9.11.04

Hann: Flott mynd. Þú lítur út fyrir að vera sæt á henni

Væri ótrúlega fallegt og gott hrós ef þetta kæmi ekki frá einum af mínum bestu vinum. Hann meinti þetta samt vel. Var ekki að segja að ég væri ljót venjulega.

Ef mynd af einhverjum er góð.. er hún þá betri en fyrirmyndin? Er þessi mynd sem ég er núna með á msn betri en ég? Er hún kannski sitjandi í sínum ógeðslega tvívíddar heimi, bullandi hamingjusöm í sjálfboðavinnu fyrir göfugan málstað og á herbergi sem er ekki allt úti í drasli? Er hún glöð? Og ekki svöng eða með prófkvíða? Og á hún kannski eitthvað að borða? Og setur hún kannski ekki "og" á eftir spurningamerkjum og punktum því að hún er með málfræðireglur drjúpandi út um öll vit.

Eitt er víst.. Hún er svo góð manneskja að hún hefði ekki skrifað ljóta örsögu eins og ég gerði hérna fyrr í dag. Svo virðist vera að fólk þarna úti sé almennt ekki listrænt þenkjandi. Eða almennt þenkjandi. Æi fuck off. Ég má vera bitur þegar ég er bitur!
Orðtakið var sem sagt "hláturinn lengir lífið". Stelpan vildi ekki deyja... þess vegna hló hún.

Engin ummæli: