31.7.04

Í fyrsta skipti í nokkur ár, er msn listinn minn tómur
Aumingja Óskin makare er mætt í vinnuna sína til þess að ná sér inn einhverjum auka dögum. Ég bað kaddlinn að stilla klukkuna sína á 7:45, því hann alveg réttrétt hjá. HEYRÐU! Er 7:45 á hans klukku bara ekki sama og 7:25 eða eitthvað hjá öðrum. Samsæri! Eitt stórt samsæri!

30.7.04

Viljið þið ekki bara líka leggja niður rjómaís og heitapotta??
Æi bítið í ykkur!. Ég vil halda hléunum. Ég get pissað án þess að missa af neinu í myndinni, ég get keypt mér eitthvað möntsj ef mig vantar svoleiðis og ég get teygt aðeins úr mér svo mér verði ekki illt í sitjaranum.
Pirrar mig þegar einhverjir eru að reyna að eyðileggja eitthvað sem MÉR finnst gott og fallegt.
Í gær fékk ég ómerkt sms frá heimasíðu símans, sem á stóð:
"irc?"

Hver ætlar að gangast við þessu og útskýra fyrir mér hvers vegna!? Við skulum vona að þetta hafi ekki verið sent í vitlaust númer. Ég fæ svo sjaldan sms nú orðið, að ég vil halda utan um þau sem ég fæ á annað borð!
Skattmann sá aumur á mér og gaf mér 54.383 kr. Wait a minute! Hann gaf mér þetta bara ekki neitt. Hann hafði stolið þessu af mér áður. Skrítið hvað hann er fljótur til að skella vöxtum og vaxtavöxtum á alla, en getur svo tekið vaxtalaus lán af fólki án þeirra leyfis og borgað aftur nákvæmlega sama pening, óháð gengi.
Ég er samt sátt. Kannski ég fari og kaupi mér íþróttaskó og líf!

29.7.04

Hallærislega orð dagsins: Mergjað/Mergjaðslega //Fer alveg í gegnum mig þegar þetta er sagt
Svala orð dagsins: Hlabúnkur //Spyrjið Einar
Lag dagsins: Your body is a wonderland //Fjallað á fallegan hátt um að hittast á hótelherbergi og ríða í fyrsta skipti. Grunar framhjáhald
Drykkur dagsins: Vatn //Mmmm vatn
Flík dagsins: Vesti og skyrta í samfastri flík // Oooosööömmm. Á líka annað svona sem er peysa og skyrta. Þvílík snilligáfa
Pirringur dagsins: Fólk sem tyggur tyggjó með opinn munninn // Fátt eins pirrandi og tyggjótyggingarhljóð
Dýr dagsins: Breiðnefur //Falleg dýr
Úfff. Ég þarf að fara í klippingu, en ég nenni því engan veginn. Það er svo huge mikil skuldbinding. Ég þarf að taka með mér nesti (meira en venjulega sem sagt) og nýja skó. Svo þarf ég að kveðja alla fjölskylduna, því að hana mun ég ekki sjá aftur á næstunni. I hate goodbyes.

Einhverntímann er ég viss um að þegar klippimanneskjan er búin að ljúka sér af við hárið á mér, hefur það tekið svo langan tíma að það er orðið úr sér vaxið og hún þarf að byrja upp á nýtt.

28.7.04


Verð líka að sýna ykkur þetta líka! Vöflur með sýrópi og rjóma. GEÐVEIKT góðar og *pása* heathy. Aha! Þær eru próteinríkar, sykurlausar og nánast fitulausar líka. Sprauturjóminn er mest fitandi, 5.6% Það er líka fínt. Er að bæta við fitu í mataræðið mitt. Emilið mig fyrir uppskrift. Nenni ekki að skrifa hana á símann..

Sent með GSMbloggi Og Vodafone
Hvort er Counter Strike eða Quake (3 eða AQ) svalari? Er CS ekki bara fyrir litlar stelpur og viðskiptafræðinga?
Djöfullinn að rauntölur heiti real í MSSQL Server 2000, en bara double í C#. Það væri nördabrandari dagsins ef ég gæti skrifað rdr.GetReal( 1 ) í forritið mitt!
I play my dark magician in defence mode
Í gær varð ég fyrir áfalli. Í sakleysi mínu var ég að jimmast í Jimmy þegar Yu-gi-oh byrjaði í sjónvarpinu. Ég var inni í lóðalyftiherbegi (svona free weights) sem hefur ekki sjónvarp inni í sér, svo ég færði mig þannig að ég gæti heyrt í einu sem er fyrir utan það. Ég hlustaði á æsispennandi einvígi Yu-gi-oh og Pegasus (held þetta sé 4 eða 5 þáttur af bara því einvígi), alveg í panikki yfir að núna næði druslukvikyndið "his melenium puzzle". Heyrðu. Þegar spennan var alveg í hámarki...... kemur þá ekki einhver drullukuntuhnakkaviðbjóður og skiptir yfir á popp tíví!! Á POPP TÍVÍ! Ekki nóg með það, heldur var Blink 182 að spila, cocky eins og þær hefðu einhvern tilverurétt í þessum heimi. Vitiði hvað það er hroðalegt að hafa stillt eyrun sín inn á að heyra hvert einasta hvísl, þegar svona vanskapnaður kemur allt í einu á fullu blasti?
Mér leið eins og ég hefði verið kýld í brisið. Ég vissi alltaf að hnakkar væru vondar manneskjur, en aldrei gerði ég mér grein fyrir því að þeir væru bara hreinlega af hinu illa!

27.7.04


Baby's got bicep.. Gaman að sjá vöðvana koma í ljós..

Sent með GSMbloggi Og Vodafone

Var að láta fylla bílinn fyrir mig.. Sumar starfsmenn rokka!

Sent með GSMbloggi Og Vodafone

Túnfiskur myndast bara ekki vel. Langaði að sýna ykkur hetjulega tilraun mína til að auka kaloríuinntöku og "góða fitu" í fæðunni með hjálp snilldarlegs salats með guagamoleblönduðum túnfisk og eplum. Mér er sama þó ég sé plebbi sem póstar bara myndum af matnum mínum..

Sent með GSMbloggi Og Vodafone
Ég fer til Danmerkur eftir 14 daga. Það er gott og slæmt. Hlakka fullt til en það er geðveik pressa í vinnunni í staðinn :oÞ

26.7.04

Jæja, nú verður einhver sem á bassa að leifa mér að prufa. Rokksöngkonunni í mér langar að verða blanda af Kim Deal og Söndru Nasic. Plögga Söndru bara sjálf á nokkrum æfingum (sure) í hljóðeinangruðum kjallara, en ég verð að athuga hvort bassinn eigi við mig. Tími ekki að versla mér einn sjálf fyrr en ég hef aðeins tékkað á þessu. Væri náttúrulega helst til í trommur, en það er víst gífurlega erfitt að syngja með þeim.
Þarf að drífa í þessu ef ég ætla að meika'ða í hinum stóra heimi.

Amerískar pönnsur með bláberjum.. Komu ekki alveg pönsulaga út í fyrsta skiptið. Hlýtur að koma með æfingunni

Sent með GSMbloggi Og Vodafone
Kaffifólk eru hórur staðalímyndasamfélags og meðalmennsku
Kaffimenning pirrar mig. Hún borgar sig inn í taugarnar eins og neglur á krítartöflu. Auðvitað er aðal ástæðan sú að ég drekk hvorki kaffi, né hef nokkra sérstaka ástæðu til þess að byrja á þeim vanskapnaði. Það er ekki eins og þetta sé sérstaklega gott fyrir þig hvort eð er. Ekki ætla ég heldur að leggja mig fram við að byrja að reykja eða naga lifandi hrökkála.

Ég veit ekki um nokkra manneskju sem hefur þótt kaffi vera gott við fyrstu smökkun. Allir hafa þurft að venja sig við það með allskyns bellibrögðum.
Fyrir mér væri að setja mjólk eða sykur út í kaffi, til þess að mér þætti það drekkanlegt, alls ekkert ósvipað því að setja sýrðan rjóma á batterí, svo mér þætti ekki eins vont að sleikja það. Og hvers vegna? Til þess að geta skálað í syndugum bolla magasára og koffíns yfir eigin tendensum til þess að elta kaffisjúkt samfélag en ekki eigin sannfæringar? Til þess að geta fengið extra start á morgnana, sem þróast svo frá því að gefa þér auka karft og yfir í það að þú verður slappur án þess?

Ég ber því minni virðingu fyrir kaffiþrælum, heldur en þeim sem eru lausir undan undiroki koffíndjöfulsins og svarta-satansvökvans sem búinn er til úr möluðum baunum!

LIFI BYLTINGIN!
"In my heart, I think a woman has two choices: either she's a feminist or a masochist."
—Gloria Steinem
msn samtöl við tæplega 7 mánaða börn eru mun innihaldsríkari en fólk hefði áður talið:
Andri Freyr: .k,i'lo o0b mkyym6mn htv5bnhbdfyrtyhb
Ég: Hey! Fínt hjá honum! Ætlar að verða tölvunörd eins og Ósk "frænka"
Andri Freyr: nmo ck u0pu °q°l9o €0
Vala: þetta var svo gamn að hann fór að gráta þegar ég tók hann frá lyklaborðinu. Er núna geðveikt sár
Ég: sko! Fann allskonar fín merki, sem margir fullorðnir finna ekki sjálfir
Vala: akkurat voða duglegur stefnir í að verða tölvunrörd það er fínt.
Vala aftur: Tölvunörd kann ekki lengur að skrifa
Ég: nah. Sonur þinn meikar meira sense en þú!
Fáar konur kunna sannarlega að meta gleðina sem fylgir því að velja lítið pils á útsölu, án þess að hafa áhyggjur af því hvort það muni passa
- Ósk Ólafsdóttir


Jámm. Þið megið hafa þetta eftir mér. Ég er allavega komin heim frá Akureyri og það var alveg afskaplega gaman. Annað sem mér þætti gaman væri að finna hönnuðinn sem taldi að bikiní, vírar og plast perlur færu vel saman. Hann myndi ég slá ítrekað með upprúlluðu dagblaði. VONDUR HÖNNUÐUR! VONDUR!!

Ný vika framundan. Er eitthvað svo ægilega spennt fyrir henni eitthvað, þó það sé ekkert spes á dagskrá. Kannski ég finni mér bara eitthvað spes!

25.7.04


Það eina sem ég sagði strákunum að muna eftir að taka með sér, er það eina sem ég gleymdi. Þurfti að kaupa sundföt handa mér í hagkaup. Þar voru bara til einstaklega ljót bikiní eða einstaklega tiny. Ég keyti mér afskaplega smátt, svart með viðbjóðslegu víraskrauti á hliðunum. Í gær fórum við í sund í Þelamörk og um leið og ég setti gripinn í vatn datt skrautið sem hélt neðri partinum saman, í sundur. Ég var fyrst ógeðslega pissed á meðan ég víraði það upp svo það héldist á mér í eitt sund. Svo var ég glöð að það hefði ekki gefið sig þegar ég var komin út í laug. Við ætlum aftur að sundlaugast á eftir (enda 19 gráður og lygnt. Namm), svo ég fjárfesti í skóreimum til að reira þetta fast. Ég er gífurlegur tískufrömuður!

Sent með GSMbloggi Og Vodafone

Hahaha.. Hljómsveit sem skírir sig eftir Simpsons barbershop kvartettinum

Sent með GSMbloggi Og Vodafone

24.7.04


Ég fékk mér áfengislausan kokteil, því ég er á edrú-túr. Hann er görlí og kúl... Alveg eins og ég!

Sent með GSMbloggi Og Vodafone

Loftið á café amor (ekki súlustaður þrátt fyrir nafnið) á Akureyri. Af hverju eru allir berrassaðir nema einn í grænum bol. I don't get it! Er hann með sósubrjóst eða eitthvað?

Sent með GSMbloggi Og Vodafone

23.7.04


Uppáhalds guðsonurinn minn (2) að horfa með mér á prúðuleikarana!

Sent með GSMbloggi Og Vodafone

Namm.. Var að borða svona ís, nema ekki með hnetum. Hann var geðveikt góður OG! ekki svindl frá mataræðinu mínu OG í réttum prótein-kolvetni hlutföllum. Í gær bakaði ég brownies sem voru sömu eiginleikum gæddar. Ég ELSKA nýju uppskriftabókina mína!

Sent með GSMbloggi Og Vodafone
Blogger segir að þetta sé HUGE
That's it! Þessa helgi FER ég út úr bænum og mér er sama hvert. Næstu helgi kemur sub-human útilegumannahelgin, þar sem skríll landsins safnast saman á fyrirfram afgirtum svæðum og veltir sér í eigin ælu og drullu í áfengis-dauðateygjunum (og borgar fyrir það PENING! Aha. Alvöru pening sko, ekki matador eða hættuspil. Sumt af þessu er jafnvel fullorðið fólk). Á meðan Nylon og Vinir vors og blóma (eða hvað þetta heitir allt saman) spila miskunnarlaust á fólk. Þá er augljóslega best að halda sig í siðmenningunni.

Er eitthvað að gerast á landinu þessa helgina? Vitið þið það? Mér er nokkuð sama hvort ég lúri í tjaldi eða á gistiheimili eða eitthvað. Langar bara í road trip.

Hey já! Og hver vill koma memm!? Veit ég get líklega pussy-whippað Einar með mér, því hann er svo góður við Óskin sín. Einhverjir fleirri? Ég er ógeðslega skemmtileg í road-tripps þið vitið! *blikkblikk* Tek með mér útilegudót meira að segja. Hakcy, strandtennis, bolta og frisbí!

22.7.04

Vala! Börnin þín virðast ekkert mikið fyrir að láta mynda sig. Sérstaklega ekki dóttirin.. ;o)
Horfir einhver á futurama? Hafið þið séð þáttinn þar sem Fry drekkur keisarann á plánetunni þar sem allir eru úr einhverjum vökva. Svo verður hann nýji keisarinn og það eru alltaf allir að reyna að drekka hann.

Mér líður eins og einhver hafi stungið röri í hnakkann á mér og drukkið alla orkuna mína. Ég hef verið orkulaus alla vikuna. Eins og... hmm.. non-metro-sexual gaur í búðarleiðangri!
Hann Helgi er sem betur fer alveg að bresta á og þá get ég slappað af. Ég veit ekki alveg hvað ég geri af mér.

Kannski ég heimsæki villihamstra stofninn sem ég hef verið að vinna í að koma á fót í Öskjuhlíðinni. Síðast þegar ég hitti þá voru þeir svolítið barnir og blautir og höfðu átt slæm samskipti við kanínurnar í kirkjugarðinum. Var víst hálf leiðinlegt atvik með fíflablað og einhver kom sagði víst óvart brandarann um kanínuna og skógarbjörnin sem voru að kúka úti í skógi.

Kannski ég klæði mig upp í hallærisleg föt og skrifi "GÆS" með varalit á ennið á mér. Þá er fólki alveg sama að þú hagir þér eins og fáviti og sért pissfull um hábjartan dag. Ég gæti komist upp með..... allt! Þetta væri áhugaverð félagsfræði tilraun. Ætli einhver eigi býflugubúning? Mig hefur alltaf langað svolítið að vera áhyggjulaus og fancy free eins og stelpan í "all I'd like to say is that my life is pretty plain. I like watching the puddles gather rain.." laginu.

Gæti verið að ég skellti mér í safaríferð út á land til þess að skoða dýralífið í smábæum hér og þar. Spurning um að tjalda í...
Keflavík: Þá yrði ég að sofa með byssu undir koddanum og passa mig að mynda ekki augncontact við neinn eða gera neinar snöggar hreifingar. Ég yrði jafnframt að gæta þess að kaupa ekkert kók, því að Keflavíkurkók er það versta sem til er á landinu.

eða

Mosfellsbæ: Þá yrði ég að gæta þess að tala virkilega hægt við innfædda og nota engin "stór orð". Þar gæti ég sko fengið besta subbuborgara í heimi líka.

eða

Höfn: Eina sem skiptir máli hér er að grínast ekki með kindur. Það eru allar líkur á því að einhver nálægt þér eigi kærustu sem sé kind.

21.7.04

"- He has a face that looks like it was carved by angels"
Úff.. ég er með svona teenage crush á Lucas í One Tree Hill þáttunum á skjá einum. Ég veit ekki hvað ég hef horft á marga svona þætti og aldrei þótt þeir sérstaklega skemmtilegir. Strákræfillinn er örugglega svona 17 ára...

Nákvæmlega! Ég hata þegar klósettpappírsrúllur snúa vitlaust. Takk hr. Mynd!

Sent með GSMbloggi Og Vodafone
Óskin var ein á íslandi
Hvar er eiginlega allt fólkið? Mér líður eins og ég sé síðasti indjáninn í 10 litlir indjánar laginu. Vinnan mín er næstum því tóm. Meira að segja ritarinn er í fríi. Áðan rakst ég á annan starfsmann. Hvorugt okkar hafði séð aðra manneskju svo dögum skipti þannig okkur var að sjálfsögðu brugðið. Ég var að sækja mér vatn í flösku og hann var á leiðinni í sumarfrí.

Og þá var eftir ein.

Í Veggsporti heyri ég mín eigin fótatök bergmála eftir göngunum og afgreiðslufólkið nánast skriðtækliknúsar mig þegar ég geng inn. Það hefur ekki átt nein mannleg samskipti síðan ég kom síðast og það er ekki með fjölvarip eða internetið.

Hvert fara Íslendingar á sumrin?
Hin "eðlilega" staðalímynd konunnar
Einn dag í mars vaknaði ég og fattaði að í ár yrði ég 23ja. Það er í ekkert sérstaklega hár aldur, en ég fór samt að hugsa. Skyndilega fór ég að velta því fyrir mér hversu hlutfallslega lítinn tíma af æfinni ég yrði ung og mér fannst það allt í einu ótrúlega mikil sóun að líta þá ekki vel út á þessum stutta tíma. Shallow pæling, en mér finnst hún samt eiga rétt á sér. Ég er sem sagt að redda þessu núna. Það hefur meira að segja gengið nokkuð vel.

Í gær rann upp fyrir mér annað ljós (er þetta málfræðilega rétt setning? I wonder). Samkvæmt öllum mælingum er ég núna "eðlileg", en mér finnst það alls ekki þegar ég lít í spegilinn. Þetta var kannski ekkert svo skrítið þegar ég var í alvörunni aðeins of chubby, en núna á þetta í rauninni ekki rétt á sér. "Avarage konur" á mínum aldri hafa fituprósentu á milli 20 - 25%, alveg eins og ég. Ég nota fatastærðir sem flokkast undir "medium". Meira að segja BMI stuðullinn (sem er c.a. það heimskulegasta sem fundið hefur verið upp) er sammála þessu öllu saman.

Af hverju finnst mér þetta þá?
Ég hef ALDREI borið mig saman við anorexíufyrirsætur, enda veit ég vel að það er ekki eðlilegur eða fallegur vöxtur á konum. Hvaða konur er ég þá að bera mig saman við? Þessar í sjónvarpsþáttunum eða í bíómyndunum? Þessar í sundfata-sectioninu í fatabæklingum? Þessar sem eru hengdar upp hér og þar í líkamsræktarstöðvum eða spóka sig í heilsutímaritum.
Guess what! Þær eru ekki eðlilegar heldur. Eðlilegar konur eru ekki með C skálar OG fituprósentuna 15, en það eru konurnar sem mér finnst líta vel út og það eru augljóslega konurnar sem ég ber mig saman við þegar ég skoða sjálfa mig í spegil.

Hingað til hef ég aldrei fattað kvabbið um óraunhæfar fyrirmyndir. Þegar ég var yngri og leit í alvörunni eins vel út og er mér mögulegt, var ég samt ekki ánægð með mig. Í seinni tíð hef ég skrifað þetta á að 16 ára stelpur séu alltaf óöruggar, en það var ekki fyrr en í gær sem ég fattaði þetta almennilega.

Takmarkið mitt er að ná í 18% fitu, sem er í næsti flokkur fyrir neðan "eðlilegur" og flokkast sem "grannur". Þegar ég næ þangað eru allar líkur á því að ég verði heldur ekki ánægð með hvernig ég lít út. Er virkilega búið að heilaþvo kvenfólk svona mikið?
Ég heyri karlmenn oft tala um að konur séu aldrei ánægðar með útlitið sitt. Karlar eru það hinsvegar gjarnan. Er það skrítið? Ég man t.d. ekki eftir einum grínþætti þar sem konan er feit og karlinn fullkominn. Einhverra hluta vegna er það alltaf akkúrat hinsegin.

Núna þegar ég hef gert mér grein fyrir þessum ranghugmyndum mínum get ég tekist á við þær. Ég veit að ég er með óraunhæfar viðmiðanir og þarf að leitast við að finna mér nýjar. Vandamálið er að ég veit ekki alveg hvar ég á að byrja að leita....

20.7.04

Ég hef virkilega lagt mikið á mig við að kaupa þetta og hitt af "internetinu" (fræðiheiti eiga að vera innan gæsalappa) vegna þess að mér finnst svo gaman að fá pakka.
Einhverra hluta vegna fæ ég aldrei pakka nema á afmælinu mínu og á jólunum. Ekki veit ég hvaða fasistaháttur það er í fólkinu í kringum mig. Ég gef oft pakka af tilefnislausu. Gaf t.d. Palla 3 og hálfa dollu af léttkotasælu um daginn, Einari alveg 4 skammta af prótein dufti og Óla frænda blátt og hvítt rör með hálsi sem bognar.
Þess vegna verði ég að gefa mér pakka sjálf. Ermarnar mínar eru hinsvegar ekki ennþá komnar og ég er farin að verða óþolinmóð. Ég kiknaði undan öllu álaginu og pantaði mér meiri pakka í síðustu viku. Tvær bækur. Þessar bækur eru heldur ekki komnar, svo það fer allt að stefna í að euroið verði hlaðið aftur.
Erfitt að vera ég.

Pálmi, uppstoppaða pálmatréð var svo bara bananatré eftir allt saman. Ég hafði bara aldrei séð plastbanana í laufskrúðanum. Einhver í gerviblómalandi hefur farið á sudda fyllerí daginn sem Pálmi var samþykktur í framleiðslu!

Sent með GSMbloggi Og Vodafone
*smjattsmjatt* *teygja úr Óskin* *aaaaaahhh*
Ég svaf alveg 2 og hálfri klst lengur en venjulega í morgun. Var eitthvað svo sybb. Vaknaði ekki fyrr en 8:30, svo ég verð aðeins lengur í vinnunni. Á reyndar eitthvað "inni", en ég kann ágætlega við að hafa það þar. Inni þ.e.
Í dag er nefnilega lóðadagur (mánudagar eru hlaupi OG lóðadagar út af því að Veggsport er eins og kaþólsk skólastelpa og vill hafa LOKAÐ á hvíldardeginum) og það er allt í lagi að lyfta eftir vinnu.

Í gær byrjaði ég að forrita pósk kerfið mitt, og hefði komist tussulangt með það (java og jsp er eins og að horfa á Power Puff girls eftir að hafa haft samskipti við aspið), hefði gluggafyrirtækið ekki ákveðið að láta linkinn á ókeypis útgáfuna af personal edition af MSSQL server 2000 hverfa á dularfullan hátt.
Sjáum til hvenær andinn kemur aftur yfir mig...

19.7.04

Intelli J - Licenced to Ósk
Finnst ykkur þetta ekki hljóma eins og James Bond??
Aaaah.. elsku StrongBad

Hérna er nýjasta geitungabúið okkar. Ég held það sé annað í bakgarðinum. Það þarf enga pössun, en kannski kemur maðurinn bráðum og tekur bæði það og fullt af pening.

Sent með GSMbloggi Og Vodafone

Hanna Dagný (1) og Aron Egill (3) eru í pössun. Við erum systkinabörn.

Sent með GSMbloggi Og Vodafone
Vá. Ég er ekki ennþá búin að finna mér 1 - 2x í viku hobbí fyrir veturinn. Ef þið finnið ekki eitthvað fyrir mig fljótlega, enda ég á vúdúbrúðu námskeiði og þið eigið öll eftir að fá óútskýranlega verki í miltað!
Ef þið ætlið að stinga upp á dansi, verðið þið að stinga upp á danspartner líka! Logi ætlar að flýgja til Ameríkunnar í doktorsnám til þess að komast frá salsatímum okkar (svolítið ekstrím sko.. Ég vissi ekki að ég hefði verið SVONA slæm. Sjálfri fannst mér ég svífa um eins og teiknimyndaprinsessa..) og ég held ég þekki bara ekki aðra dansandi karlmenn.

Chopchop. Koma svo! Finnið eitthvað!!
Ég var ekki fyrr búin að loka augunum og farin að sofa fallega, en helvítis gallup hringdi í mig og krafði mig svara. Andskotinn að hringja í fólk um miðjar nætur (21:40). Ég var svo ónýt að þegar ég tjáði þeim að núna væri virkilega ekki góður tími og konan spurði hvort hún mætti hringja í mig þá seinna í vikunni, að ég sagði... "Það myndi henta betur". WHAT?!? Kona gefur aldrei gallup villidýrunum færi á sér.
Ég hef brennt mig áður á því að treysta þessum afætum og þá varð ég of sein í saumaklúbb (tja.. ekki eins og pussurnar sem eru með mér í saumó séu sérstaklega stundvísar sjálfar.. en það er annað mál). Ég var komin í skóna og á leiðinni út úr húsi þegar síminn hringdi og 12 ára stelpan í á hinum enda línunnar grátbað mig um að svara nokkrum spurningum. Það myndi sko ekki taka meira en 2 mínútur. Með tárin í augunum eftir þessa fallegu bón samþykkti ég tvær mínútur af yfirheyrslu. 40 mínútum seinna rölti ég út í bíl.

hún: Myndir þú segja að næsti bíll sem þú myndir fá þér væri Nissan Almera? Er þetta
mjööög líkleeegt
líkleeeegt
kannski lííkleegt
ekki svo líkleeegt
alls ekki líkleeeegt
eða ólíkleeegt?

Ég: öh.. alls ekki líklegt

Hún: ókay.. en myndir þú segja að næsti bíll sem þú myndir fá þér væri Toytoa Corolla? Er þetta
mjööög líkleeegt
líkleeeegt
kannski lííkleegt
ekki svo líkleeegt
alls ekki líkleeeegt
eða ólíkleeegt?

*Dæs* Svona gekk þetta fyrir hverja einustu bílategund sem flutt hefur verið til lands elds og ýsu og nokkrar sem ég get svarið að hún hefur búið til sjálf on the fly.

Hringdu í mig aftur þegar þú ætlar að spyrja mig hvað mér finnst um ríkisstjórnina, Nammiland, vondu söbbvej melluna eða dove sjampó! Láttu mig vera..

Vinnu nestið mitt í dag. Myoplex diet - súkkulaðibragð, ávaxtasalat (ferskur ananas, perur, græn epli, jarðaber), 2 dollur af létt kotasælu, peru skyr.is, grilluð kjúklingabringa, kartöflur, blómkál, broccoly og blaðlaukur.

Sent með GSMbloggi Og Vodafone

18.7.04

Skortur á samúð gagnvart drottningunni er að buga hana
Óli Lokbrá, einnig þekktur sem Sandmaðurinn, hefur verið að stytta sér leið yfir augun á mér, þegar hann missti allan lúllusandinn sinn. Nú er klukkan bara rétt að ganga níu, en stelpan er samt syfjuð eins og köttur. Kettir eru alltaf syfjaðir (Cat. I'm a kitty cat.. and I... ).

Ég yfirgaf Efstasundið til þess að fara heim til mín að sofa. Pottasvamlandi nágrannarnir virðast hafa frétt þetta í gegnum einhverja af þeirra djöfulegu njósnaskækjum og boðað stórfjölskylduna og sundföt þeirra á sinn fund. Ég get svo svarið það að núna er ættarmót í gangi þarna hinumegin. Einmitt þegar reiði múgurinn er í sumarfríi á Flórída og heygafflarnir í hreinsun. Ömurleg tímasetning!

Ég býð óttaslegin eftir því að reiði, 14 ára, taktlausi og skjálfhenti unglingurinn verði klappaður upp og beðinn um að spila eilítið á trommurnar (ekki veit ég hvað dýrið sem átti húðina, strengda yfir fordæmda trommusettið, hefur gert af sér í fyrra lífi, en það hefur verið verra en nokkur vond söbbvejmella gæti áorkað eh... fyrir hádegi). Kannski eiga þeir líka litla frænku sem kann Írafár diskinn utan af og getur sungið honum til samlætis.

Húsaflugan sem hefur gert sig heimakomna í gluggakistunni minni sýnir heldur enga samúð. BZZZZZZ segir hún hátt og reglulega. Ég get svo sem ekki áfellst elsku kútinn. Húsaflugur lifa bara í mesta lagi í viku og það er svo sem ekkert skrítið að hún hafi mikið að segja, ef hún þarf að koma öllu frá sér fyrir miðvikudag.

Frammi er sjónvarpið á fullu blasti. Einhverstaðar er meitlað í stein, að ekki sé hægt að njóta nýrra græja almennilega, nema að þær séu stilltar á þann hæðsta mögulega hljóðstyrk sem veldur fólki ekki varanlegum heyrnaskaða eða geðveiki.

Þetta lúll á eftir að krefjast geypilegrar einbeytingar og viljastyrks, sem ekki er á færi hvers sem er........

17.7.04


Fullorðið fólk í twister

Sent með GSMbloggi Og Vodafone

Einar með nýja kærastann. Þessi sími hefur ekki farið úr höndunum á honum í allan dag. Alveg eins og þegar ég fékk Ottó!

Sent með GSMbloggi Og Vodafone
Stundum kemur eigin fasismi konu í koll
Ég geng ekki í buxum. Ég á ekki einu sinni buxur nema til þess að æfa í. Ég hætti líka að ganga í nælonsokkabuxum fyrir einhverju síðan (eftir að ég komst að því að ég er nælonsokkabuxnafjöldamorðingi og hæðstu útgjöldin mín voru sokkabuxur) og sleppi þeim oftast, eða geng í bómullar... og ef ég er að fara spari er ég í sokkaböndum eða svona háum sokkum.
Í kvöld er ég að fara í twister partý, svo ég er í pilsi, svona læraháum sokkum og jább.. get this.. blá-köflóttum boxerum. Ég er kannski durgur, en ég ætla samt ekki óvart að sýna saklausu fólki upp í skvísuna á mér þegar hægri fótur á að fara á bláan eða eitthvað.
 
Ég leyfi mér að fullyrða að það er fátt eins plebbalegt eins og að vera í læraháum nælonsokkum (fræðiheiti "thigh-highs") og síðum karlmanns boxerum. Við skulum vona að pilsið haldist niðri.

Palli er orðinn bílamaður í fyrsta sinn! Ég eg svo stolt! Þetta er vagninn... Bíllnn heitir Njáll.

Sent með GSMbloggi Og Vodafone

So true!

Sent með GSMbloggi Og Vodafone

16.7.04


Próteinið mitt er svo stórt að það passar í stólinn hans Óla frænda!

Sent með GSMbloggi Og Vodafone
asp.NET er alveg eins og venjulegt asp. Ömurlegt.
Vá hvað ég er dugleg. Dagur 83. Nú á ég bara eftir einn óhollustu dag og þar með líkur fyrsta prógramminu mínu. Ég er að hugsa hvaða takmörk ég á að setja mér fyrir næsta. Mig vantar ennþá tvö. Þessi er ég með so far;

1. Ná fituprósentunni niður í 18%
2. Komast almennilega í stærð 38 EUR/10 UK/8 US
3. Hlaupa 4 km á 20 mínútna HIIT workoutinu mínu (er núna í 3.3, svo þetta verður svolítið challenge. Þarf að hækka meðal hraðann úr 10 upp í 12)

Einhverjar hugmyndir?

15.7.04

Í gær dröslaðist ég til bjargar Na, sem var ennþá hangandi út úr einum af 10 munnunum á hydru, en þar skildi ég hana eftir síðast. Hún brenndi hausinn af áður en skaðræðiskvikyndið náði að gleypa hana. Hafðu þetta blómapottur!
Ég var að drífa mig svo mikið heim að ég gleymdi 3 og hálfri dollu af létt kotasælu (sem er munaðarvara. Drullukuntubúðir eins og 10-11 og Europris selja hana t.d. ekki), grænu epli og melónu bitum inni í ísskápnum hans litla Pú. Ég held að hann þurfi ekki að versla inn lengur. Ég gleymi reglulega mat í ísskápnum hans ef ég kem í heimsókn.

Talandi um ísskápa, þá hefur elskulegur kærasti minn til rétt tæplega árs loksins gefist upp á tuðinu í mér og tekið til í sínum. Ég þarf nefnilega alltaf að geyma eitthvað í ísskápnum hjá fólki sem ég kem í heimsókn til virðist vera. Alltaf þegar ég opnaði hans blasti við mér sama sjónin. Þar hafði t.d. verið flatkaka í tupperware boxi, sem ég hafði séð síðan í mars á síðasta ári eða svo. Í einni grænmetisskúffunni var poki af kartöflum sem var byrjaður að plotta heimsyfirráð. Það sem hefur líklega ýtt honum af stað var að ég er VISS um að hann hefur vaknað einhverja nóttina við að kjötkássu afgangurinn í bláu skálinni hafi staðið yfir honum með barefli :o) Nú þarf ég ekki lengur að velja minnst ókræsilegasta matinn sem nágranna fyrir nestið mitt!
Jámm.. ég er kúl!
You are GILL!
What Finding Nemo Character are You?

brought to you by Quizilla
Nýjasta snilldar hugmyndin mín er að gefa ekkert nema marga ódýra hluti í körfum. Magnið frekar en gæðin kenninguna þarf ekki að útskýra og fólk virðist vera ánægt ef það fær körfu, með sellófani utan um, alveg sama hvað er í henni. Svo bara er þetta sniðið að persónuleika hvers og eins, eða ákveðnu þema.
Það er líka hægt að gera allt smekklegt í körfu. Flösku af tequela, saltstauk og sítrónur, snakk, hvítar oreos, nammi og kók eða bara fara á shopping spree í Tiger, 200 króna himnaríkinu.

Ef ykkur vantar fleiri hugmyndir, þá er t.d. hægt að gera "afslöppunar körfu" og henda í hana nokkrum kertum, reykelsi, slökunardisk og ilmolíu... eða "súkkulaði körfu" og setja í hana allar mögulegar tegundir af súkkulaði sem finnast í búðum ...eða "skilnaðar körfu" og setja í hana lítið, dautt dýr, skilnaðarpappíra, nýrnabaunir og brúðkaupsmyndir þar sem búið er að klippa hausinn af viðtakandanum.

14.7.04


Best.. *kjamms*

Sent með GSMbloggi Og Vodafone
JEIIJ!! Fólk veit ekkert um gleði fyrr en það nær að brjóta sig í gegnum margra klukkutíma ógeðis villu í .NET!!!
Ég setti helvítis kerfið í vinnunni í gang. Eða. Svo virðist vera. Það kom ekkert high-pitched VÍÚVÍÍÚÚVÍÍÍÚÚÚ í því, en það tók mig svolítinn tíma að setja guðsvolaðann kóðann inn, enda hef ég ekki þurft þess í.. tja.. rúmt ár. Það endaði með því að annar starfsmaður kom mér til bjargar og við vorum viss um að þetta hefði náðst hjá okkur (honum), fyrst að það kvartaði ekkert helvískt. Heyrðu! Svo bara baktalar það mig við skúrítas. Ekkert smá ömurlegt að þora ekki að segja neitt við mig persónulega.

Skúrítas maðurinn kom rétt í þessu í skúrítas gallanum sínum á skúrítas bílnum og skammaði mig. Eða. Hann skammaði mig ekkert. Labbaði til mín og skoðaði upp í munninn á mér hvort ég væri með svarta tungu þegar ég sagðist ekki vera stórvarasamt glæpakvendi. Svo spurði hann mig hvað ég héti og flögraði svo aftur heim í skúrítasland.

Djöfull. Ég og vatnsdælan með fallega bláa takkanum og uppstoppaða pálmatréð höfum myndað bandalag gegn þjófavarnarkerfinu lævísa! Það er augljóslega að reyna að láta kjósa okkur af eyjunni.

13.7.04

Ég: Þessar lakkrískúlur eru ekkert sérstaklega góðar. Það er samt svo gaman að borða þær. Þær eru með svona holu inni í sér og það er svo gaman þegar það tekst að bíta í gegn þannig að þú finnur holuna!
Þetta er svona eins tilfinning og ef þú ert að kreysta svona bólu sem er búin að vaxa inn og það kemur ekkert, og það er ógeðslega vont.. og svo ALLT Í EINU springur hún.
Hann: Þú þarfnast hjálpar!
Natti Nylon-vinur, Natti Nylon-vinur!
HAHAHAHAHAHAHAH
Ég hef svolítið verið að hugsa um límmiðann frá því í gær. Hvort ætli hann hafi verið með eplabragði eða eplið með límmiðabragði....?
Í morgun vaknaði ég og klæddi mig (var meira að segja extra lengi að velja bol), tannburstaði mig og eyddi svo miklu lengri tíma en venjulega í að setja á mig maskara. Svo keyrði ég í vinnuna. Klukkan á tölvunni sagðist vera 3:20. Þá kíkti ég á Ottó og hann sagðist líka vera 3:20. Þá hringdi ég í 155 og jámm. 155 var sammála.
Mér brá svo við að vera mætt í vinnuna um miðja nótt að ég vaknaði.

Ógeðslega svekkjandi að þurfa að klæða sig og tannbursta sig tvisvar á sama morgni.

12.7.04

Oj. Ég var að borða epli og beit í límmiða. Hvaða fáviti setur límmiða á matinn minn?

.Og kolvetnið..

Sent með GSMbloggi Og Vodafone

Ákvað að senda líka myndir af heilsufæðinu mínu. Ég sleppi mér alltaf í að taka myndir af laugardags óhollustunni.

Sent með GSMbloggi Og Vodafone
Ég má vera anal. Ég á bágt
issss.. þessir eru nú ekkert alveg að blíva í java sjálfir. Nota alltaf && í staðinn fyrir &. & hættir að lesa um leið og eitthvað skilyrði er ekki uppfyllt. && les áfram, en skilar sömu niðurstöðu. Frekar pointless.
Úff. Ég er með svo mikla túrverki að allar líkur eru á að ég muni slíta af þér hendurnar og troða þeim ofan í kokið á þér ef þú kemur of nálægt mér.
Vá. Ég man ekki hvenær ég fékk túrverki síðast. Þvílíkar vítiskvalir. Það er á stundum sem þessum sem ég bölva sjálfri mér fyrir að stunda ekki bardagaíþrótt. Ég hefði gott að því að lemja lífið úr einhverjum saklausum einstakling í hvítum búning með litað belti á þessari stundu.
Verst er að ég er ekki alveg í stuði fyrir svona "punkta". Mig langar ekkert að lemja einu sinni á nákvæmlega réttan stað fyrir ofan brisið og gaurinn liggur kaldur. Mig langar að taka tryllingskast á helvítið. Af hverju ætli það sé ekki til einhver divorce-bardagaíþrótt? Eða pína systkini style-bardagaíþrótt..
Heheh..fyndið hvað enginn af mínum vinum á neitt í mig í kvikyndishætti. Ég á bróður sem er bara einu ári eldri en ég og þurfti þar af leiðandi að kunna allan skalann af fantabrögðum. Olnbogi-á milli vöðva á lærinu er magnaður. Líka ritvélin og að ýta ítrekað ofan á augnlokin.

Buntstifte? Hljómar pervertískt

Sent með GSMbloggi Og Vodafone
Ég var að komast að því að ég sökka í gagnasafnsfræði. Mér líður eins og ég sé í svona leiðinda leik með ljósaborði, þar sem markmiðið er að hafa öll ljósin kveikt í einu. Í hvert skipti sem að það kveiknar á einhverju ljósi, slökknar á einhverjum öðrum. Ég HATA þann leik.
Sko mig. Ég hljóp 6.25 km í morgun. Tók venjulegar 20 mínútur af Phillips dæmi og svo 20 mínútur beint á eftir af skokki á 8.4 og 9.4 til skiptis. Ég elska þegar ég hef tíma til þess að bæta við auka brennslu á morgnana. Aðal böggið við hana er að hún er svo leiðinleg. Bara að hlaupa án þess að fikta í tökkunum er ekkert smá boring. Spurning um að fara að hlaða inn lögum á mp3 spilarann minn og taka hann með mér mér til samlætis. Það er annað hvort það eða sokkabrúður sko!

11.7.04

Vá. Ég fór tvisvar sinnum í bíó (og sá Shrek 2 líka 2x. Einu sinni í bíó og einu sinni í sjónvarpinu hans Palla). Hin myndin var Spiderman 2 (með melnum og foreldrum hans Andra Freys.. Ég meina.. Völu og Halla), sem fjallar um hvernig ung ofur hetja tekst á við ný uppgvötvaðan exebissjónisma og þörf til þess að sýna öllum hver leynist bakvið grímuna. Gærdagurinn fór nefnilega bara í eitthvað mók.
Ég get ekki einu sinni byrjað að lýsa því hvað baðstofan í Laugum er ótrúlega flott og notaleg. Hver hefði haldið að einhver hefði þörf fyrir 6 mismunandi tegundir af gufuböðum? Ég var alveg afslöppuð út í gegn bara eftir að hafa dúllast þar. Svo fékk ég bara líka nudd, andlitsbað og fínt. Og Nachos! Það er nefnilega veitingastaður þarna inni. Afslöppunarherbergið er líka æðislegt. Það er fullt af lazyboy, leðurstólum með arineld og slökunartónlist. Ekkert eins og að liggja í lazyboy í síðum slopp. Ég vildi að ég ætti pening til þess að kaupa líkamsræktarkort þarna með "baðstofu aðgangi".
Við vorum svo búin eftir alla þessa afslöppun, að við þurftum að leggja okkur.

Annars er ég búin að eiga tvær ógeðslega lazy alcaholfree helgar í röð. Spurning um að poppa næstu upp. Crypto-Logi bauð mér í twister partý næsta laugardag, fyrir heilum 3 vikum síðan eða eitthvað. Kannski ég partýi mig eða pjásist í útilegu. Ég er alltaf að mjálma yfir því hvað mig langi út úr bænum...

9.7.04


Namms.. Ég get borðað kjúkling og franskar þegar ég vil. Djöfull er ég magnaður kokkur

Sent með GSMbloggi Og Vodafone
Athyglisbrests póskið
Jæja, þá er mín komin úr föstudagsbaðinu sínu (og leifi sér að fullyrða um það að fæstir karlmenn vita hvílíkar vítiskvalir geta fylgt því að skera sig við rakstur! Andskotinn) og situr hér yfir ótalandi Ísland í dag konunni og desktoptölvu heimilisins. Djöfulsins fjós er þetta. Allir þrír heimilismeðlimir eiga ThinkPad með þráðlausu, svo enginn hefur látið sér detta í hug að uppfæra þessa vinkonu lengi vel. Ég ákvað samt að heimsækja hana svo ég myndi missa sem minnst af nýja, fína plasma sjónvarpinu sem ma og pa keyptu í síðustu viku. Einar segir að það sé stærra en íbúðin hans.

Pælingin er að kíkja á annað bíó í kvöld samt. Shrek 2! Vúhú. Það þarf nefnilega að mæta snemma í lúrikúrið svo kona geti vaknað hress og spræk til þess að éta óhollt og láta dekra við sig í 5 stjörnu spa. Mikið andskoti á ég eftir að verða sæt og afslöppuð eftir morgundaginn. Virkilega vond blanda, þar sem að það sjóvgar viðbrögð mín, svo ég get ekki gripið fólkið sem fellur í yfirlið vegna oföndunnar yfir upp-pússaðri ásjónu minni!
....Af hverju ætli fólk sé illa við að vera heitt í hamsinu sínu. Hvar ætli hamsið sé?
Urrr.. Fólki sem finnst það svo eðlilegt að aðrir geri því greiða pirrar mig. Svona pakk sem alveg gapir og gónar ef þú neitar því um eitthvað sem er alls ekkert sjálfsagt og er ekki einu sinni þakklátt ef þú á annað borð reddar því.

Þó svo að ég viti að líf ykkar allra snúist engöngu um mig, ditti mér ekki til hugar að ganga á lagið með það ;o)
Bitra útvarpsstöðva færslan
Það eru þrjár útvarpsstöðvar á Íslandi (reynið ekki að ljúga einhverju öðru að sjálfum ykkur), og þær eru allar vondar.

Radio Reykjavík
Ég hef það einhvernveginn á tilfinningunni að þeir hafi ekki hundsvit á rokki. Annars er ég ekki karlmaður á aldrinum 16-40 eða hvað sem markhópurinn átti að vera, svo það getur verið að þetta sé rokk sem þeir fíla. Auðvitað slæðast inn góð lög þarna inn á milli, en mér finnst þeir bara spila lög sem hafa einhverntímann verið á efsta sæti á einhverjum vinsældarlista, síðustu 30 árin eða svo.
Það er svona.. hmm.. svolítið eins og ef kona fer á dansiball og DJ-inn spilar bara lög af "pottþétt diskó". Það er svolítið eins og eftir að Rob Zombie uppgvötvaði að hann hefði hannað stíl sem virkaði og eftir það voru öll lögin hans nákvæmlega eins.
Ég meiði mig líka þegar einhver reynir að tala. Um daginn hélt einhver maður langa ræðu um hvers vegna það hafði komið svona mikið hljóð fyrir eitthvað lag, og endaði hana á "tæknin gerir ekki boð á undan sér".
What? - Ég var bara að labba hérna.. og svo brást bara allt í einu á með þráðlausu interneti og myndavélasímum. Tæknin gerir sko ekki boð á undan sér!!!

X-ið
Eina radíóið sem... rokkar? Ég skal nú bara segja ykkur það, að ég hef löngum blótað PoppTíVí sem er oft í gangi þegar ég er að flaupa, fyrir vonda tónlist. Það er sérstaklega eitt ógeðisviðbjóða hiphop lag sem hefur farið í taugarnar á mér, enda hiphop subform tónlistar og textinn tilgerðarlegur. Millikaflinn goes a little something like this:
What's your name? What's your number?
I would like to get to know you,
Can we have a conversation?
The night is young, Girl
Give me a chance

So forking what að Cypress Hill sé að syngja þetta? Hafa þeir í alvörunni einhvern tímann verið svalir?? Aaaanope! Um daginn heyrði ég þetta lag á X-inu. Xið er PoppTíVí! Fyrir utan það, að ef eitthvað vont lag er í spilun, þá heyrir kona það 4x á leiðinni heim úr vinnunni, vegna þess að þeir eru með svona 2ja laga playlista.
Jæja, en segjum sem svo að ég hefði brennandi áhuga á tónlistinni sem væri spiluð þarna, þá væri samt ekki nokkur séns fyrir mig að hlusta á þessa útvarpsstöð, vegna þess að mesti parturinn fer í eitthvað leiðinlegt tal.
Ég veit ekki hvort það sé vegna þess að tvíhöfði hætti að vera fyndinn, eða ég hætti að vera fimmtán, en ég get ekki lengur hlustað á það prógram lengur en í 2-3 mínútur. Freysi, sem er í gangi þegar ég fer úr vinnunni er hálfviti. Ég meina ekki hálfviti eins og í ógeðslega rætinn og eadgy. Ég meina hálfviti eins og í "ekki gáfaðari en poppkex". Mér líður eins og ég hafi hrapað um 10 greindavísitölustig í hvert skipti sem ég hlusta á hann. Báðir aðilar draga FM-hnakkann hann Stjána inn við hvert tækifæri.

Skonrokk
Phu-lease! Stúlka þarfnast hliðarskammts af metal, pönki og dauðarokki til þess að vaxa og dafna. Mér líður alltaf eins og ég ætti að fara að vinna í garðinum og blása sápukúlur þegar ég hlusta á Skonrokk. Lögin sem eru spiluð þar finnst mér líka öll næstum því eins. Sum eru alveg tussu góð já. Það heyrist stundum í The Police, Led Zeppelin og fleirri gömlum vinum mínum, en þá eru yfirleitt spiluð nákvæmlega sömu lögin með þeim.
Hvað er líka málið með að setja tvíhöfða þangað LÍKA á morgnana?? Hafa hann bara á öllum stöðvum og líka í sjónvarpinu? Væri það ekki fínt?
Heheh.. ég hélt að spammið mitt hefði náð nýjum, pervertískum hæðum þegar ég las subjectið "Watch me on the can".
Mér til mikils léttis, þá hafði ég mislesið síðasta orðið. Cam.

8.7.04

Merkilegt. Einhver hefur verið að breiða þeim sögusögnum að ég sé áhugaverð. Allavega var ég að skoða yfir síðustu daga á teljaranum, og ég hef ekki séð svona mörg hit marga daga í röð síðan Nagportal var á gamal mátann.

Bleiku sokkabuxurnar lifðu ekki af gærdaginn. Í gærkvöldi, þegar þær enduðu í ruslinu, voru þær bara mörg, samföst lykkjuföll. Ég hefði svo sem geta haldið áfram að nota þær og komið af stað tískubylgju. Ég var bara of þreytt fyrir tískubylgjur í gærkvöldi.
Úff. Ég þarf að stofna nýjan stuðningshóp. Ég virðist ekki geta látið sár á mér í friði. Ég VERÐ alltaf að plokka þau af...
Köttur dagsins
Vonbrigði lífs míns
Formáli: Ég segi stundum að ég hafi aldrei lent í neinu virkilega slæmu. Ég hef líka alltaf haldið að það sé nokkurn vegin rétt. Einhvern veginn hef ég blokkerað þessa minningu úr huganum öll þessi ár. Hún helltist yfir mig aftur um daginn, eins og hitabeltisskúrir....

Þegar ég var lítil gelgja, fannst mér ótrúlega gaman (þá hefði ég samt líklega sagt ógjösssleah gamahhh, því að sem gelgja, máttu undir engum kringumstæðum tala skírt) að fara í tívolíið sem var gróðursett á höfnina.
Þangað fór ég með hjálp gullvagnsins góða, með vinkonum úr fimleikum eða unglingavinnunni.
Fyndið hvað kona eignaðist oft einnota vinkonur á sumrin. Allavega, þá var ekki verra ef tívolísamferðastúlkurnar væru svolítið sætar, þar sem að takmarkið var alltaf eitt. Daðra við bollastrákana!

Stæðsti hlutinn af unglingavinnupeningunum (whopping 120 kall á tímann eða eitthvað) fór í bollana í Tívolíinu. Þangað mættum við, með glimmer augnskugga og von. Þegar græjan fór af stað, brágst ekki að allavegana 2 bollastrákar komu til okkar og stóðu þar kjurrir og snéru okkur allan tímann. Við píkuskræktum og hlógum og svo þegar þetta var búið þá brostum við til þeirra, þeir brostu á móti og fólk í öðrum bollum kvartaði yfir því að hafa ekkert verið snúið.

Við fórum beint út úr bollunum og röltum svolítið um svæðið, þar sem að við vorum sko EKKI á sama plani og hallærislegu desparate stelpurnar sem sátu meðfram tækinu öll kvöld án þess að einu sinni eiga pening til þess að fara í bollana. Oh yeah. We were playing hard to get. Eftir svona klukkutíma af ráfi og spjalli við krakka í kringum okkur (þar sem þetta er gelgju hangout) og fólk sem vann í borgaðufulltafpeningogþávinnurþúkannskilyklakyppu básunum (einn var alltaf að reyna að kenna mér að juggla man ég) endurtókum við leikinn.

Svona gekk þetta í heiðri hamingju, sumurin eftir bæði 8. og 9. bekk.
Eftir 10. bekk, mættum við svo yfir okkur spenntar fyrstu helgina eftir opnun tívolísins. Við settumst í bollana og allt var eins og áður. Þá tókum við eftir því, að allir bollastrákarnir höfðu tekið litla ljóta andurangan afturábak. Þeir voru orðnir allir teygðir, bólóttir, slánalegir og voru alls ekkert spennandi lengur. Eitthvað í okkur dó þann daginn. Við sátum í gegnum ferðina, en píkuskæktum ekkert að ráði. Eitt og eitt svona charity-píkuskrækj. Eftir að græjan hafði stoppað, löbbuðum við niðurlútar af svæðinu án þess að segja orð við hvora aðra.

Ég fór heim og hlustaði á Blur (æi eða eitthvað sem gelgjur hlustuðu á þá) þangað til ég gleymdi öllu um bollastrákana og sorgina sem ég upplifði þennan dag.
Það eina sem var eftir var óútskýranlegt hatur á Tívolíinu við höfnina...
"Lítilsvirtu aldrei þann sem liðsinnti þér þegar þú áttir bágt!"

Ef einhver veit hvaðan þessi setning kemur, mun ég bjóða viðkomandi upp á vanillu próteinshake.
Fyrst ég er byrjuð í heilsubulli, þá hef ég í dag misst nákvæmlega 8 kg á nákvæmlega 75 dögum. Veivei. Það eru ~747 grömm á viku (meira samt því ég tel ekki með vöðvana sem ég hef bætt við líka).
Djöfulsins mega chix verð ég bráðum..
Placebo voru magnaðir. Meira að segja svo magnaðir að abstract.is reis upp frá dauðum.
Ég verð eiginlega að játa að ég hef ekki hlustað mikið á nýjasta diskinn þeirra. Black Market Music spilaði ég hinsvegar í öreyndir á sínum tíma og mér fannst þessvegna miklu skemmtilegra þegar þeir tóku eldri lög. Ég saknaði svolítið big mouth, en ég held að það gæti verið stílbrot að taka coverlög á tónleikum. Ekki viss.

Nú á ég barasta enga miða eftir :o/.. Búin að fara á alla tónleikana.. *sniff* I feel so empty! Tja.. ég á reyndar bráðum flugmiða :oD

7.7.04

Það er eitthvað rotið í Danmerkur fylki
Djöfulsins fáviti var Stefán Hristispjót. Danmörk er ekkert fylki. Danmörk er land eins og England, Frakkland og Skagaströnd.
En já, tilgangur fyrirsagnarinnar var aðeins að sýna ykkur hversu vel ég er lesin (Bæði búin að lesa "Big book of quotes" og "How to be ridiculously well read in one evening" sko..), en ekki halda ykkur á barmi fullnægingar að völdum orðasnilli minnar neitt frekar.
Í stuttu máli var þetta ekki glæsileg myndlíking fyrir eitthvað magnað. Það koma ekki rósir, hvolpar og nýbakaðir kanilsnúðar út þegar ég prumpa. Því miður! Það eina sem er rotið.. held ég... er kjúklingaskinkan sem ég tók með mér í vinnuna. Ég þori ekki að borða hana. Ekki nema einhver sé tilbúinn til að borga mér.. kvah.. fimmtíu kaaaall!!

Bleikasokkabuxnadagur í dag. Það er fátt eins pæjulegt og bleikar sokkabuxur!

Sent með GSMbloggi Og Vodafone
Skyndilega rifjast það upp fyrir mér þegar ég...
...tók 50 armbeyjur í íslenskutíma í 9. bekk, til þess að allir myndu fá að fara fyrr úr tíma.
...klifraði upp himinháa kaðla bara með höndunum í fimleikunum
...hjólaði úr Kópavogi niður í Ármann (108 RVK), fór á 4 klst æfingu og hjólaði svo heim aftur á hverjum degi á sumrin
...græjan í Aerobic Sport sagði að ég hefði brennt 1000 kaloríum á einni brennslutörn

Mér finnst ég ekki vera í svo góðu formi lengur.
Nýjaskyraprufutími
- Kea skyr með bláberjum og jarðaberjum
Mér finnst bláber og jarðaber góð, en flest með jarðaberjabragði vera væminn viðbjóður.
F E G U R Ð
H R E Y S T I
H O L L U S T A
stendur á skyrfilmunni. Þetta á sem sagt að vera fallegt, hraust og hollt skyr. *OPN* Hmm.. lítur ekkert sérstaklega myndarlega út miðað við skyr svo sem. Bara.. fjólublátt og svolítið skilið. Það verður varla sérstaklega hraust heldur eftir að ég verð búin að éta það. Ég held að það að vera meltur fari ekki vel með heilsu eins né neins.

*SMAKK*
Hmm. Mig langar ekki að rífa úr einhverjum augun eftir fyrsta bita. *Borða meira* Oj. Ég fékk jarðaberjachunk upp í mig og mundi eftir ógeðslega jarðaberjajógúrtsbrandaranum. *Klár*

Niðurstaða:
Góð fylling, léttur berjakeimur. Meðalskyr að flestu leiti. Svolítið hlutlaust. Sviss skyrsins!
Fussumsvei hvað kona er háð þessu blessaða interneti. Ég kom í vinnuna kl. 7:40 og það hefur verið ótrúlega erfitt fyrir mig að gera nokkurn skapaðan hlut án google. Elsku google. Elsku, elsku.

6.7.04

fá...vi..ti
Í dag varð ég loksins fullorðin. Í dag get ég loksins séð sjónarmið Kjartans galdrakarls og andúð hans á strumpum. Einhvern veginn hef ég alltaf flokkað greyjið sem vondakallinn og aldrei reynt að setja mig í hans spor.
Ég yrði líka rosalega frústreruð ef ég þekkti hóp af fólki sem væri alltaf í góðu skapi. Líka á morgnana. Ég yrði ekkert sátt ef einhver væri að tala við mig og skipti út öðru hverju orði fyrir "strump". Mér þætti ekkert gaman ef ég hefði verið lögð í einelti alla mína tíð og hefði sætt andlegri misnotkun af höndum móður minnar, og ekki einu sinni þessir aðilar (sem leika sér meira að segja við flugur! VIÐ FLUGUR!!) vildu leika við mig. Ég væri ekkert hrifin af þeirra bóheimsstíl og sveppatrippum alltaf hreint heldur.

Næst þegar ég horfi á strumpana, þá held ég með Kjartani og Esmeröldu (Brandur er sem sagt klæðskiptingur. Heitir Esmeralda upp á enskuna, en breytti um kyn þegar hann flutti til annars lands sem ekki vissi um hans sanna identety)
Vá.. það er allt í einu svo mikið til þess að hlakka til. Ég er orðin svo spennt yfir því að taka annað challange að ég er að pissa í mig. C2, eins og útlendingarnir kalla þetta (ef ég ætlaði að vera tæknileg héti dagurinn í dag C1W11D3. Í gær tók ég HIIT fyrir vinnu og UBWO eftir vinnu. Í dag mun ég taka LBWO. Alveg með língóið á tæru). Samkvæmt útreikningum mínum myndi því ljúka þann 10. október, 12 dögum fyrir afmælið mitt.

Svo er kominn tími til að spara. Við Emúinn eigum eftir að vera spígsporandi um heimaland Haribo (hneygðu þig þegar þú lest þetta!) og hanga í íbúðinni, sem faðir minn hefur lofað mér að ég fái ef ég fer til DTU í masterinn. Það verður yndislegt. Skokka í skóginum í Carlottenlund, slappa af á ströndinni, versla í Lyngby Storcenter og öllum H&Mum sem ég finn, hjóla í góða veðrinu, kannski kíkja í tívolí og bakken og á einhver söfn og bara njóta þess að skatast og vera til.

Svo er það auðvitað dekurdúlleríið næsta laugardag og roleplay í kvöld. Mér er reyndar illa við miðrarviku roleplay. Helgi kemst aldrei fyrr en svona 21, því að hann er að svæfa krakkastóðið, og ég get aldrei spilað lengur en til svona 23, því ég vakna snemma til að gella mig.

Annars eru margir fleiri hlutir sem kæta mig. Bráðum fer ég örugglega í ótrúlegu og fæ að lúrikúra í tjaldi með tjaldpöddum. Allar ermarnar sem ég pantaði mér á internetinu (haldið kjafti) fara líka alveg að fara í póst og koma til mín.
Life is good
Vá hvað Vin Disel er tussu svalur. Það skiptir engu máli að maðurinn kunni ekki að leika, tala almennilega eða labba án þess að hnyka vöðvana. Hann er maðurinn sko!
Riddick er líka myndin. Sprengingar og slagsmál og ofur svalur vinur minn hann Vin.
Piltarnir kvöddust hafa heyrt einhvern mann kvarta yfir því í hléi að söguþráðurinn væri þunnur. Pfff.. að fara á Vin Disel mynd í leit að djúpum og merkingafullum söguþræði, er eins og að fara á kaffi Vín í leit að fersku lofti.

5.7.04

Jeijeijei. Ég á svo æðislega foreldra. Ég spurði ma og pa í dag hvort að íbúðin þeirra í Lyngby yrði laus 10. - 19. ágúst, því að við Einar værum að spá í að fara til Danmerkur þá. Þau sögðust ætla að skoða þetta mál. Svona 2 tímum seinna, þegar ég var á leiðinni í bíó með 2 úr bænarí crewinu, hringdi mamma í mig og hvaðst vilja fá kennitöluna hans Einars (ég kunni bara fyrri partin. Hann er líka alveg eins og hjá Daða bróður, nema endar á 79 í staðinn fyrir 80). Ég hélt fyrst að hún væri að athuga hvort hann væri glæpamaður eða eitthvað, en þá kom í ljós að hún var að panta fyrir okkur flugmiða með frípuntkunum sem hún og pabbi eiga. Við fáum sem sagt "ókeypis" flug og ókeypis gistingu :oD

Nú hef ég alveg heilan mánuð og 5 daga til þess að hlakka til. Ég ætla að byrja strax!
Af gefnu tilefni vil ég koma því á framfæri að ég er í raun hamingjusöm, ung stúlka, tiltölulega laus við biturleika.

Eh... PRUMP!! HAHAHAH
Andskotinn hafi það að Steingrímur J. Sigfúson og Össur Skarphéðinsson séu orðnir mínir fulltrúar í ríkisstjórn Íslands. Ég veit ekki alveg hvernig ég á að höndla þetta mál.
Það er í sjálfu sér ekkert skrítið, þar sem að hlutverk stjórnarandstöðu hefur löngum verið að vera ósammála ríkjandi meirihluta. Núna er fólk sem er ósammála ríkjandi meirihluta með ESB, á móti því að fólk setji íþyngjandi lög og reglur engöngu ætlað til þess að koma niður á óvinum forsætisráðherra, með almennri skynsemi og frjálsum viðskiptum, með stjórnarskrá lýðveldisins og drengilegum pólitískum starfsháttum. Núna táknar það að vera á móti ríkjandi meirihluta að vera hægriflokkur! Í dag er Samfylking vinstri manna er miklu meiri hægriflokkur en Sjálfstæðisflokkurinn.

Í dag blóta ég enn einu sinni öllum þeim sem létu stuðningsyfirlýsingar um stríð geng vilja þjóðarinnar, árásir á málfrelsi og almennan fasistahátt ekki á sig fá þegar þeir settu sitt X við kommúnista-einræðisflokkinn í síðustu ríkisstjórnakosningum. Í dag blóta ég sömu fávitum, sem verða búnir að gleyma öllum þeim skítlegu starfsháttum og athöfnum sem hafa átt sér stað síðustu mánuði þegar að næstu kosningum kemur.
Þegar mér finnst trampað á mínum lýðræðislega rétti æ ofan í æ og komið fram við kjósendur eins og ódýrar hórur, get ég svo sem ekki kvartað. Meiri hluti þjóðarinnar virðist vera svo öskrandi heimskur að þetta er það sem hann vill eyða sínu atkvæði í. Lifi lýðræðið!
Úff. Alveg gæti ég gubbað á fólk sem nennir að eiga sömu samtölin aftur og aftur. Oft eru þeirra input í þessi samtöl meira að segja tekin beint frá einhverju öðru fólki, sem hefur áður átt sama samtal.

Samtal sem ég er alveg komin með fjólubláar af í dag, byrjar á þennan mátann:
"Mikið er ég súr yfir því að Grikkirnir skildu vinna í gær. Þeir spila svo leiðinlegan fótbolta".

Þetta nennir fólk að tala um aftur og aftur og aftur. Ekkert nýtt kemur inn í umræðuna og engin megin niðurstaða næst heldur. Ekki veit ég hvernig sama fólk myndi höndla það ef ég væri að impra á "Mikið er ég glöð yfir því að Charmed sé aftur komið á dagskrá" umræðunni, oft á dag.

Að lokum vil ég bara segja eitt: Spila þeir leiðinlegan fótbolta segið þið? Öfugt við allan... skemmtilega fótboltann þarna úti??
Ég vorkenni stundum litlum ponsum sem kúka alveg upp á bakið á sér. Svo velta þær sér um í þessu, alveg bjargarlausar. Þetta hlýtur að vera virkilega óþægileg tilfinning.
Ég verð eiginlega að spyrja einhvern sem veit meira um þetta mál. Davíð, er það ekki rétt hjá mér? Er þetta ekki óþægileg tilfinning?
Here I go again... catch me if you can!
- Heilsupósk..
Vá. Bara 11 dagar eftir. Mér finnst það eiginlega sorglegt að þetta sé að klárast. Ég er í smá krísu. Ég veit ekki hvort ég eigi að byrja strax aftur á öðrum 12 vikum þegar þessar klárast. Það er ekkert erfitt lengur að vera mataræðisfasisti og það er bara gaman að sprikla í ræktinni 1-2x á dag.
Ég er ekki alveg viss um hvort ég eigi aga til þess að halda þessu áfram án þess að fara alveg eftir prógramminu. Það er merkilegt hvað ég dreg mikinn viljastyrk og hvatningu frá því að kalla t.d. daginn í dag 72/84 í staðinn fyrir bara "mánudag". Það er líka rosalega gott að setja sjálfri sér svona markmið.

Ef ég tæki annað prógram strax á eftir þessu, yrðu þau líka allt öðruvísi. Þau myndi snúa miklu meira að þoli og styrk heldur en kílóa og fitumissi.
Ef ég hugsa um það, finnst mér það fjarstæðukennt og scary að gera eitthvað til þess að hætta að líða svona vel á líkama og sál. Það líður ekki sá dagur sem ég er virkilega ánægð með sjálfa mig og mína litlu, hversdagslegu sigra. Fyrst gengu þeir mest út á það að neita mér um að borða þetta eða hitt og vakna eldsnemma. Núna ganga þeir út á að ég veit að ég hef gert mitt allra besta í lok hvers einasta dags. Ég veit að það er ekki nokkur möguleiki á því að ég hefði geta litið betur út eftir þennan tíma, heldur en ég geri núna.

Hvernig gæti ég tekið allt þetta frá mér þegar ég er á annað borð komin hingað?
Já... kannski að ég snari mér bara í aðrar 12 vikur! Hví ekki?
72/168!
Nú er sko að duga eða steindrepast úr hungri. Kominn tími til að fá 9+ í meðaleinkunn á næstu önn og fá skólagjöldin felld niður. Þau eru komin upp í 99.000 kall á önnina :oÞ
Sagði ykkur að ég væri Ofur-Ósk!
Jæja, þá er mín búin að vakna, taka eina betaLean, bíða í hálftíma, fara í gymið, hlaupa, sturta sig, klæða sig, fara aftur heim og taka til nesti, keyra í vinnuna, logga sig inn og skrifa þetta pósk... og klukkan er 07:43. Hvað hefur ÞÚ gert á sama tíma?? Sofið kannski?? Hmm.. ha??

4.7.04

Þetta var ÓSKaplega góð, laaaazy helgi. Mjög svo gaman og mikil afslöppun og snúllerí. Ég stóð við það sem ég sagði og fékk mér ekkert vín að súpa. Það var svolítið erfitt að fara út að borða og drekka appelsín og vatn með fína, fína matnum sínum. Mér líður samt mjórri nú þegar!
Við horfðum á tvær myndir þennan Helgan.
Mystic River er hræðileg. Það eina sem ég fer fram á er að mér líði aðeins betur þegar ég hef horft á heila bíómynd heldur en áður en ég byrjaði að horfa. Eftir þessa viðbjóðslegu mynd var ég bara tilfinningalegt járnbrautaslys. Það tók mig alveg tvo tíma að jafna mig. Þetta er ástæða þess að ég horfi yfirleitt ekki á dramamyndir. Auðvitað eru til undantekningar. Shawshank Redemption var t.d. mikil snilld, enda endaði hún fallega. Þetta var ekkert léleg mynd, en mér dettur ekki í hug að mæla með henni. Myndir sem láta manni líða illa eru ekkert merkilegar. Það er eins og að borga fyrir að láta einhvern koma illa fram við sig í tvo tíma. Særingamaðurinn!
..eftir þennan viðbjóð fékk ég sko að velja næstu mynd. Mig langaði að leygja Mouse Hunt, en Laugarásvideomennirnir áttu hana ekki á DVD svo að ég tók Lilo & Stitch. Það er aftur á móti filma sem ætti að neyða hvern mann til þess að horfa á. Það er ekki nokkur séns á því að vera súr eftir að hafa horft á hana. *Elsk*

Annars gerðum við ýmislegt sniðugt. Fórum á listasafn, á útsölur (ekki veit ég hvernig ég hef lifað hingað til án þess að eiga bleikan jakka. Það hefur nú verið leiðrétt), átum hvítar oreos og snakk, fórum út að borða, kúrðum, kíktum í mat til mömmu og pabba og tókum bæjarrölt með túristunum.

Næsta Helga getur verið að mig langi í ótrúlegu... :o)

Þessi er nú er svolítið pæjulegur..

Sent með GSMbloggi Og Vodafone

Cat, I'm a kitty cat, and I dance, dance, dance and I dance, dance, dance!

Fór að versla með fallega parinu og svo bara með Hákoni.

Sent með GSMbloggi Og Vodafone

3.7.04


Namminamm..

Sent með GSMbloggi Og Vodafone

Ein af Einarnum mínum líka svo ég sé ekki bara að setja inn myndir af mat eins og einhver plebbi. Rosa fínn Einar líka! Ekki séð þá betri.

Sent með GSMbloggi Og Vodafone

Ekkert sma fínn matur á Caruso!

Sent með GSMbloggi Og Vodafone

Váá flott! Eplapæ á viktor.

Sent með GSMbloggi Og Vodafone

2.7.04


Lætur mig líta meira út eins og keisaraynju heldur en drottningu er það ekki?

GUARDS!! Take him away!

Sent með GSMbloggi Og Vodafone

Svona er hárgreiðslan sem ég set alltaf í mig þegar ég fer í bað með hreint hár..

Sent með GSMbloggi Og Vodafone

Klukkutíma bið. En bjúrókratískt af þeim.

Sent með GSMbloggi Og Vodafone
ÞJÓNN! Komdu með NÝTT vín! Ég er að borga góða peninga hérna
Tók mig til í gær og pantaði dekurdag fyrir mig og minn (inspírerað af dekur-Völu). Það er sem sagt til eitthvað sem heitir Herradekur og er ætlað mönnum sem eru ekki tilbúnir til þess að lofa eigið metro sexuality, við altari bringuháravöxunnar og handsnyrtinga.... Og NEI! Það gengur ekki út á steik, bj og bjór.
Ég henti líka inn í jöfnuna nuddtímum fyrir okkur bæði. Við eigum þetta svo voðalega skilið. Ég fyrir að vera Mistress Ósk, mataræðis sadó-masó drottning og líkamsrækta fasisti, hann fyrir að vera duglegur í ræktinni sinni og duglegur að peppa Óskina sína upp. Ég get barasta ekki beðið eftir því að valsa um í síðum, hvítum slopp og hangsa í heitum potti eða aromathearapy gufuböðum á milli þess að ég fæ handmaska eða andlitsbað. Ég fæ aristókrata velmegunnarstraum niður eftir bakinu bara við tilhugsunina.

Planið var sem sagt að draga hann í þetta á morgun án þess að hann vissi neitt um þetta, og svo semi-fínt út að borða. Ítalíu eða eitthvað.
Það klúðraðist smá, því að fólkið átti ekki lausan tíma fyrir mig fyrr en á laugardaginn eftir viku, svo ég varð að klaga.

Morgundagurinn fer í staðinn í menningu og ómenningu. Við erum að spá í að kíkja á listasöfn og háma í okkur óhollustu. Fara á kaffihús og fá okkur eplaköku og rjóma. Og kók! Og kíkja svo á einhvern veitingastað um kvöldið. Ekki danceing samt. Hann er ekki dansimon.

Ógeðslega uppstoppaða pálmatréð sem hefur örugglega verið hannað fyrir studio-strandaratriði í Bold and the beautiful, en þótti ekki nógu eðlilegt í samanburði við himnatjaldið. Ekkert svo sjokkerandi að það hafi verð framleitt - meira áfall að einhver hafi actually keypt það!

Sent með GSMbloggi Og Vodafone
There is nothing quite like a shitty cup of tea.....
Jæja, ef allt gengur að ÓSKum verður Benjamín Rafn, hestvagn drottningarinnar, ekki lengur syndug glæpakerra í kvöld!

1.7.04

Bad kind of puppy
Nýtt comic komið inn. Verið gáfuð og fattið þetta ;o)
Mjáll er flottasta kisunafn sem ég mun nokkurn tímann láta mér detta í hug! Abbskotinn. Mig sem langaði í læðu. Nú VERÐ ég að fá mér kött sem getur borðið þetta nafn sko..

Já.. og by the way. Ef þið eruð ekki enn búin að sjá þetta kíkið strax. Ég get ekki einu sinni hugsað um þetta án þess að hlægja :o)
Öskr! Ég er búin að taka símanúmerið af Viskuvefnum en engu að síður var ég að fá sms:
Jæja Osk.
útobrgunardagur. útilega HR 2-4 júlí í Hafnarskógi. Miðasala í HR kl 17-20 bara í dag


Er verið að reyna að heilaþvo mig hérna? Með því að spamma mig nægilega reglulega og rækilega, á ég þá að mæta með bros og seðla og versla miða, þar sem þetta er tattúverað í undirmeðvitundina? Svona eins og þegar ég sá póst þegar ég lokaði augunum eftir að hafa unnið í jólatörninni á pósthúsi.

Það væri alveg hægt að fá mig til að borga svona eins og eitt útileguverð fyrir að losna við allan þennan óæskilega fjöldapóst og símastalk!
Samtal af "hinni síðunni" minni:
- Kaldhæðni er öflugur félagi í Ísalandsfordómabaráttu

Hann:
You could get a penguin-walking job

Ég:
That is BRILLIANT! I am sure it would be a nice way to spend the afternoon. Put a little, red leash on good ol’ Snowball and take him out for a nice walk in the rain.
Only two problems. I don’t know anyone who owns a penguin and I don’t think they walk too fast either. I wouldn’t want poor Snowball to wobble himself half to death.
Oh.. and I don’t think penguins with lean tummies make popular mates! I wouldn’t want to contribute to the demise of his social life.

Hann:
...what about polar bears then? They walk down the middle of your streets don't they?

Ég:
Oh of course they do. They stay away from the cities center though, because Santa usually does his shopping there. They don’t get along very well after that whole tedious situation with the elf and the candy cain… Just as well. Before they sometimes sat on the igloo of parliament, and it took hours to fix each time.
They are pretty independent. Usually take themselves for a walk.
Ósks law: Ef það tekur langan tíma að finna vandamálið í forritinu þínu, þá er það eitthvað VIRKILEGA ómerkilegt!
Ekki skil ég hvernig þessi manneskja getur mögulega verið kvenkyns. Einhver sem talar um að það væri auðveldara að selja eitthvað fyrir fyrirtækið ef ég (og ég tengist sölumálum ekkert I might add) kæmi með og væri í stuttu pilsi og myndi brosa fullt, því ég er svo ung, er einfaldlega bara karlremba.
Hún er samt heppin, því að ef þetta hefði verið gaur hefði ég hellt mér yfir hann og stormað út í þvílíku öfga fússi. Ég kann virkilega illa við það ef fólk gefur í skyn að ég sé fáviti sem myndi niðurlægja sig á "standa, brosa, benda" level. Þá gæti ég alveg eins verið valsandi um í bikiníi og hælaskóm... eða galakjól og gúmmístígvélum uppi á sviði á Broadway og keppt í því hvað ég sé sæt.
Gelluvæðing er víst rándýrt fyrirbæri
Abbabbabb. Ég var að lesa að það ætti að skipta út íþróttaskóm á c.a. 6 mánaða fresti. Kominn tími fyrir nýja! Þess má geta að íþróttaskór kosta hátt í hundrað þúsund kall og það virðast oft ekki vera til hlaupagaurar á drésa nr.36. Mörg númer byrja meira að segja í 37,5. Helvítis viðbjóða fólk með tröllalappir sem ræður íþróttavöruiðnaðinum!
Tomorrow I was nothing, yesterday I'll be
Time has fooled me into thinking it's a part of me
Nothing in this room but empty space
No me, no world, no mind, no face

Touch the fingers of my hand and tell me if it's me
Holding on and on to Love, what else is real
A religion that appeals to me, oh
I believe in me

Can you turn me off for just a second, please
Turn me into something faceless, weightless, mindless, homeless
Vacuum state of peace
Ég drekk nefnilega alltaf Myoplexið mitt á morgnana, þegar vatnið er enn heitt....
Það er eitthvað bannfært álagavatn í krananum inni á eldhúsi á minni deild. Það verður aldrei kalt fyrr en eftir hádegi. Alveg sama hvað ég læt það renna vel og lengi. Í krönum annara deilda, seitlar kalt og kætandi Gvendarbrunnavatn, glaðlega út eftir pöntunum.
Mér þætti gaman að koma krumlunum á galdraskækjuna sem lagði þessa grimmu bölvun á vatnið. Skækjunni myndi ég stilla fyrir framan litla húsið á sléttunni og neyða ofan í hana morgunheitt myoplex. Svo myndi ég segja henni hver Keyser Söse væri.