31.3.04

Ef þið eruð ekki í tölvunarfræði, eða skortir áhuga á slíkri, vinsamlegast lítið undan
Heh... Var að tala við bænarí og hann virðist hafa valið nákvæmlega sömu valfög fyrir næstu önn og ég. Aftur. Hann færðist undan þegar ég sakaði hann um copy-pasteisma, svo ég segi þá bara; frábært hvað við eigum mikið sameiginlegt ;o)
Ég valdi reyndar gervigreind (sem er mastersnámskeið. Váh.. ég er svo accomplished) með fyrirvara. Ætla að segja mig úr áfanganum ef hörpunámskeiðið í vor verður ekkert að hrista búrið mitt (er sem sagt að fara á 3ja vikna námskeið í gervigreind í vor líka) og fara í tölvugraffík í staðinn. Væri reyndar geðveikt til í að fara í bæði gervigreind og tölvugraffík í einu út af einu sem Kristján sagði um daginn. Þá gæti ég sem sagt búið til mitt eigið black and white creature :o)

Hitt námskeiðið sem ég valdi heitir Stöðuvélar og reiknanleiki. Það verður gífurlega þurrt, en að sama skapi ógurlega gagnlegt. Ég er að reyna að velja fjölbreytta hluti til að geta fundið betur út hvernig ég ætla að byggja upp masters námið mitt.

Ég hef einhvern veginn ekki alveg fundið mína sérhæfðu línu. Hef reyndar útilokað allt notandamiðað væl og gagnagrunna alveg.

Vissulega hefði það hentað mér lang best að taka einhverja af þessum málstofu áföngum (próflausir), en ég ákvað frekar að bíta á jaxlinn og vera dugleg. Ég er í þessu námi fyrir mig, og ég ætla ekki að sitja undir einhverju óáhugaverðu rusli í heila önn, fyrir eigin tilstylli :oÞ
Drasl... drasl..
Einu sinni spilaði ég The 7th guest. Alveg endalaust var ég í þessum leik. Ótrúlega challanging sumar af þessum þrautum.
Ég kláraði aldrei síðustu þrautina, enda var hún svona viðbjóður sem ég hata. Ég sé svoooo mikið eftir því. Langar næstum því að spila hann allan aftur bara til að klára hann. Eitthvað segir mér að það séu 3 mismunandi endar.

æðéóúþ
Ég veit nú eiginlega ekki hvaðan á mig stendur veðrið .

*pása fyrir fávita til að fatta 5aura brandara*

Bara komin jól aftur, og það um mitt sumarið. Held ég verði að setja bandasandalana og kókoshnetubrjóstahaldarana aftur inn í skáp. Það eina sem kætir mig við þetta, er að helvítis Þresti, háværa fuglinum sem býr í trénu við gluggann minn, á eftir að verða kalt á tánum!
Greip um sig bullandi rómantík í gær hjá okkur.
Kertaljós, rauðvín... og bad boys (I nota bene. Ekki II. Djöfulsins drasl sori er líka II. Hvað er með gelluna sem lendir í árekstri á hraðbrautinni og ekki bara lifir af, heldur er hárið á henni ekki einu sinni messað upp eftir það..)

30.3.04

Lag dagsins hefur verið lag dagsins áður. Það er allt í lagi. Er svo helvíti magnað.
Andskotinn að láta mann læra fag þar sem er alltaf talað um sendanda og móttakanda sem "S og M".. Hvað er verið að gera mér hérna? Eins og DBMS hafi ekki verið nóg!

*pása*

Helvítis blek-klessuprófið hafði rétt fyrir sér. Ég er sóðapervert með kynlíf á heilanum.
Með tímanum verður þetta í raun partur af 'forceinu'. Fólk fer að skynja hvort kók sé einhverstaðar í 50 metra radíus
Kók hefur ekki ósvipuð áhrif á tölvunarfræðinga og tölvunarfræðinema, og blóð hefur á vampírur. Bæði eru þau líka börn næturinnar.
Einfaldasta prófið til þess að athuga hvort einhver sé sannur tölvunarfræðinemi er að athuga viðbrögð viðkomandi við kóki og kók menningu.

Ef manneskjan er með diet kók eða pepsi í hönd, er hún stórvarasöm í kringum tölvur, og án efa í greininni á föskum forsemdum.

Ef andlit viðkomandi hinsvegar ljómar allt upp um leið og kók er í sjónmáli er um að ræða góða, fallega og án efa tölvulæsa sál.

29.3.04

Gráðug tré maður
Fyrir þá sem þekkja mig
- But all you people... listen close
Ég er með dálítið sem hefur verið greint sem prófkvíði með krónískri frestun.
Það lýsir sér þannig að ég er alveg drulluhrædd við próf. Ekki bara próf, heldur allt sem tengist þeim. Ef ég veit að ég er að læra fyrir próf líður mér bara á engan hátt vel. Þessvegna dreg ég það að byrja þangað til að ég á alltof lítinn tíma eftir og verð þar af leiðandi ennþá stressaðari.
Daginn fyrir próf sef ég sjaldnast meira en kannski 1-2 tíma. Gubba stundum.
Í prófunum gleymi ég oft því sem ég kann og man það ekki fyrr en tveimur klukkutímum eftir að ég labba út aftur. Þessvegna fæ ég ace einkunnir fyrir verkefni, en í prófum er ég ekki að dansa.
Að vissu leiti gerir þetta mig ekkert mikið betri en konuna sem var með fóbíu fyrir fjöðrum. (hahaha.. djöfull hló ég að henni)

Ég er ekki ennþá byrjuð að læra fyrir prófin mín og það fyrsta er á laugardaginn. Síðustu 2 vikur hafa bara farið í eitthvað mók og ég hef ekki gert neitt merkilegt þó ég hafi verið búin að gera umfangsmikið og glæsilegt lærdómsplan.

Ég veit að rosalega mörgum ykkar finnst þetta hljóma eins og einhver leiti. Veit ekki hvað oft eitthvað fólk hefur bara sagt mér að fara að læra og hætta þessari vitleysu. Ég held að það sé að vissu leiti (reyndar overstatement) eins og að segja stelpu með anorexíu að fá sér bara að borða.

Ég hef farið á allskonar námskeið og svona. Fór meira að segja einu sinni til sálfræðings í smá tíma. Sálfræðingar eru menn og konur, sem taka við 5500 kalli á klukkutímann fyrir að tala um allt annað en það sem tengist því sem er að manni. Ég vil ekki að borga einhverjum árs þjóðarframleiðslu Færeyja fyrir að segja honum frá því hvað ég á frábært líf og algjörlega sátt við mig sem persónu að öðru leiti......

Kannski eldist þetta bara af mér ;o)
Verkefni dagsins:
"Þegar þú veist að augnablikin verða að minningum, gerðu það þá enn eftir minnilega með bragðgóða súkkulaði drykknum frá Swiss Miss"

Nú er það ykkar að koma með tillögur af minningum sem væru ótrúlega lame ef einhver myndi stiga af og búa til kakó!
Í gamladaga var allt þýtt í sjónvarpsþáttum. Öll mannanöfn og allt. Í dag, þó eitthvað sé talsett, er bara notast við útlensku nöfnin... Áhugavert.. afar áhugavert..
Ég verð alltaf pirruð þegar fólk er svona hálftíma lengur en ég að fatta eitthvað simpúlt dæmi. Mér finnst það vera hroðaleg sóun á mínum dýrmæta tíma að sitja á rassgatinu á meðan það er verið að útskýra eitthvað trivialt fyrir þrem, fjórum blank faced aðilum, með spurningamerki fyrir ofan kollinn.

Meira að segja enn þann dag í dag finnst mér skólakerfi miða við hægasta hugann. Ef dýraríkið myndi taka þessa fáránlegu tilhögun sér til fyrirmyndar, myndu allar antilópurnar hlaupa á sama hraða og Lópi skrýtni, með misstóru lappirnar og asmann... Þær yrðu allar étnar fyrir helgi!
Oj hvað ég hata að úti hlaup. Tilhvers heldur fólk eiginlega að bílar séu?
Bjó til Myndi Ósk hanga með þér próf. Nema hvað að það varð að vera á ensku. Nennti ekki að búa til svona sjálf at the moment, og þessi gaur bauð ekki upp á íslenska stafi. Mér finnst að þið ættuð að taka þetta og tékka!

28.3.04

Damn it feels good to be a gangster
Ég þrái súkkulaði. Hvítt súkkulaði. Dökkt og bragðmikið súkkulaði. Mjólkursúkkulaði. Suðusúkkulaði. Ég þrái súkkulaði.
Mest af öllu langar mig í amerísku súkkulaðibitakökurnar frá Hollandi.. með öllum sínum 37 prósetnum af súkkulaðibitum.

Þess vegna fór ég niður og blandaði saman dollu af túnfisk úr vatni, létt kotasælu og sítrónupipar.

Life sucks.
Ég elskaði gærið mitt. Fór út að borða (bara pizzu reyndar.. en hún var sæt og góð) og í leikhús með Palla. Við sáum "Þetta er allt að koma" eftir Hallgrím Helgason. Ágætis leikrit alveg hreint. Taaaaakk fyrir Óskin, Palli pú :o)
Svo sóttum við abstractið og fórum í partýið sem aldrei varð. Það var bara allt í lagi, því við spiluðum Catan við Loga og Má vin hans í staðinn, en mig hefur langað að prufa það síðan að Dai lýsti því á kommentakerfinu. Það var rosa sniðugt. Langar fullt að spila það aftur!
Butterfly effect
Eat my hurricane Miami
Í dag finnst mér það alveg ótrúlega merkilegt hvað það er í raun auðvelt fyrir sjálfa þig og aðra að hafa áhrif á líf þitt.
Þegar ég var 12 ára og grindhoruð (enda í fimleikum 24 tíma á viku) var einhver stelpa að lýsa mér fyrir annari stelpu og sagði að ég væri lítil, sæt, með sítt hár... og með stóran rass. Ég heyrði þegar hún sagði þetta. Stóra rassa kommentið sökk inn og ég geng ekki enn þann dag í dag í neinu sem er þröngt um bossann, eða dregur athygli að honum á nokkurn hátt. Líklega ein ástæðan fyrir því að ég er alltaf í pilsum.

Þetta er reyndar bara eitt dæmi. Ég hugsa oft um það hvernig lífið mitt væri núna hefði ég tekið einhverjar aðrar ákvarðanir í sambandi við eitthvað sem mér fannst léttvægt á sínum tíma. Ég hefði t.d. geta valið tækniteiknun sem valnámskeið í grunnskóla, komist að því að það ætti rosalega vel við mig... Það hefði svo haft dómínó kubba áhrif og núna væri ég í arkítektanámi.

Hvað ef ég hefði hætt í fimleikum og byrjað að læra söng eða á píanó (hefur alltaf langað það voða mikið. Var aldrei tími fyrir fleiri áhugamál þegar ég var yngri). Það hefði svo átt rosalega vel við mig og núna væri ég í hljómsveit sem æfði 2x í viku og hafði reynt að meika 'ða á músíktilraunum en ekki tekist.

Hvað ef ég hefði ekki gefið fólki sem eru góðir vinir mínir í dag, séns til að byrja með. Eða hefði gefið einhverjum séns sem mér fannst ekki eiga það skilið á einhverjum tímapunkti?

Ég er búin að spá mikið í þessu og niðurstaðan virðist ekki koma þessum pælingum á nokkurn hátt við;

Ég ætla að vera duglegri að hrósa fólki. Ef ég hugsa eitthvað fallegt um aðra, get ég alveg eins sagt það við þá. Ég veit aldrei hvað það getur haft mikil og góð áhrif á fólk til lengri tíma...
Lýðræði er ekkert smá kynæsandi........... þegar maður vinnur
Hvar í andskotanum er byrjunareiturinn?? Mig vantar 2000 kall!
Stóri bróðir er að læra lögfræði í HÍ (blómar og kransar afþakkaðir.. ég hef lært að lifa með þessu í gegnum árin). Um daginn bað hann mig um að kíkja yfir valfögin sem í boði eru fyrir næstu önn, og benda á eitthvað sem mér þætti sniðugt.
Ég tjáði honum réttilega að ég væri röng manneskja í þetta jobb, en hann bað mig engu að síður að skoða þetta.

Eftir að hafa lesið yfir námskeiðin lengi vel, var ég loksins tilbúin til að tjá mig um þetta mál;
"Ég held að þetta væri allt miklu meira spennandi ef orðinu 'réttur' væri skipt út fyrir...... Skúli eða eitthvað!".

Eftir það var ég leist frá störfum.

Mér finnst þetta samt ennþá brilliant hugmynd. Ég reyndar er ekki með hans námskeið fyrir framan mig núna, en á próftöflunni á HR vefnum væri hægt að heimfæra þetta á;
- EvrópuSkúli
- EignaSkúli
- FélagaSkúli
- StjórnsýsluSkúli
- SamningaSkúli
- RefsiSkúli

Seriously.. What's with the réttur?
Ég er að spá í að byrja öll pósk í dag á "Ég".
Ég er blessunarlega laus við það að þurfa að þykjast finnast íþróttir í sjónvarpi vera áhugaverðar eða skemmtilegar...
Ég er svo syfjuð að ég gæti verið köttur. Það gerir daginn í dag ekta dag til þess að éta súkkulaði ís og horfa á teiknimyndir. Murrr..
Ég fell að einu leiti undir steríótýpuna á bitra feminsitanum (jámm, ég er feministi. Nenni ekki að gefa ykkur þetta rant einu sinni enn!).
Það fer lúmskt í taugarnar á mér ef einhver segir eitthvað eins og; "ég skal gera þetta ef þú ferð úr að ofan"..

27.3.04

Drottningin dróg hann Bænarí með sér til þess að spila við tapsára parið (Völu og Halla) í gær. Þegar einhver er nánast farinn að plana hvernig á að fela líkið þitt eftir að hafa bútað það niður með vasahníf er ágætis hugmynd að slappa af á "Á rúntinn með Sigga Sýru" spjöldunum...

26.3.04

Á meðan ég skrifa í blóði note to self um að fara aldrei aftur í háhæluðum, harðbotna stígvélum í danstíma, lýsi ég eftir nýjum löbburum!
Kettling dagsins finnst blóm vera góð.
Hverjum ætti ekki að vera andskotans sama um að foreldrar stelpu sem söng (illa) í söngvakeppni séu að selja húsið sitt?
Það er eiginlega bara eitt sem ég skil ekki í dag. Af hverju eru DV að prenta orð og svona á snepilinn sinn? Örugglega miklu betra að skeina sér með þessu án bleksvertunnar!
Hahahah.. kjáni!
Ég sat í sakleysi mínu inni í læristofunni minni þegar hann opnaði hurðina og rétti mér útprentaða lýsingu með myndum og step by step leiðbeiningum hvernig ætti að taka lyklaborðið af think pad tölvum. Djöfull á ég ekki eftir að fá að gleyma því þegar ég var 2 tíma að púsla hægri pílu takkanum aftur á lyklaborðið mitt.....
Tiger er rétti staðurinn fyrir shopping spree fátæka námsmannsins. Eh.. konunnar. Eh.. stelpunnar. Eh.. Óskarinnar!
Ég er stoltur eigandi tiger sólgleraugna og superbolta (sumir kalla þetta skopparabolta. Veit ekki af hverju ég hef alltaf kallað þetta superbolta.. Kannski því ég er sérstök og spes og frábær. Og Ofur-Ósk. super! Friend of ofur!) með bíl inni í sér. Ég er að spá í að krifja hann og ná bílnum út. Veit ekki hvað ég geri svo við bílinn. Hendi honum eða eitthvað. Hann ætti allavega ekki að húka inni í bolta greyjið!!
Ég nudda ýsu (tvíhöfði sagði þetta back in the days þegar þeir voru ennþá fyndnir) sem raunveruleikasjónvarpsáhorfandi. Hef bara séð EINN þátt af nýju peppersvæn seríunni, og þetta er einmitt gaurinn sem ég hélt með þegar tilgerðarlega bleik-elskandi pirrumellan var að velja sér lífsförunaut. Hún valdi hann ekki vegna þess að hann var svona 10 kg of þungur og með persónuleika.
Annars held ég að samkvæmt þeim þætti hafi reglurnar breyst eitthvað. Fær hann milljón dollara ef hann stingur tungunni á sér ofan í kokið á sem flestum stelpum, sem oftast? Gvööööð má vita hvar þær hafa verið! Kannski eru þær nýbúnar að opna uppþvottavélakubbspakkningar með berum kjaftinum....
Karlmennirnir í lífi mínu
Einar minn kom á miðvikudaginn í súrsætan svínakjötsrétt, trivial, sófalúr og Stuart Little..

Í gær náðuðu Maggi og Palli mig með nærveru sinni og átu þríréttað við kertaljós og dinnermjúsikk. Grískt salat, kjúklingapastaréttur og ávaxta, súkkulaði fondu.

Í kvöld fer ég að dansa með Loga og ég var að spá að reyna að draga Hákon í mat til mín eftir það.

Set pass á hina þangað til þeir biðja mig um að koma út að leika. Sms-spjall doesn't count.
Shift hvað ég ætti að fara í mál við framleiðendur uppþvottavélakubbsins. Þetta er baneitrað helvíti, en samt er hver og einn indivitually pakkaður í pakkningum sem er ómögulegt að opna með berum höndum. Vitiði hvað ég hef oft verið nálægt því að bíta á plastið?? Ég myndi örugglega froðufella og deyja. Svo myndi ég froðufella meira. Svo myndi ég deyja aftur.
Svo er ég svo ógeðslega svikin. Í auglýsingunum í gamla daga var eins og það væri rauður bolti ofan í kubbinum. Þetta er bara rauð bunga. Hálfur bolti í mesta lagi. Ég veit það, því ég hef kroppað hana upp úr til að gá.. OFT!

25.3.04

Til hvers eru neglur, ef ekki til að naga þær?
Fór á fyrirlestur um AI áðan. Læðist að mér lúmskur grunur um að Alan Turing hafi í raun skýrt þetta AL (Al) í höfuðið á sjálfum sér og svo hafa bara allir misskilið þetta.

24.3.04

Fór á rosalegt shopping spree í dag. Keypti mér miða á pixies (hann er nr. 1919.. mér fannst það fínt) og svo keypti ég dove sápu, freyðibað, sjampó, hárnæringu og bodylotion...
Heeeld það hafi samt verið þess virði sko!
Keypti mér nýja snípa áðan. Fékk þrjár tegundir í pakka. Ég held að ég sé búin að finna þann besta....
Hvað gengur fólki annars til með að prenta handa manni huge ábyrgðaskírteini með kennitölu og látum þegar maður kaupir eitthvað svona lítið og cheap??
Ég elska að fá gjafir. Í morgun beið eftir mér umslag frá foreldrunum sem á stóð "til Óskar frá mömmu". Inni í því voru tvö gjafabréf upp á máltíðir að eigin vali á American Style. Við Einar fórum í hádeginu og fengum okkur nautasteikur og með því. Mmmm rare nautakjöt!!! I want to hear it moo!

Svo á ég boðsmiða í leikhús.. er að spá í að fara á Chicago, þó myndin hafi ekkert verið spes. Fékk þá líka gefins frá ma og pa. Palli ætlar líka að taka mig með sem maka á einhverja vinnusýningu á laugardaginn, á nýja leikritið eftir Hallgrím Helgason. Úú.. svo ætlar hann að gefa mér tvo boðsmiða á eitthvað annað leikrit sem honum langar ekki á. Menningin er bara byrjuð að leka út úr eyrunum á mér andskotinn hafi það!

Mér finnst að þið hin ættuð að taka fólk til fyrirmyndar og gefa mér gjafir líka!
Það er næstum þess virði að halda í sér í 2 klst bara vegna þess að það er svo ótrúlega gott að pissa eftir það..

23.3.04

Lífið gengur allt út á ákvarðanir. Núna er ég að ákveða mig hvort mér sé illa við Nóatún í Árbæ (heheh.. nú eru allir gersamlega stunned yfir því hvernig mér tókst að taka einhverja stórmerkilega og heimspekilega þenkjandi setningu og snúa henni yfir á eitthvað svona ómerkilegt. Well.. I'm good!).

Kom þangað inn með fallegan, langan innkaupalista svo ég geti eldað stórmáltíðir fyrir öll sponsin mín næstu daga. Komst að því að einhver vanvitinn hefur ákveðið að breyta búðinni.

Ef einhver ykkar eiga matvörubúð: aldrei.. og ég meina ALDREI færa neitt inni í búðinni ykkar! Vitiði hvað það tekur langan tíma að finna þá aftur? Mig langar ekkert að fara í fela hlut (fór einhver í þann leik sem ponsa? Maður sagði fugl, fiskur eða maður.. Og svo heitur.. kaldur.. ískaldur.. eða sjóðandiheitur) í hvert skipti sem ég færi mig á næsta atriði á listanum mínum.

Af hverju ákváðu þeir líka að súrsæt sósa væri ekki dósamatur eða sósa... heldur "sælkeramatur"? Ég var ekkert smá lengi að finna hana.

Og.. og.. svo var ekki til fjörmólk. Hvernig getur maður ekki átt til fjörmjólk ef maður er matvörubúð?

Áttu reyndar til "létt kotasælu" sem er aðeins 1,5% fita. Djöfull leist mér vel á hana. Keypti 2 dollur.

Helvítis Nóatún í Árbæ..
Pæling: Ef fólki finnst það myndast rosalega illa... Er það bara ekki miklu ófríðara en því finnst sjálft?
Mig langar ekkert að sjá passion of the christ. Biblíumyndir pyrra mig.
Ég gæti gerst pro samlokugerðarkvendi ef ég hefði áhuga!
OOOOJ.. helvítis Palli var búinn að búa copya einhverja mynd í albúminu mínu og skýra hana "nýrnabaunir". Voru 6 manns búin að skoða hana áður en ég fékk að vita af þessu og eyddi henni út!
Vil sko ekki hafa captionið "nýrnabaunir" undir mínu trýni takk fyrir!
You see. All I'm asking.. is for a little respect.. just a little bit.. hey baby!
Ég er stundum með of sterka réttlætiskennd fyrir því sem beinist að sjálfri mér. Ef einhver dissar mig á einhvern hátt bið ég sá hinn sama vel að lifa og tek ekki aftur í sátt fyrr en viðkomandi hefur skriðið í mold og drullu upp Esjuna í rigningu og roki (myndlíking sponsin mín... myndlíking).
Nú er ég að sjálfsögðu ekki að tala um rökræður og skoðannaágreining.
Ég dissa ekki annað fólk og annað fólk ætti damn well að hafa vit á því að vera ekki dónalegt við mig. Mekrilegt nokk hafa flestir í kringum mig annað hvort lært af reynslunni eða bara ekki séð ástæðu til þess að vera leiðinlegir við stelpuna. Fólkið mitt er líka svo voðalega gott :oD

Nú gæti verið að einhverjum ykkar þætti ég vera full drastísk. Þið eruð þá fávitar og.. heheh.. neinei.. bara að hrekkjustríða. Þetta gengur einfaldlega út á að setja skíra línu í sandinn sem ekki má fara yfir. Ef fólk lærir að þekkja línuna mína hættir það að valsa yfir hana á skítugum skónum, og hvað þá enn lengra.
Auðvita tek ég mishart á málum eftir alvarleika þeirra, en ég læt alltaf vita ef mér finnst einhver brjóta á mér eða koma illa fram við mig og vænti þess sama frá öðrum.

22.3.04

Búin að skila framtalinu og skatturinn skuldar mér pening helvískur! Spurning um að leygja handrukkara og ná fénu út úr kvikyndinu sem fyrst... svo ég leyðist ekki út í portkonisma í volæðinu og örbyrgðinni!!
Everybody's ringing my bell
- Hljómar pervertískt huh?

1. Ég opnaði hurðina og fyrir framan mig stóðu tvær skælbrosandi konur. Þær spurðu mig hvort ég trúði því að einhver gæti staðið við loforð sín nú til dags. Án þess að hugsa mig um sagði ég já.
Þá urðu þær hálf vandræðalegar á svipinn og sögðu svo að guð hafði staðið við öll loforð sín (ég átti sem sagt að segja nei). Til þess að sanna sitt mál lásu þær upp úr opinberunarbókinni fyrir mig. Mig langaði rosalega að segja allskonar hluti, en endaði með því að brosa bara og kinka kolli. Svo lokaði ég hurðinni við fyrsta tækifæri með einhverja bæklinga í hendinni.

2. Ég var ný búin að koma mér fyrir þegar bjallan hringdi aftur. Ég var skíthrædd um að vottarnir hefðu gleymt að segja mér frá einhverju. Þar var stödd kona sem vildi endilega lesa á rafmagnið og hitann. Ég leyfði henni það. Fólk verður að eiga sér áhugamál og svona.

3. Andskotinn... voðalega er ég vinsæl. Í þetta sinn voru þetta 2 ponsur sem vildu fá dót á tombólu. Ég átti ekki dót.

4. WHAT?? Sömu ponsur sem að þessu sinni vildu selja mér "dót á tombólu". Hafa tombólur eitthvað breyst síðan ég var ung? Gengur maður nú í hús og snýkir dót... og labbar svo aftur í sömu húsin og selur dótið sem þú snýktir frá nákvæmlega sama fólkinu??
Shift hvað ég elska Mozilla firefox. Ég held ég ætli ekkert að útlista neitt frekar augljósa kosti, en vil þess í stað minnast á themes. Mísa lurvs þíms..
Ég er búin að ganga í gegnum doodle þemað, og er núna á kids þemanu.
Barnalegar teikningar eru svalastar!
Merkilegt að það komi aldrei karlmenn að sýna nærföt á karlakvöldum..
Merkilegt. Bæði á karlakvöldum og kvennakvöldum valsa um léttklæddar yngismeyjar í skimpy nærfötum. Á kvennakvöldum er meira horft á nærfötin þeirra og áhorfendur óska þess að þeir gætu smeygt sér í þau.. og á karlakvöldum reyna áhorfendur hinsvegar að horfa framhjá nærfötunum og óska sér að þeir gætu smeygt sér í....... eh.. Anywho.. Gott veður úti!
I hear hell is warm this time of year
Á laugardaginn komst ég að því að kærastinn minn til 2ja vikna frá því í 7.bekk í grunnskóla sé orðinn samkynhneigður. I blame myself.. Ég ákvað að leita ráða hjá félaga Palla. Hann horfði á mig og skellihló og sagði að ég ætti sko bara að REYNA að komast til himna núna....

21.3.04

Ef ég vil segja þér 4x á innan við sólahring rauðvínsflöskusöguna mína... skaltu bara sitja og hlusta!
tr00.dat™
Don't do the crime if you can't do the time
Andskotinn. Hér með og héðan í frá er ég hætt að reykja þegar ég er að skemmta mér. Var svo mikill sígarettu fnykur af mér í morgun að ég meikaði ekki að fara í fötin mín aftur eftir sturtu. Endaði með því að Einar lánaði mér skjálftabol. Ef það að ganga í skjálftabol er refsingin fyrir þennan glæp, held ég að það sé ekki þess virði!!
Jón Ársæll: .... í þætti mínum í kvöld mun ég tala við konu sem hefur drepið 2 eiginmenn sína...
Mamma: ooog hún er á lausu strákar!
Ég kannaðist ekki mikið við líkið sem horfði yfirlætislega á mig í speglinum þegar ég vaknaði. Ég ákvað samt að hóta því limlestingum ef það tæki upp á því seinna í dag að vera þunnt. Var svo helvíti veiklulegt að það á ekkert í mig!

20.3.04

Ég er ekki túnfiskur!!!
Fer sömu leið og Rammstein..
Fór áðan og keypti mér hackysack. Á leiðinni heim hlustaði ég á a.d.i.d.a.s. og söng með fullum hálsi. Svo fattaði ég mér til mikillar hrellingar að eftir aðeins nokkrar vikur verði þessi tilfinning tekin frá mér á grimmdarlegan hátt.

Ég á eftir að stoppa á ljósum og sjá FM hnakkann í næsta bíl.. í imprezunni sinni, með neon ljósunum og afborgununum.. og hann á eftir að vera með Korn á fullu blasti, á milli þess sem hann hlustar á JT og Britney. Andskotinn hafi það!
Í gær fór ég á kaffihús í Hafnarfirði (turnes out að þeir eru með menningu þar líka) og á Starsky and Hutch með Palla.
Gef henni 4 stig af 5 og 3 bolta. Boltarnir eru fyrir spiffy föt, dreka og bílinn hans Starsky.

19.3.04

Fyrst hugsaði ég að þessi strákur væri heppinn að vera ekki aðeins eldri. Svo fattaði ég að þess mynd á eftir að minna hann á þetta atvik um ókomin ár

já..

og það verða engir páskar í ár

já...

og ég skil þennan ekki því ég drekk ekki kaffi

já..

átsj... vandræðalegt

já..

og vodd.. the fokk
Replay við spam póst:

Kæra Leatrice Beckman
Ég þakka þér kærlega fyrir póstinn þinn, titlaðan All On Stocks. V|c.od|n = v|aGR@ # Vali/u/m = XA/N/Ax .Pntermin. & .Soma. oubzupveclxm.
Þó svo að mér þyki fátt eins traustvekjandi eins og lyfjafyrirtæki sem auglýsir vörur sínar með óumbeiðnum fjöldapóststendingum og skrifar heiti lyfja sem í boði eru á skemmtilega 1337 hátt, verð ég að neita tilboði þínu. Ég hef nefnilega nú þegar skuldbundið mig öðru lyfja fyrirtæki á netinu sem selur einning Vali/u/m og v|aGR@.
Ég óska ykkur þó alls hins besta í framtíðinni.

Kær kveðja, Ósk!
Stundum er rosalega erfitt að vera svona frábær..
Whoopdydoodledo! Við Logi förum í annan salsa tímann okkar á eftir. Fyndið hvað allir verða hroðalega abbó þegar ég segi þeim að ég sé á svona námskeiði. Ég hefði aldrei trúað að í svona mörgum skóm leynist twinkle toes waiting to burst out.

Það kæmi mér alls ekkert að óvart ef eftir þessa 12 tíma væri ég orðinn slíkur snilldar dansari að ég væri beðin um að keppa fyrr hönd lands og þjóðar í fótafimi.
Andskotinn. Nú á ég eftir að fá magasár við að velta því fyrir mér hvernig ég get hafnað þessu gylliboði á kurteisan hátt. Mér finnst salsakjólar svo hallærislegir..

18.3.04

Fátt finnst mér ógeðslegra eða ólistugra en linsoðin eða vansteikt egg. Rauðan lekur út um allar trissur.. eins og gult kömm.
Alltaf, áður en ég borða egg, sting ég þau á hol oft og mörgum sinnum, til að athuga hvort það drjúpi út úr þeim óbjóðurinn. Ef svo er, hendi ég egginu og hnífnum á eftir.
Hey.. það er líklega að koma önnur gella í spilagrúppuna okkar. Þórey Helgafrú er að íhuga að ganga til liðs við okkur! VEI..
Jakvörandskotinn. Ég held að Albert kóalabjörn sé reiður og vilji ekki að ég verði sæt á laugardaginn.
Þegar ég var farin að halda í vonina að bólan á nebbanum á mér yrði farin aftur til hins hníflótta.. virðist ég hafa náð mér í eitthvað ofnæmi. Ég er öll út í rauðum flekkum í andlitinu.
Þetta eru alveg eins flekkir og ég fæ daginn eftir að ég hef drukkið tequila. Trúir mér svo enginn að ég sé með ofnæmi fyrir tequila. Ég sé ekki alveg ástæðuna fyrir því að ég ætti að vera að ljúga þessu. Drasl fólk..

17.3.04

Í kvöld ætlar kallinn að viðra mig.
Stefnum á langan, langan labbitúr í Heiðmörk, Elliðarádal, Fossvogsdal eða einhverjum álíka labbivænum stað.

Stundum finnst mér labbitúrar vera fyrir gamalt fólk í samstæðum peisum og hunda.

Ekki núna samt. Núna finnst mér þeir vera það svalasta síðan boltaísinn sem maður borðaði sem ponsa!
Lasidagur
I've got a bad case of einnkommafimm...
Hahahah..ö er eins og rosalega hissa kall

ö
Ég er með hausverk (svona sem er eins og hjartsláttur í heilanum. Voðalega vont) og fyrirtíðaverki. Vantar einhvern lærðan verk-fræðing til að redda þessu fyrir mig!

Það kemur mér alltaf í koll (tja.. og í... eh.. stelpustaði líka í þessu tilfelli) að vera svona mikill verkjatöflufasisti.
Eftir rannsóknarvinnu niðri í matsal í dag, hef ég komist að þeirri niðurstöðu að lögfræðinemum ætti að vera meinað að bjóða sig fram í einbætti tengdu félagslífi skólans.
Það er sagt að hver feit manneskja hafi granna manneskju inni í sér sem vill komast út. Hver einn og einasti lögfræðinemi virðist hinsvegar hafa étið morfískeppanda....
Væri svo sem hægt að takmarka þetta við að banna þeim bara að halda framboðsræður.
Það er til sykurlaus, grænn frostpinni. There IS a god!

16.3.04

Vá hvað þetta er ótrúlega raunverulegt.
GSM símar... óskilgetið afsprengi vondu söbbvejmellunnar og nýrnabauna..? Ekki aðeins hef ég gleymt hverju einasta símanúmeri sem ég hef nokkurntíman kunnað, heldur er dagbókarfídusinn að vinna í því að ég gleymi öllum afmælisdögum líka...
Þetta er glæsilegt listaverk eftir 14 ára stelpu
Las einhvern tímann einhver Fjallakrílin? Ég held að þokan núna sé af því að einhver gerði eitthvað ljótt.
Á meðan partur af mér syrgir sviplegt fráfall riddaramennskunnar, geri ég mér grein fyrir því að ef ég byggist alltaf við að fá allt, yrði ég alltaf í fýlu yfir því hvað heimurinn væri ósanngjarn.

Samkvæmt rannsóknum eru karlmenn sem flokkast undir skilgreininguna á "gentleman", í afgerandi meiri hluta karlrembur.

Þar sem að ég þekki sjálfa mig... tja.. næst eða þriðja best af öllum, veit ég að ég ætti erfiðara með að þola "staður konunnar er undir eldavélinni, ofan í frystikistunni" kalla... heldur en ég sakna gaura sem vippa sér af hvíta hestinum í einni hreifingu.

Það er kannski þetta sem ég skil ekki við kvenfólkið sem býr í Bandaríkjunum og kemur í sjónvarpinu.
Hvernig er hægt að réttlæta tuð og kvart yfir bágri stöðu konunar og skorti á jafnrétti.. í nánast sömu setningu og viðkomandi segist myndi dumpa gaur á staðnum sem myndi ekki borga fyrir þær reikninginn á veitingastað?

It doesn't work both ways.

15.3.04

Það eru 7 on-line hjá mér núna með X fyrir framan msn nafnið sitt. Án þess að ég vilji á nokkurn hátt meina þetta á tillitslausan máta;... en eru þeir með svona marga Spánverja á msn hjá sér? Sýnir þetta á óskyljanlegan hátt samhug og þá hvernig?
Eru allir að bjóða sig fram í forsetakosningarnar?
Ég skil þetta ekki. Getur einhver útskýrt?
Ég er svo syfjuð að ég get ekki hugsað skírt. Ég er alveg nokkrum sekúntum lengur að fatta hluti en venjulega. Nokkrum stigum frá mínum venjulegu 140. Nokkrum samlokum frá lautarferð. Nokkrum blaðsíðum frá smásögu. Nokkrum semikommum frá forriti. Nokkrum öryggisholum frá windows. Nokkrum.... you get the point.

Með vatn í flösku og epli og skyr í tösku.... Svikin af besta vini mínum.. (mindfucked af google þ.e. Til endalaust mikið af hlutum sem segja eitthvað og öðrum hlutum sem segja akkúrat hinn hlutinn,.. og allt er þetta sannfærandi) þannig ég veit ekki hverju ég á að trúa.. Andskotinn hafi það.. Í dag er ég viðskiptafræðingur
Vísindalegar rannsóknir
Varúð; Stórum hluta ykkar á eftir að finnast þetta leiðinlegt, svo ekki lesa þetta nema þú sért að spá í einhverju svipuðu

Í gær gat ég ekki sofið. Ég ákvað því að gerast vísindaleg varðandi heilsuátakið mitt (sem er einmitt það þrítugasta í röðinni síðan 1. jan eða svo..).
Ég komst að shocking staðreynd. Mataræði skiptir MEIRA máli heldur en líkamsrækt ef þú stefnir bara á að grenna þig. Allavega.. Hérna fyrir neðan er eitthvað af hlutunum sem mér fannst merkilegir og reiknaði út og svona. Þið megið líka taka þessu með fyrirvara. Flest sem ég skrifa er ég með nokkrar heimildir fyrir, en maður veit aldrei :o)


- Meðal kaloríubrennsla á einn km af hlaupi/skokki/labbi eru c.a. 60 kal (náttúrulega ekki miðað við þyngd þína eða líkamlegt ástand, svo það er kannski ekki 100% nákvæmt)

- Í einu kg af fitu eru c.a. 7000 kaloríur, sem jafngildir 7 snakkpokum, fjórum, heilum vínabrauðslengjum, tæplega 8 kippum af miller í gleri eða 1400 sellerí stilkum...
...en tæki 117 km skokk til að ná af sér aftur

- Ef ég æfi ekkert allan daginn brenni ég c.a. 2300 kal. á dag (samkvæmt kaloríueyðslureiknivélum sem ég fann á netinu)

- Ef ég minnka kaloríu inntöku mína niður í að meðaltali 1500 á dag, þýðir það að á hverri viku brenni ég 5600 kaloríum aukalega

en

- Ef ég hleyp 10 km á dag (c.a. einn og hálfur tími miðað við 6,5 km/klst, sem er ágætis skokk) á hverjum degi vikunnar, þýðir það að ég brenni 4200 kaloríum aukalega. Hvort ætli sé meira effort?

- Hámarks áreinslupúls er reiknaður með því að draga aldurinn sinn frá 220. Fitubrennslupúls er sagður vera 60-70% af hámarkspúls. Þetta er hroðalegur miskiliningur, því að maður brennir samt meiri fitu við 75 - 90% álag

- Hér er hægt að sjá basic kaloríuinnihald allskonar matvæla

- Hér er hægt að sjá hvað þú ert lengi að brenna þessu aftur svo

- Hér er einn calorie calculator


....Samkvæmt þessu held ég að ég taki mér pásu frá nammilandi á næstunni.. :o(
Af hverju ertu ekki líkari Þresti? Það eru svo helvíti mikil læti í honum!
Áðan lá ég uppi í rúmi með hálf opin augun. Ég var að reyna að gera það upp við mig hvort ég myndi vera sjálfri mér samkvæm og druslast í skólann. Úti í garði var fiðrað kvikyndi að syngja af sér gogginn.

Það rifjaðist upp fyrir mér að sem ponsa lærði ég að söngur þrastarins á vorinn segði til um hvar hann hyggst gera sér hreiður. Ég blótaði í hljóði. Stefnir allt í að þessi háværa ormaæta muni varanlega gróðursetja sig beint fyrir utan gluggann minn næstu mánuði.

Ég mundi líka annað. Fuglinn sem syngur hæðst er álitinn gæfulegasti makinn af kvenfuglunum. Heheh.. vá hvað ég held að það verði old eftir nokkra mánuði. Alveg væri ég tilbúin að veðja vikuskammti af fuglafóðri að í lok sumars verði kvenfuglabíbíarnir biðjandi til Albert kóalabjörns, að háværa illfyglið muni kafna á orminum sínum og syngja ei meir!

14.3.04

Ef ég ætti kanínu myndi ég setja sokka á eyrun á henni og hlægja að því hvað hún væri kjánaleg.
...Hvað er babb og af hverju er vont að fá það í bátinn sinn?
Drottningin átti þetta líka prýðilega líf í gær. Spilakvöld með Einari, Palla litla, Helga, Þórey Helgafrú, Leif Helgabróður, Grétu Helgabróðurkærustu, bjór gin og tonic.

Ég lærði ýmislegt:
- Sakamálaspilið Kill Dr.Lucky, er framleitt af fyrirtækinu "Cheap ass games". Ég ætla að gefa þeim stig og bolta fyrir virðulegt nafn!
- Það gengur út á að allir leikmenn reyna að drepa sömu lestina
- Það virðist engum finnast það athugavert að vondi kallinn sé lest. Kannski er þetta ógeðslega illgjörn lest. Keyri yfir kettlinga og flytji nýrnabaunir í leikskóla eða eitthvað.

- Það er til fólk sem heldur að Leifur heppni hafi fundið Ísland og Barcelona sé höfuðborg Spánar... en hefur ekki enn keppt í landsins snjallasta!
- Fólk verður súrt þegar það er notað sem props þegar ég leik "sparka" eða "níðast". Hvað kom fyrir að fórna sér fyrir liðið?
- Pör sem hafa verið saman til lengri tíma eiga helst ekki að vera saman í liði
- Jack Nicholman er frægur golfari og það eru til fleiri íslenskir leikstjórar en ógeðistámjóirskór á laugardegi á Felix!
Teljari.is er að kúka í buxurnar. Kemst bara inn c.a. fimmta til sjötta hvert hitt núna. Ef ég væri ekki blinduð af eigin metnaði myndi ég tussast til að gera þetta pósk kerfi sem snöggvast og þar með almennilegan counter....

13.3.04

Jæja.. þetta gengur ekki lengur. Ég fer að breytast í eitthvað whimp ef ég held þessu áfram. Tónlistasmekkur minn undanfarið er farinn að valda mér hugarangri. Ekki að það sé neitt að David Gray, Travis eða Cat Stevens or anyfhing, en of stór skammtur af mellow music getur ekki verið góður fyrir mig.

Nú þarf ég bara að gjöra svo vel að skrifa Guano Apes, Rob Zombie, Pantera... æi bara allt gæðarokk sem ég get fundið á mp3 fyrir Benna og hætta þessum kellingastælum. Hætta í rauðvíninu og byrja að drekka dry black death vodka í drullugu glasi við mannfögnuði. Vinna pening í happadrætti bad ass mótorhjólaklúbbs og fara á punk-goth-subcultural fataverslunina á netinu sem ég fílaði í klessu og versla mér föt....

12.3.04

Well fuck you very much..
Grunnskóla reunion
Í dag, fyrir neðan bréfalúguna, beið mín bréf. Það tjáði mér að nú væru liðin 7 ár síðan ég kláraði grunnskólann og það væri kominn tími til að hitta allt gamla pakkið aftur. Sjálf hef ég ekki haft samband við eina einustu grunnskólamanneskju síðan, að undanskildri Völunni minni (og reyndar núna nýlega honum Einari Val sem er á msn hjá mér... ) og hef svo sem ekkert fundið mig skorta félagsskapinn. Engu að síður tók ég upp símann um leið og ég var búin að lesa snepilinn og hringdi í stelpuna og athugaði hvort hún myndi fá bæjarleyfi. Ég kenni forvitni um.

Eitt er víst að það verður erfitt að fá barnfóstru í Kópavoginum næstu helgi (gæti verið að það losnuðu samt nokkur pláss á Vogi..)!
Í dag er einn af þessum dögum, þar sem að þrátt fyrir öll netprófin, tilmæli vina minna (af hverju halda gaurar by the way að það sé hrós að segja að maður sé ekki stelpa?) eða metnaðarskort kvenlegra eiginleika minna get ég verið sannfærð um að ég sé ennþá tjéddlíng.
Í dag er ég ósátt við allt í sambandi við mitt útlit. Ætli ljótu-feitudagurinn komi ekki til að vinna upp á móti sætudeginum seinasta laugardag? Cosmic balance..? Kemur meira að segja cherry on the top... (bóla á nebbanum)...

11.3.04

Ég bið ekki um mikið
En mig langar að sjá bara EINA lyklakyppu með nafni einstaklings framan á og texta um hvernig týpur þeir sem nafnið bera eru... þar sem textinn segir eitthvað eins og:
- Allir sem heita þessu nafni eru prumpurassar og þeir kunna ekki að reima skóna sína. Þeir munu aldrei haldast í sambandi, en hafa þó kynferðislegar tilheigingar til búfénaðar, sem gæti ornað þeim á köldum nóttum í pappakassanum þeirra...

Tja.. eða bara eitthvað í þessum dúr. Merkilegt hvað allir, alveg sama hvaða nafn þeir hafa, eiga að vera yndislegir og frábærir samkvæmt þessum lyklakyppuskoffínum. Svo eru þær líka vondar því að það er ekki til lyklakyppa með "Ósk" á.

Annað sem ég væri til í að sjá... er mörgæs í súpermangalla. Held það gæti verið glæsilegt...

viðbætt:
Væri líka snilld að sjá kynningamyndbönd frá menntaskóla (í Gettu betur), þar sem ekki kæmu fram orðin "frábært félagslíf".
fallegt
Roses Are Red,
Violets are blue,
I'm a raving lunatic,
HAAAAAAAAHHHH!!!!!
Urrr.. Palli fantur! Ég heyrði ekki í símanum mínum áðan þegar hann hringdi í mig.. og til þess að refsa mér ætlar hann að endurskýra mig í símaskránni sinni. Setja mig undir "recursion", sem er irc-nafnið mitt, sem ég fékk mér til að losna við sóðaperra. Halda allir að ég sé ljótur nördastrákur núna.
Hann allavega hótaði að kalla mig þetta líka in public.. Á skemmtistöðum og svona. Bring it on bitch!! Ég kalla þig bara Pál Guðjón í staðinn! Muahahahw
Mér finnst Law and order - Edgar suit, vera orðinn skemmtilegri en CSI..
Herregud. Æðarnar á handabökunum á mér er ÓTRÚLEGA ólíkar á milli handa... Ég er að spá í að ganga í sirkús og vera skrítna æðakerfisstelpan!
Það er stundum svo sorglegt að sjá alla öfugsnúnu, grátandi kallana í forritunarkóða
);
Malefunction in clothing
Núna skil ég hvernig Janet Jackson leið. Ein ólin á sokkaböndunum sem ég er í er alltaf að losna. Hún er eitthvað forcked og það er næstum ómögulegt að loka henni aftur eftir að hún snappar... *URRRRR*.. Fólk fer að halda að ég sé með blöðrubólgu að vera alltaf að fara svona á klósettið..

10.3.04

Hahahahhahahahaha... Einar sagði að hann væri með samkynhneigða hesta á msn myndinni sinni..
Holland - í úthverfi kaupmannahafnar
Af hverju eru bandarískar kökur og hollenskt súkkulaði kex (guðminngóður hvað það er gott. Chockolate chip cookies með 37% súkkulaðibitum... eins og litlar, bakaðar fullnæingar) á tilboði á dönskum dögum í Hagkaupum (fávitar beygja þetta vitlaust). Væri kannski ekki svo slæmt ef þetta væri ekki allt skreytt með Dannebra..
Ég skil ekki fólk sem sefur í fyrirlestrum. Ekki eins og það sé skildumæting. Það er líka miklu óþægilegra að sofa á hörðum stól, liggjandi fram á hart borð.. heldur en að vera heima hjá sér í rúminu...
Kettir
Hún: Ég svöng
Ég: Ég líka. Ég á bara engan pening. Kannski ég fari út að veiða ketti mér til matar.
Hún: Nei rottur. Þær eru í tísku!
Ég: Já, þá gæti ég líka gert kínverskt
Hún: já mmm
Ég: Æi.. mig langar samt í kisu!
Hún: ???
Ég: Ekki til að borða. Bara eiga.
Hún: Allt út í köttum!
Ég: Já.. en það eru allir með ofnæmi
Hún: Getur sett kattasand í skottið á bílnum þínum og geymt köttinn þar
Ég: EWW nei. Svo pissar hún kannski framhjá
Hún: Gætir bara fyllt bara skottið af kattasandi. Þá er ekkert framhjá
Ég: Ég vil ekkert hafa neina strandarstemmningu í skottinu á bílnum mínum! Svo eru línuskautarnir mínir líka þar.
Hún: Setur línuskautana bara fram í. Svo gætir þú farið í sólbað á sumrin!
Ég: Já namm.. liggja ofan á kattakúk.. Yrði brún bara á nóinu!
Hún: Já!
Ég: Hvar gæti ég svo geymt líkin af fólkinu sem pirrar mig?
Hún: Ah. Nú skil ég þig. Þú færð þér sko engan helvítis kött í skottið!
Ég: Nei. Ég fæ mér sko engan helvítis kött í skottið!

9.3.04

Ég er með stór brjóst í dag
Ég er að reyna að gera ferilskrá. Það er miklu erfiðara en það hljómar. Hvernig á að setja á 1-2 blaðsíður punkta sem eru basicly að kyrja fyrir undirmeðvitund lesandas "ég er frábær.. ráddu mig í vinnu"? Ég vildi að ég hefði verið meira gothic í frumbernsku. Þá kynni ég örugglega eitthvað kukl sem gæti hjálpað mér.
Það er fátt sem böggar mig eins mikið og spurningalistar sem eru gerðir til birtingar á heimasíðum eða í tímaritum... og hafa með spurningu um lífsmottó. Það er hroðalega plebbalegt. Það sem er jafnvel ennþá plebbalegra er þegar fólk skrifar niður hjá sér klysjur eins og "að lifa lífinu lifandi". Lifir fólk mikið lifinu dautt?? Nope.
Fávitar sem hafa þetta að yfirlýstu lífsmottói vita líka minnst um hvað fellst í þessu. Halda að þetta gangi út á að vera geðveikt dugleg að djamma og drekka... því að það er svo kúl.. Svoleiðis fólk er ekki mikið merkilegt.
Jööööss.. Ég náði að hreinsa þennan alveg
Eirðarlaus
Ég hef að nýju hafið leit að áhugamáli sem tengist hvorki tölvum né basic listum. Eitthvað sem ég get stundað af ákafa og áfergju svona eins og eitt, tvö kvöld í viku. Sá hníflótti getur líka hirt þetta slagveður og notað í súpu... Argvítans haust 70% af árinu alltaf hreint. Í svona óveðri fer ég ekki út úr húsi á átta hjólum... íklædd hátt í 500 hlífum og baðandi út örmunum... En samt oozing sexapeal eins og Anna Nichole Smith með fötu af djúpsteiktum kjúklingabitum í annari og sprauturjóma í hinni!

Það sem ég hallast mest að á þessari stundu myndi vera salsa, merenge og cumbia. Suður-amerískir dansar sem að vísu fara fram á að ég hafi karlmann hangandi á hendinni á mér. Passa bara að hann tóneri við fötin mín, þá verður þetta allt í lagi held ég. Minn þykist ekki vera mikill dansari, svo ég hóf leit að öðrum í djobbið. Eins og er, þá kemur einn karlmaður til greina, en hann stefnir á doktorsnám í tölvunarfræði í haust. Það segir mér að hann ætti að geta búið til ágætis algrím úr þessum danssporum og masterað þau á nótæm.

Annað sem ég væri til í, eins og áður hefur komið fram, er kickbox, söngnám, annars konar dans (nei.. ekki súlu fávitarnir ykkar) eða... ég veit ekki. Vantar hugmyndir.. komið með hugmyndir!

8.3.04

Af hverju ætli það sé ekki búið að erfðabreyta banana þannig að hann sé með súkkulaði í miðjunni..
sætar stelpur hafa aldrei hægðir
hahah.. áður eyddi ég eins litlum tíma og ég gat á baðherberginu.. en nýji lyktareyðirinn frá air vic crystal air breytti því..

Fyndið að heyra pena konu segja svona í auglýsingu. I guess her shit smells just as bad!
Djöfull hata ég að það sé frí hjá mér í skólanum á morgun. Hvað gengur þessu fólki til? Heldur það að ég hafi sjálfsaga og eigi eitthvað auðvelt með að mæta án þess að fara í tíma? Hmm..? HA? Væææri ég ekki eins fit og Fjölnir Þoreirsson ef ég byggi yfir slíkum aga? Illa gert.
Hey.. nágrannastrákurinn minn er 22 ja í dag! :o) Happíbörþdeij Ingó..
Eftir miklar pælingar og naflaskoðanir hef ég komist að því að ég þurfi að fara að vingast við einhverjar stelpur. Það hljóta að vera einhverjar þarna úti sem hafa ekki samskipti sem virka þannig að sú sem talar hæðst er sú sem talar mest. Ég nenni ekki að sitja bara og hlusta eins og í saumó, bara vegna þess að ég er ekki týpan til að yfirgnæfa aðra til að komast að. Mér finnst nefnilega gaman að tala.
Ástæða þess að þetta kom upp í hugann var sú að mig vantar alveg svona raunveruleikasjónvarpsvini, og strákar virðast vera í miklum minni hluta raunveruleikasjónvarpsþáttaáhorfenda (lengsta orð í heimi?). Gæti farið í sörvævör/bachelor/whatever hittinga þar sem maður myndi éta opal.. eða sellerí eða hvað það nú er sem stelpuhópar háma í sig á meðan maður tuðar yfir hallærisfólkinu í sjónvarpinu.

Svo langar mig líka í matarklúbb (sem takmarkast reyndar ekkert við pjásur). Hittast allir annan hvern föstudag heima hjá einhverjum og elda geðveikt fínan mat. Kostar ekki meira en svona 1000 - 1500 kall á mann þegar það eru nokkrir saman.
Hvar hefur haribo lífs míns lakkrís sínum glatað?
Er ekkert mellankólísk.. bara listræn!.. og frávita af syfju.
Fann mér eitthvað að gera í gær. Ég keypti leir og bjó til eina skál og tvö skúlptúr heima hjá "getting too old for this shit" á meðan ég horfði á love actually (ekkert spes..) og Jacky Brown (snilld..).... Gaman að horfa á vídjóf á meðan maður er að leira.

7.3.04

Mig vantar eitthvað að gera núna. Sunnudags-inni-activity......

6.3.04

"Svitalyktaeyðirinn sem kveikir í þér"
...ég elska dove, en mér finnst þetta hroðalegt slagorð. Vill einhver virkilega eiga svitalyktaeyðir sem getur breytt manni í blazing inferno on Q?
Vá. Hafið þið einhvern tímann séð svo myndarlega manneskju að þið hafið bara ekki geta hætt að horfa á hana (ætlaði að segja "slitið augun af henni" en vissi að þið mynduð snúa út úr)? Ég starði alveg heillengi þangað til ég ákvað að hætta að horfa í spegilinn. Hahhaha.. neinei.. bara að djóka sko ;o). Ég á samt óneytanlega sætudag í dag. Ætli ég taki því ekki sem merki að ég eigi að halda mér utan húss í dag þangað til að ég fer í mat til ömmu og afa og ég fer svo heim og bíð eftir að 4 stæilegir karlmenn koma í heimsókn til mín með teninga og caracter sheet.

5.3.04

Mikið er ég hrifin af þessari ímyndarbreytingu sem ríkið er búið að ganga í gegnum. Ég fór áðan í Heiðrúnu til að versla mér rauðvín og úrvalið er orðið gríðarlegt. Finnst þetta líka miklu gáfulegri stemmari heldur en lager fílíngurinn..
Jæja.. þetta gekk bara vel. Hundurinn gubbaði ekki í bílinn minn, og ég gat keyrt í gegnum Shellfish án þess að of-brúnir strákar með tribal tattú og í buffaló skóm lemdu mig fyrir að vera með of lítinn spoiler...
Ég og Georg nokkur Finnson, sem oft gengur undir nafninu Goggi, ætlum að skella okkur upp í Benna bíl og taka road trip á Shellfish. Þar ætlar hann að búa á hóteli um stundarsakir. Á hótelinu verða aðrir fjórlappar sem hann getur kannski gelt á..

4.3.04

Mér er ýmislegt til lista lagt, en húsverk eru ekki á þeim.. lista!
Ég á í ströngum samningaviðræðum við þvottavélina. Mér er nefnilega rosalega illa við að þvo þvott þið skiljið. Það fer venjulega þannig að ég fresta því þangað til að óhreinatauið er orðið fullt og farið að flæða yfir restina af herberginu mínu. Ástæðan er þá að sjálfsögðu ekki plássleysi, heldur frekar sú að ég þarf þá að fara að ganga í fötum sem voru aftast í skápnum for a reason.

Þegar ég hafði tjaslað kjálkanum á mér saman aftur, eftir að hann hafði dottið í gólfið þegar ég komst að því að ég ætti heilt þvottavélarými af óhreinum hvítum fötum, datt hann aftur niður þegar í ljós kom að þessi rauðu og bleiku fylla líka heila vél í sameiningu. Það sér ekki högg á vatni á óhreinatauskörfunni, eða eins og ég kýs að kalla hana núna; Inngangnum að helvíti.

Ég fer því fram á að þvottavélin taki meiri þvott í einu, þvoi hann hraðar og skili honum hreinni og þurrari. Hún hinsvegar er ósammála... Eftir að hafa sitið að rökræðum við hana lengi vel hef ég komist að því að hún er þrjóskari en andskotinn og haggast ekki baun. Hvað er líka hægt að bjóða þvottavélum í skiptum fyrir góða þjónustu??
Shift hvað stelpunni er farið að hlakka til sumarsins og öllu sem það hefur í för með sér. Ég get ekki beðið eftir því að geta línuskautast aftur um malbyggaða stíga borgarinnar, þokkafull eins og þjóðverji með mittistösku!
Af hverju ætli hlutir sem séu ekkert sérstaklega góðir á bragðið séu velmegunarmerki? Kavíar... styrjuhrogn... púrtvín.. fílakarmellur.......
Allt í einu er internetið fullt af fólki með dollaramerki í augunum, sem er að reyna að selja miða á Korn tónleikana með 100% álagi eða meira.... Keypti enginn miða fyrir sjálfan sig?
Í kvöld ætlar drottningin að bjóða tveimur háttsettum embættismönnum sínum í mat. Hún ætlar að gera tilraun til þess að gera lasagne í fyrsta skiptið, með dómínós stimplað inn í hraðvalið ef allt fer á versta veg. Hún er reyndar prýðilegur kokkur, en allur er víst varinn góður. Hún brenndi sig líka í gær við eldamennsku stunt (krapp vont. Fékk næst versta brunasár sem ég hef fengið á æfi minni. Svíður ennþá fullt og það er á stærð við fullvaxin rostung. Af hverju ætli þeir heiti annars rostUNGUR? Sumir eru ekkert sérstaklega ungir, og í fleirtölu eru þetta rostUNGAR og ég get alveg sagt ykkur að þeir líta EKKERT út eins og ponsu-fuglabíbí) og stoltið særðist...

Kannski verður þetta besta lasagne í heimi... og ef ekki verður þetta allavega ekki verra en 1944!
Í nótt kl.5 dreymdi mér að uppáhalds manneskjan mín í öllum heiminum hafði verið laminn til dauða. Ég fékk svo mikinn hjartslátt að ég hrökk upp og svaf ekki meira þá nóttina. Kannski ekkert meira næstu nótt heldur. Hefði hann ekki legið við hliðina á mér nákvæmlega þá stundina hefði ég þurfað á áfallahjálp að halda...

3.3.04

Vægðarlaus tískan hefur hrundið saklausum, heilatómum og vonandi sjóndöprum stúlkum út í að klæðast stígvélunum sínum utan yfir buxurnar, ekki ósvipað og gúmmístígvélatíska leikskólabarna.. That's just mean!
Pabbi minn er 44 ára í dag. Skrítið að eiga svona gamlan pabba. Ég held að það þýði að maður sé nú enginn vorkjúklingur sjálfur..
Mér verður það æ ljósara með hverju árinu sem líður að ég á mér í raun þrjá persónuleika. Einn persónuleikinn er ennþá fimm ára, en annar persónuleikinn er tölvunörd sem hatar viðskiptafræðimellur sem tyggja tyggjó með opinn munninn.
Eftir áralangar samningaviðræður hafa þeir deilt bróðurlega á milli sín helstu ráðandi hlutum tilveru minnar. Þessvegna er ég að safna teiknimyndum á DVD og uppáhalds blómin mínu eru túnfíflar. Þessvegna spila ég tölvuleiki langt fram eftir nóttu og hlakka til að fara í hörpunámskeið í gervigreind.

Sumum hlutum ráða þeir saman. Það er líklega ástæða þess að ég geng með alla roleplay teningana mína á mér af staðaldri, og ég bjó til if lykkju screen saver á símann minn... Sama ástæða og að mig langar rosalega til þess að tæknilegó verði nýja hobbíið mitt. Smíða allskonar gadget og jafnvel reyna að forrita fyrir þau einhverja hegðun.

Þessi fimm ára, á það til að brjótast upp á yfirborðið og taka yfir með frekjulátum. Það er líklega þessvegna sem ég byrja stundum að dansa án þess að hafa tónlist... eða finnst allt í einu rosalega gaman að hoppa. Eða verð feimin við fólk sem ræðst inn á personal spaceið mitt án þess að vera boðið þangað.

Þegar tölvunördið tekur yfir fer ekki eins mikið fyrir því. Þá sit ég yfirleitt eða ligg og hugsa um einhverja brilliant hluti sem mig langar að gera... eða les um hluti sem flestum öðrum myndi þykja óáhugaverðir....

Þriðji er svo mellódramatísk listaspýra sem á það til að hella sér ofan í ákveðið form sköpunnar. Bræða vax, mála, teikna, skrifa texta eða lög, syngja eða föndra. Það fer minnst fyrir þessum persónuleika. Hann tekur aldrei yfir í public, en heldur sig fyrir luktum dyrum.

Eftir að ég hef komist að þessari niðurstöðu hef ég ákveðið að reyna ekki að útrýma neinum persónuleikanum. Er ekki frá því að ég sé hrifin af þeim öllum, þó þeir myndu örugglega ekki hanga mikið saman ef þeir væru 3 mismunandi manneskjur.
Mig langar svo í kisu, en kisur eru með flöff utan á sér sem c.a. allir í famelíunni minni eru með ofnæmi fyrir. Þessvegna er ég að velta því fyrir mér... að eðlur séu ekkert svo ólíkar köttum, nema að því leiti að þær hafa ekki flöff heldur plast. Gæti ég ekki alveg eins fengið mér stóra eðlu, klætt hana í kasmír peysu og bundið ramagnstannbursta við bakið hennar fyrir mal. Held að enginn myndi taka eftir nokkrum mun!!
Ég held að það sé ömurlegt að vera annað af þessum tveimur blómum sem ég á. Vera rosalega þyrst og horfa á rigninguna úti í gegnum gluggann. Ég gef þeim að drekka á morgun. Ég lofa!
Ég held að "Brúðkaupsþátturinn Nei" væri öllu áhugaverðari en "Brúðkaupsþátturinn já"
Djöfull eru litlir krakkar vitlausir. Fuglar líta EKKERT út eins og M!!!

2.3.04

Fann þetta hjá Dagnýu. Mínar niðurstöður;

Your subconscious mind is driven most by Sexuality (go figure..)

What this means is that when your unconscious mind sees an opportunity to remind you of your sexual desires, it takes full advantage of it. Because of this, things that have very little sexual content or that seem sexually neutral to others, may register as sexually charged to you, at least on an unconscious level.

Your unconscious mind recognizes the value of sexuality. The reason it may do so, is because of a deep-rooted fear of the opposite — living a life that is numb to sexual desire or is turned cold by it. You unconscious mind may be trying to avoid this sexual dullness, and so it reacts by swinging to the opposite extreme, strong sexual desire. By sending you these sexual messages on a regular basis, your unconscious makes sure you don't forget about sex.

If you view your sexual desire with a positive attitude, you can welcome the vitality and strength sexual thoughts can bring into your life. This would allow you to honor the drive your unconscious has chosen to be an important focus for you. It is a message that you are very much alive, and have a great deal of passion to bring to life.

Yup.. ég er horny little bugger
Pæling: Fær fólk oft flösu á AXLIRNAR??
Þegar ég var lítil stelpa fannst mér ekkert athugavert við það að vera samtals 24 klst á viku í fimleikum (var í fríi á sunnudögum sko). Í dag finnst mér ég vera rosalega dugleg ef ég eyði samtals 5 klst á viku í jimmy. Ekki nema von að ég hafi verið í betra formi þá :oP..

1.3.04

Maðurinn á sprellanum var kosinn út úr sörvævör 10.000; - Það hafa allir spilað svo við þurfum að endurvinna keppendur og staðsetningu.
Ég persónulega held að það hafi verið vegna annarar af eftirfarandi ástæðum:

1. Hann veiddi svo mikinn fisk. Einhverri af þessum pjásum sem voru föst á eyjunni með honum og hélt að hún væri á heilsuhæli var sagt að fiskur væri ekki grænmeti og hún var grænmetisæta. Líklega vegna þess að Whitney Huston mætli með all-herbal-kúrnum sínum til að grenna sig og hún hefur miskilið hvað hún átti við....

2. Það hlýnaði nægilega mikið til þess að gaurarnir gætu séð að hann var ekki nakin gella og öllum leið eins og úr atriðinu þarna í Crying game (Ace Ventura fyrir hina sem vita ekki).
Þegar ég var að kaupa rúmið mitt heyrði ég landsfrægan söngvara, sem lá í næsta rúmi með spússu sína sér við hlið, segja við sölumanninn sinn; "Við verðum eiginlega að prufa að elskast í þessu rúmi áður en við ákveðum hvort við viljum kaupa það".

Þetta var svona "I don't want my ears anymore" moment.
Einu sinni fannst mér fyndið þegar subway auglýsti eftir ferskum starfskrötum. Núna langar mig bara að gráta.
Ég er búin að drekka mikið kók síðustu daga. Ég veit þetta vegna þess að taskan mín er að yfirfyllast af broskallaplasti úr 1/2 plast kókflöskunum. Ef maður safnar saman 5 stykkjum af slíkum brosandi andlitum (einn kom með pælingu um hvort Icelandair yrðu nú ekki að fara í mál við kók líka, fyrir að nota broskalla í auglýsingaskyni) og fer með þau í sjoppuna á Patreksfirði eða e-ð.. þá fær maður aðra broskallakók að launum. Markaðsvirði broskallana er því á milli 23 - 30 króna hvorki meira né minna. Sem fátækum námsmanni óar mér við þeirri tilhugsun að henda slíkum fjármunum...
Note to self: Alveg sama hvað mér finnst það góð hugmynd at the time, þá er EKKI sniðugt að vaka til kl. 5 til þess að spila Black and White... þegar maður veit að það þarf að vakna snemma daginn eftir og gera scull-fuck verkefni í skólanum..

Fyrir þá sem þekkja til, þá valdi ég creatureið mitt sem kusu.. því mér fannst það svo fyndið. Hún heldur að hún sé angelic og okkur báðum finnst það rosalega sniðugt þegar hún hendir kúknum sínum í grandlausa þorpsbúana.