heeeeim *sniff*) til voða.
Þar sem ég er ekki þekkt fyrir neitt annað en framtaksemi og mikilfenglegar gáfur, tók mig því til og reyndi að komast til botns í þessu máli.
Ég tók öll fötin sem ég á hérna úti og setti í hrúgu. Svo hóf ég sorteringu. Föt og aðrir hlutir sem ég tók með mér út setti ég í einn risa H&M poka og föt sem ég hef fjárfest í hér í baunverjalandi fóru í annan poka sömu gerðar. Eftir að báðir voru orðnir vel út troðnir og pattaralegir og bælið mitt fatalaust, reddaði ég mér myndarlegum aðstoðarmanni og lét hann standa úti á miðju gólfi með lokuð augun. Pokunum var því næst ruglað og handföngin sett í hendur aðstoðarmannsins, á þann máta að engir aðrir hlutar pokanna snertu hann. Hann var beðinn um að segja til um hvor pokanna hann teldi vera þyngri og í ljós kom að.... daddaradaaamm

*pása til spennuaukningar*

...að það sem ég tók með mér út vóg þyngra en það sem ég hef verslað í landi haribo og tuborg. Þegar aðstoðarmaðurinn áttaði sig á tilgangi tilraunarinnar lét hann í ljós skína að geðheilsa mín væri ekki upp á sitt besta, en sjálf var ég í of mikilli gleðivímu til þess að kýla hann í brisið fyrir yfirlýsinguna.
Þetta pósk má því flokkast sem mental-note til sjálfs mín um að ég skuldi honum miðlungsfast högg í brisið/miltað/nýrun.
Varúð; Nördapósk
Blah. Ég skráði mig í eitt mastersnámskeið í skólanum (Upplýstar leitaraðferðir í gervigreind) sem var ekki vitað hvort ég kæmist inn í, svo ég þurfti að skrá mig í eitthvað annað til vara (tölvugraffík).
Nú þegar á hólminn er komið og bæði námskeiðin birtast björt og brosandi á stundarskránni minni, er ég hreint ekkert svo viss um hvort ég eigi að velja lengur. Þetta verður nefnilega þurrkuntu önn þið skiljið.
Hin fögin eru Forritunarmál, Stærðfræðileg greining (calculus og tölfræði) og stöðuvélar og reiknanleiki (þuuuuurrt valfag, en það er víst undanfari fyrir allskonar mastersnám, so.. bring it on).
Ég held að tölvugraffík sé nokkuð tilgangslaust fyrir mig (býrð til tölvuleiki og svona), en ábyggilega rosa skemmtilegt og ágætt til að poppa upp þessa önn.
Hitt er mjög áhugavert og nýtist mér líklega meira, en ábyggilega ekki skemmtilegt á sama máta.

16.8.04


Við erum í stíl! Var að kaupa mér sandala líka. Með dempurum og fíneríi. Keypti 4 pör af skóm (2 sandala, svarta adidas air og stígvéli) á undir 6000 kalli. Lifi bilka!

Sent með GSMbloggi Og Vodafone

15.8.04

Shoe-shopping með hjálp tilboðsbæklinga.. The only way to fly!
Vá hvað ég sá pæjuleg stígvél í tilboðsbæklingi sem barst heim til mín (þetta er svona eiginlega heim til mín sko. Ég á eftir að búa hérna ef ég fer í masterinn í DTU). Helmingurinn vildi meina að ég hefði öll ljómað í framan þegar ég sá þau. Þau eru þarna, í menu, Denne uges tilbud, Bilka avisen og svo í efstu röðinni til hægri (virkar ekki í FireFox. Tussudanir). Þessi sem stelpan er í. Hin líta ekki eins vel út því að það er enginn fótur inni í þeim. Ég er að spá í að fara að skoða þau í búðinni og sjá hvort þau vilji koma heim með mér. Kannski eru þau ekki eins pæjuleg up close.

Ég sá líka stígvél í fotex bæklingnum. (Ugens fotex avis, og svo önnur röð, hægra megin), en þau líta út fyrir að vera támjóógeðisstígvél. Mér finnst samt uppið á þeim svolítið flott. Kíki kannski á þau líka.

14.8.04


Palli, mannstu eftir þesstm? Úr myndbandinu sem þú sýndir okkur..

Sent með GSMbloggi Og Vodafone

Hvort eru sebrahestar svarti með hvítum röndum eða hvítir með svörtum?

Sent með GSMbloggi Og Vodafone

IR not monkey! IR baboon!

Sent með GSMbloggi Og Vodafone

Emúar.. Í persónu. Hvílíkur heiður.

Sent með GSMbloggi Og Vodafone

Mig langar í bjór. Hahaha. Djö er ég fyndin í dag!

Sent með GSMbloggi Og Vodafone

Kúkafílar. Hahahaha..

Sent með GSMbloggi Og Vodafone

Líka ykkur?

Sent með GSMbloggi Og Vodafone

Heitt venur?

Sent með GSMbloggi Og Vodafone

13.8.04

Föstudagur segið þið? Já, ég finn föstudaginn berjast um í mér eins og hundur í peysu. Ég hef undarlega þörf til þess að horfa á Matlock og borða vínber og kotasælu. Hvað getur verið meira föstudagur en það? Fátt er allavega eins villt og fancy free.
Við höfum annars lofað okkur að gera eitthvað á morgun. Erum að spá í að gerast túristar og valsa um dýragarðinn með öðrum ferðamönnum og grenjandi börnum í frekjuköstum. Kannski einhvern stórmerkilegan grasagarð líka og ef stelpan fær að ráða, eitthvað safn sem skilar mér af sér með menningu lekandi út um öll vit. Monet og Degas málverkin eru kannski heima hjá sér núna. Hver veit?
Eruð þið með einhverjar magnaðar tillögur, hæfar drottningu á laugardegi?

Ég er allavega hætt að versla. Ég kaupi mér ekkert, ekkert meira nema kannski kannski bara bara skó. Fátt þykir mér leiðinlegra en að versla mér skó. Drottningadrésarnir eru nefnilega fullkominn kassi, og eins langir eins og þeir eru háir eins og þeir eru breiðir. Vond galdraskækja bölvaði bífurnar á mér þegar ég var bumbubúi, svo nú sit ég uppi með labbara númer 35+ (köllum'ða bara 36) og háu ristina hans föður míns og drésana hennar mömmu. Það er nánast ómögulegt að versla skó á slík undur veraldar. Að sjálfsögðu eru þetta glæsilegir fætur, þó svo þeim svipi dálítið til lego dubblo kubbs í yfirstærð.
Búðarstarfsmenn tísta og benda á barnadeildina. Ef mér tekst að finna skó, mér samboðna, sem eru jafnframt í stærð 36, eru allar líkur á því að þeir séu of þröngir fyrir drésana. Þetta er að sjálfsögðu bara samsæri, sprottið frá félagi stórfættra einstaklinga, sem er illa við að ég sé gangandi um, gullfalleg og spengileg OG eigi auðvelt með að kaupa mér skó.

Ussss. Það er ljótt að vera bitur!

Hvaða vanviti setur gular baunir og spítalabaunir í salat?

Sent með GSMbloggi Og Vodafone

12.8.04


Keypti mér rún, krotaða á stein og bundna á leðuról sem ég get geymt á hálsinum á mér. Þetta þykir mér smart. Hef aldrei verið nægilega mikil dama fyrir skartgripi, svo það kemur svo sem ekkert að óvart að eitthvað crude höfði til mín!

Sent með GSMbloggi Og Vodafone
Þegar ég var að pakka, tók ég með mér 11 kg. af drasli. Ég ákvað að það væri svo sem allt í lagi, þar sem það væri ekki FM-hnakka lífslíkur á 11 á því að ég keypti meira en 9 kg. af klæðum. Hér stend ég frami fyrir ykkur, tæpum 20.000 kalli seinna, upplýst manneskja og viðurkenni treglega að það eru verulegar líkur á því. Í dag keypti ég mér korters virði af tíma kassastarfsmanns af fötum. Þetta var í einni H&M búð og ég hef ekki einu sinni klárað fyllilega að versla í þessari vinkonu!

Ó, hví efaðist ég um eigin kvenlega eignleika og shop-till-you-drop tendensa?
Ó, hví efaðist ég um áhrif 70% afsláttar á Íslendinginn í mér?

Þetta kemur allt í ljós eftir viku, þegar ég hlamma út troðinni töskunni á færibandið forboðna. Til öryggist gæti verið sniðugt að lauma minni með töskunni hans Einars, þar sem að hann virðist eiga auðveldara með að halda aftur af sér í verslunum.

Einar fékk sér nýjan síma.

Sent með GSMbloggi Og Vodafone

11.8.04


Hérna er kettlingamjásan, í boði Helgu! Takk Helga! You're my bestest friend! Jæja. Allir segja *aaaawwww*.. Sætt kisikis!

Sent með GSMbloggi Og Vodafone
Hæhó. Stelpillinn er staddur í útlöndum. Í gær ætlaði ég að senda ykkur mms með mynd af kettlingi sem var týndur í einni lestinni og var að leika við alla farþegana á milli þess sem hann klóraði af sér flærnar. Þetta var svona aaaaw mms. Eitthvað virtist Danmörkin hinsvegar vera á móti slíkum sendingum, þar sem þetta kom allt saman í hausinn á mér aftur. Þið fáið þá bara engin mms af því sem ég tek mér fyrir hendur. Soniridda.
Fórum á Bakken í dag og röltum heilan helling. Mér tókst að draga elsku strákinn með mér í fall turninn eftir miklar fortölur og honum fannst það hreint ekkert algjörlega skemmtilegt...

9.8.04

URRRR! Ég hata bjúrakrasí heilsugæsluviðbjóða. Ég er búin að vera á pillunni í næstum 7 ár. Uppáhaldið mitt við að vera á pillunni er að hringja í símatíma lækna (sem er BARA einn ákveðin hálftími á dag) og bíða rosa lengi á meðan "bláu augun þín", spilað á hljómborð af taktlausum fávita glymur undir. Svo kemur pirrandi konu rödd öðru hvoru sem segir "læknirinn er ENN upptekinn. Vinsamlegast sýnið biðlund um sinn".
Í dag lét ég símann minn minna mig á að mig vantaði fleiri pillur. Ég hringdi samviskusamlega kl. 11:30, en þá á þetta að hefjast. Konan í símanum tjáði mér að það væri svo mikið að gera að símatíminn byrjaði ekki fyrr en eftir 15 mínútur. Ég fór bara að forrita og leit næst á klukkuna kl. 12:03. Ég greip símann og hringdi strax aftur. Þá sagði konan (en allir vita að bara satanískar, mannhatandi geimverur vinna í móttökunni á heilsugæslustöðvum) að hann væri búinn og hún vildi ekkert fyrir mig gera. Þrjár fucking mínútur!?? OG! Ég hringdi á réttum tíma líka en þá vildi enginn tala við mig. *URRRRRR*. Síðasta tækifæri til að redda þessu á morgun. Ef þetta tekst ekki þá, rukka ég þau um meðlag á krakkanum sem verður getinn úti í Danmörku!
Á morgun fer ég í mína þriðju pílagrímsför á þessu ári, til heimalands Haribo, Nammilands. Ég meina. Danmerkur! Hef einhvern veginn ekki komið mér í tilhlakki gírinn. Ég er ekkert búin að pakka eða spá í því hvað ég ætla að taka með mér eða hvað ég ætla að gera. (Einar! Tékkaðu á því sem snöggvast hvað við getum gert. Ég veit þú lest þetta svona í kringum hádegið, því þá ertu ný vaknaður og nennir ekki að fara að pakka alveg strax). Bara búin að vera að vinnast eitthvað. Ég þarf líka að taka smá vinnu með mér út. Ég hef tekið þá þroskuðu ákvörðun að pirra mig ekki yfir því. Ég fæ samt alveg smá frí, afslöppun og snúllidúll.
Mamma mín gaf mér 2000 danskar í gær, sem eru að núvirði 23.468 íslenskar kr, þrátt fyrir sterk mótmæli af minni hálfu. Mömmur hafa þann hæfileika að geta gefið þér hluti þvert gegn vilja þínum. Auðvitað er ég afskaplega ánægð að fá smá pening sem ég get eytt algjörlega í vitleysu. Ég held að fáir kunni almennilega að meta þá andlegu fróun sem fellst í því að eyða pening í vitleysu.

8.8.04

Mjólk og smákökur. Var ad gera tilraun með að baka úr prótein dufti. Gerði rúsínu og haframjölskökur með eplamauki í staðinn fyrir smjörlíki og splenda í staðinn fyrir sykur. Tastes... Edable.

Sent með GSMbloggi Og Vodafone
Úr viðjum hvaða hvítu ruslatunnu eða afdala sjávarþorps þarf fólk að skríða til þess að ætlast til þess, í fullri alvöru, að þú farir í sjómann við það í miðju partýi? Fólk er heillandi!
Jakvörandskotinn. Ég, stelpan sem félag gsm eiganda tók af sms listanum sínum á síðasta fundi, hef fengið alls ótengd sms frá 4 mismunandi aðilum síðasta klukkutíman. Ég veit bara ekki hvaðan á mig stendur veðrið.
Kunnulegur straumur fer um mig. Ég man eftir þessu frá því að ég var einhleyp snót og virtist eiga stóran hóp af sms-sendandi vinum. Merkilegt nokk, þá hringdu þeir bara í mig á nóttunni, um helgar, á milli þess að þeir gerðu örvæntingafullar tilraunir til þess að halda uppi heilu daginn-veginn samræðunum við mig í gegnum textaskilboð.
"Ósk, hvað heldur þú að strákar sem hringi bara í þig á nóttunni vilji?" var ég einu sinni spurð. Ég hafði aldrei hugsað málið þannig. Sjálf stóð ég í þeirri merkingu að ég væri vel hugsandi, vel talandi og vel gefin einstaklingur og athygli karlmanna stafaði gjarnan af því að þeir vildu kynnast mér og verða vinir mínir. Engum "hintum" hafði verið droppað í símtölum eða skilaboðum, enda hefði ég verið fljót að skella á "booty-call" frá algjörlega óreynsluöktum gaurum.
Efa fræinu sem stráð hafði verið í hugann óx, og seinna kom í ljós að samsæriskenningarnar voru á rökum reystar. Hvert sms fiðrildi flögraði í burtu eftir að það tók sig upp með bullandi sambandi hjá mér. Símreikningurinn fór sömu leið og lækkaði um marga þúsundkalla.

Nú leikur mér forvitni á að vita, hversu stór hópur sms-sendandi "vina" dansar í kringum hvern gjafvaxta, einhleypan kvenmann hverju sinni.
Ef við gefum okkur að við vitum "hverju" þessir menn eru að reyna að ná fram, getur einhver útskýrt fyrir mér "hvernig"? Er þetta ekki bara "flauta þegar þú sért sæta stelpu" á sterum? Kannski ekkert sérstaklega gáfulegt eða líklegt til árangurs, en þó eitthvað.

7.8.04


Fór út úr húsi í stígvélum og flennistuttu pilsi sem eg hef ekki notað síðan ég var 14. Var svo meðvituð um mig að ég gubbaði næstum. Nú ætti ég að vera betur í stakk búin í að setja mig í spor portkvenna.

já.. Og ég veit að ég er með stóran rass.. Working on it.

Sent með GSMbloggi Og Vodafone
Ömurlegar niðurstöður
Annað hvort á ég að vera meira eða minna. Fitta víst inn með "normal" corwd. Þeir fitta bara ekki inn með mér!
I AM 37% GEEK!
37% GEEK
You probably work in computers, or a history deptartment at a college. You never really fit in with the "normal" crowd. But you have friends, and this is a good thing.
Repost á gíraffamyndina!
Foreldrarnir eru ekki á landinu frekar en fyrri daginn. Þau skruppu eitthvað til Varsjá og eru núna á leiðinni til baka. Mamma sendi mér sms frá Köben, þar sem þau millilenda og hún sagði að það væri sól og 25°C hiti þar. Ég sendi til baka að hún ætti að að skilja það þannig eftir svo það væri gaman fyrir mig að taka við borginni á þriðjudaginn. Hún lofaði öllu fögru, en við eigum eftir að sjá hvort hún standi við það.
Mikið er morgunsjónvarp stöðvar tvö HROÐALEGT. Ég vaknaði kl. 8 því að ég er...... geðveik virðist vera og kveikti á sjónvarpinu. Fyrst kom Erilborg (sem er löng og mjög leiðinleg teiknimynd um dýr sem tala og eru ÖLL, hvert eitt og einasta, vinir. Það er ekki einu sinni vondur kall) tvisvar sinnum í röð. Á eftir því komu biblíusögur. Woddafökk? Biblíusöguteiknimyndir eru c.a. það leiðinlegasta sem hægt er að horfa á. Það er nógu súrt þegar það er verið að troða inn í sjónvarpsefnið einhverjum boðskap, en þegar það á að frelsa konu líka, þá er bara of langt gengnið!
Í angist minni druslaðist ég í ræktina og það á laugardegi. Stílbrot!

Þrír helstu fæðuflokkarnir; snakk, súkkulaði og hlaup.

Sent með GSMbloggi Og Vodafone

Nærfötin bundu sig í rembihnút í þvottavélinni. They do this EVERY time. Bastards

Sent með GSMbloggi Og Vodafone

6.8.04


Trogdor dagur í dag

Sent með GSMbloggi Og Vodafone

Kannski ég hætti bara í tölvunarfræðinni og gerist heilsufæðis kokkur. Þetta er eggjahvítukaka ef myndin er vond. Hún er þvílíkt góð.

Sent með GSMbloggi Og Vodafone
Eigingjörn í annara þágu
Á hinum endalausa vegi sem liggur að betri persónugæðum eigin sjálfs (þar sem alltaf er hægt að bæta sig kemst kona aldrei á leiðarenda. Þetta er eins og að elta regnboga) komst ég að dulitlu áhugaverðu.
Í seinni tíð, hefur tilfinningin sem fylgir því að gleðjast yfir gæfu þeirra sem nálægt mér standa, verið næstum eins sterk og sú sem kemur þegar ég gleðst yfir eigin gæfu. Það getur ekki verið annað en gott, þar sem þetta hefur í för með sér fleiri stundir af hreinni og klárri hamingju fyrir mig. Ef ég væri ekki hugsandi manneskja, þá hefði ég áhyggjur að því hversu eigingjarnt seinni partur setningarinnar hljómaði. Ég geri mér fullkomlega grein fyrir því að allar tilraunir hjá mér til þess að bæta mig sem manneskju eru eigingjarnar og aðalega hugsaðar til þess að mér sjálfri líði betur. Þetta er staðreynd sem ég hef löngu sætt mig við og með tímanum lært að meta.
Þó það sé að sjálfsögðu eigingjarnt, þá getur það einnig verið göfugt að vilja að sjálfri þér líði vel. Merkilegt nokk, þá hefur það gjarnan áhrif út á við líka og stuðlar að því að fólkinu í kringum þig líður líka betur.
Ung stúlka í tölvunarfræði lýsir eftir einhverjum/einhverri til þess að hanga með sér og gera eitthvað skemmtilegt í kvöld og/eða morgun kvöld. Opin fyrir flestu, nema má ekki fara á Garfield í bíó. Umsækjandi fyrir laugardag verður að vera vel meðvikur í neyslu á óhollum og fitandi mat.
- Sund
- Pool
- Videogláp
- Skemmtistaðarölt/Partý/Bjóð/Stredderí
- Línuskautar
- Eldsmiðjan
- Grill
- Kaffihús
- Spilakvöld

eru meðal þeirra hluta sem koma til greina. Áhugasamir vinsamlegast hafið samband í gegnum kommentakerfið, emil, gsm síma, hugskeiti eða bréfadúfu

5.8.04

Á leiðinni til Akureyrar
Svona til að útrýma öllum misskilningi mátti velja dauða, lifandi og skáldsagnapersónur. Sá sem var að giska mátti halda áfram þangað til hann fékk nei.

Ég: Er þetta maður?
Einar: Já
Ég: Er hann erlendur?
Einar: Já
Ég: Tónlistarmaður?
Einar: Já
Ég: Gítarleikari?
Einar: Já
Ég: Og svöngvari?
Einar: Já
Ég: Er þetta Dave Grohl?
Einar: OOOH! JÁ!!!

Seinna, þegar röðin var aftur komin að Einari
Einar: Núna kem ég með einn sem er ekki eins auðveldur!!
Ég: Kona?
Einar: Nei!
Palli: Listamaður?
Einar: Já
Palli: Frægur?
Einar: Já
Palli: Skrifar hann bækur?
Einar: Já
Palli: Er þetta Douglas Adams?
Einar: *PIRR* JÁ!!

Þess má geta að ég ownaði strákana í þessum leik og þeir voru svona hálftíma að finna Dr.Phil! Djöfull urðu þeir pissed þegar þeir föttuðu.. Muahahahaw (Valdi allavega ekki Kentucky kallinn og Sófus slökkviliðshund núna)

Sprakk á Benna.

Sent með GSMbloggi Og Vodafone
Ég er búin að ákveða mig. Ég tattúvera á mig .jsp, því aldrei ALDREI mun ég koma nálægt ASP aftur nema einhver sé með byssu upp að gagnauganu á mér..

Powerpuff tösku dagur. Hákon gaf mér hana í fyrra og er hún einstaklega glæsileg..

Sent með GSMbloggi Og Vodafone

4.8.04


Átti smá me-time þegar ég kom heim. Krem, andlitsmaski og.. Já, ef ykkur finnst ég skrítin a svipinn þarna þá er það því ég var með svona...

Sent með GSMbloggi Og Vodafone

..hvítatannadót. Hef ekki nennt að nota það í svona mánuð.

Sent með GSMbloggi Og Vodafone

Svo fékk ég mér próteinvöfflu og horfði á kaaarmed. Ég ætla að fara að sofa núna og vakna kl 5:45. Þá næ ég 40 mín lyftingum og 40 brennslu fyrir vinnu. Pottþétt að þetta hressi mig aðeins við!

Sent með GSMbloggi Og Vodafone
Mikið yrði ég glöð ef ég kæmist að því svona að ég væri lægst launaðasta fréttaþulan eða eitthvað..
...they formed a band the likes of which have never been seen
Í dag er ár síðan að strákur og stelpa ákváðu að ef þau væru svona frábær í sitthvoru lagi, væru þau jafnvel ennþá frábærari saman. Það reyndist vera rétt hjá þeim.

Meiri matarmyndir? I need help

Sent með GSMbloggi Og Vodafone

3.8.04

Það er nú bara hættulegt að setja þennan litla voffa við hliðina á kókdósinni. Hvað ef einhver drekkur hann óvart í misgripum??

2.8.04

Svona eruð þið þá helvítin ykkar! Ef ég segi minna, þá kommentið þið bara hlutfallslega meira á einstök pósk heldur en annars. Það virðist vera að þið séuð með einhvern ákveðin fjölda kommenta sem þið þurfið að koma út úr ykkur á viku, en ekki fara yfir, eða eitthvað hræðilegt gerist. Kærastan fær appelsínuhúð, liðið ykkar tapar í fótbolta eða Nylon gefur út nýtt lag!

Oft hef ég hlegið að fólki sem er eitthvað að afsaka það að hafa skrifað lítið á heimasíðuna sína, því að það hefur verið svo rosalega "bissí". Þessvegna ætla ég ekki að koma með svoleiðis komment, þó þið megið endilega lesa þau skilaboð á milli línanna.
Ég er svo andlaus. Búin að vera að vinna alla helgina, svo ég ætla bara að bjóða upp á einn umgang af ég gerði - ég fór - ég var póski. Don't worry guys! It's on me! Allar líkur á því að mér detti eitthvað í hug út frá því...

[Yfirlýsingar um vinnu og hvað mér sé illt í bakinu og mig vanti personal nuddara verður sleppt úr að þessu sinni;]
Á föstudaginn fór ég snemma að sofa. Ég held þetta sé í fyrsta skipti sem ég lúri heima hjá Einari (nei. Við búum ekki saman þó við höfum verið saman ágætlega lengi, ég lúlla bara þar um helgar og NEI það er ekki skrítið. Hata þennan endalausa skuldbindingafasisma í fólki. Ég vil ekki eiga sameiginleg fjármál, sameiginleg ættarmót, umræður um barneignir og lífeyrissjóði eða neitt á þeim nótunum alveg á næstunni. Sjálf á ég bágt með að skilja hvernig nokkri manneskju með greindavísitölu yfir 50 láti sér detta í hug að flytja inn til einhvers eftir að hafa þekkt viðkomandi í jafnvel minna en 2 mánuði. Er personal space dáið? Þú þekkir í fyrsta lagi ekkert manneskju eftir 2 mánuði. Það er ennþá "courting" tíminn og allar grímur og sjálfsfegranir ennþá í gangi. Ég get lofað þér því að þegar þú kemst að því að elskan þín sé í rauninni skápa-hnakki sem horfir á Opruh og kvelji hvolpa í frístundum, þá verður miklu erfiðara að slútta sambandinu þegar öll búslóðin hans/hennar hefur á einhvern dularfullan hátt flutt inn.
Hvað er líka með þessar trúlofanir? Hvernig getur fólk gengið um og sagst hafa verið trúlofað í 3 ár með bros á vör? Hvaða fáviti ákvað það að það sé hægt að aðskylja trúlofanir frá giftingum? Það er ekki til neitt sem heitir "viltu trúlofast mér?". Fólk sem er trúlofað á að vera einungis fólk sem hefur ákveðið dagsetningu fyrir brúðkaupið, þá helst innan árs. Hitt fólkið getur bara fengið sér vinabönd eða samstæðar lopapeysur!) sem við fórum ekki að sofa á sama tíma. Ég var svo búin á því að ég rotaðist um 22 á meðan að hann hékk í tölvunni fram eftir nóttu og skoðaði.... (veit hvað þið haldið en nei. Minn er eðalnörd) linux uppsettningar.

Á laugardeginum fór ég í eitt og hálft partý. Byrjaði í Grænatúni, þar sem ég hef komið í heimsókn við og við frá því að ég var 8 ára ponsa. Vala, Halli, Myrra og Andri Freyr eru með tímabundið aðsetur þar þangað til þau fá nýju íbúðina afhenta (Völuforeldrakastalinn. Allavega ef kastalar hafa 3 eða fleiri klósett sko). Þar fékk ég grillpinna að borða, sem hefðu örugglega verið miklu fljótari að grillast hefði einhver *hóst* actually KVEIKT á grillinu! Við slöppuðum af í pottinum og blöðruðum saman þar og inni í stofu. Því næst kíktum við í innfluttningspartý hjá Bjarka Einarsvini, en hann var að kaupa sér íbúð sem er ekki nema 3 húsum frá gamla húsinu mínu :oD. Þar var ég beitt fasisma og ranglæti, þar sem að mér var meinað þátttöku í drykkuleik fyrst ég var bara að drekka vatn. Ég er viss um að ég hefði rústað þeim öllum! Voru bara hrædd um að tapa! Orð kvöldsins var án efa "fuck head", notað í samhengi sem fengi hvern fullorðinn karlmann til þess að gráta.... úr hlátri.

Á sunnudeginum sannaðist það fyrir mér enn og aftur hvað ég er vel lofuð, þegar elskulegur melurinn bauð mér út að borða á Hereford. Hann nefnilega leitaði að mat sem ég mátti borða á "ekki ókeypis degi" án þess að láta einhvern horfa á mig skringilega þegar ég færi fram á að sleppa hinu og þessu (Lenti í slíku atviki um daginn með bernéas sósu. Ég er viss um að allir í eldhúsinu hafi hrækt og ástarsafað í matinn minn fyrir að vilja hana ekki). Ég fékk hálf-hrátt naut (já. Nautakjöt á að fucking baula þegar gafflinum er stungið í það og blóðið á að leka niður eftir munnvikunum þegar það er tuggið. Þannig er það best!), fræðiheiti "rare" nautalund og bakaða kartöflu. Algjör snilld.
Það eina sem skyggði á þessa annars ljúfu kvöldstund, var að þýskukennarinn minn frá því í menntaskóla sat á næsta borði og sló um sig á tímabili á þýsku við dateið sitt. Vondar minningar.

Í dag mættum við í læri heim til foreldranna, þar sem mamma fórnaði höndum yfir því að kaddlinn væri "alveg eins og ég" (kom upp þegar hann vildi bara venjulegt vatn, ekki pepsi max *hrollur* eða ógeðis gosvatn). Like that's a bad thing! Ég er nú svo æðisleg þið vitið.
Um kl. 4 fór ég á Subway (heilhveiti brauð, kalkún og skinka, tvöfalt kjötálegg, fullt af grænmeti og engin sósa eða ostur). Ég var að spá í það hvort ég væri að vera vond að koma með yfirlýsingar eins og að Subway starfsmenn væru almennt illa innrættir fávitar sem væru enn fastir í 4. bekk í grunnskóla þegar ég fattaði að fæstir þeirra kynnu nú að lesa, skrifa eða reikna, svo það ætti að vera í lagi. Einhvern veginn tókst allavegana lukkutröllinu sem var að afgreiða mig að reikna það út að ég ætti að borga tæpan 800 kall fyrir dótið mitt, þegar ég var með 2 fyrir 1 miða. Ég reyndi að útskýra það fyrir henni að einn 6" gaur gæti ekki kostað 800 kall nema það væri brætt gull og styrjuhrogn á honum, en henni var ekki haggað. Hún notar örugglega pening sem hún aflar með þessum hætti til þess að safna fyrir persónuleika ígræðslunni sem henni langar ó, svo mikið í.
Já. Allavega. Fór svo í bíó í kvöld að sjá King Arthur. Ég hélt með Arthur. Hann vann.

Góða nótt!