2.6.04

Magnað. Alveg magnað
Varúð: 90% ykkar á ekki eftir að nenna að lesa þetta út í gegn
Í gær fór ég í EAS (kallast víst Kays og er vörulisti. Þeir eru umboðsaðilar EAS) sem þykist vera í Garðabæ en er óvart í Hafnarfirði. Ég skal bara segja ykkur það.. að ef ég þarf að keyra í gegnum hálfan Hafnarfjörð til þess að komast einhvert... og göturnar við hliðina á eru allar í Hafnarfirði (if it looks like a duck and sounds like a duck..)...
Illa gert að plata mig svona. Ég hélt að ég væri að skreppa rétt út fyrir bæinn.. Hefði ég vitað þetta hefði ég annað hvort ekki farið, eða tekið með mér nesti og svefnpoka.

Tilgangur ferðarinnar var sem sagt að versla mér svona fitumælingagræju. Aðalega vegna þess að ég vil svekkja sjálfa mig og sjá að þrátt fyrir að hafa tapað 36,5 cm síðustu 38 daga, þá er ég ennþá alltof feit. Kvenmaðurinn í mér sko! (Tja.. eða helsta hugsunin á bak við þetta er að sjá almennilega hvar ég stend og fylgjast með árangri á næstu 6 vikum. Ég er hætt að hlusta á vigtina. Hún veit ekki neitt. Hún bara heldur að hún viti það.).
Helvítis maskínan var svo bara uppseld. Ansansári!

Ég var ekki búin að keyra alla leið að enda veraldar (IV65536 muniði!) án þess að kaupa mér eitthvað. Fjárfesti því í gífurlega sniðugu málbandi og því sem ég hélt að væri þessi bók, en var svo bara þessi bók (en þegar hann kom til díngalíngalíng, þá lærð'ann bara díngalíngalíng).

-- Er einhver ennþá að lesa hérna? Magnað..

Bókin sem sagt sagði mér hvernig BetaLean, sem ég hef verið að taka með kickass árangri virkaði. Djöfull er það merkilegt:
1. Ég gleypi í mig tvær svona, hálftíma fyrir æfingu
2. Þær fara svo í fituforða líkamans, brjóta hann upp og sleppa honum lausum í blóðið
3. Ég fer og geri tilraun til þess að drepa mig fyrir aldur fram á hlaupabretti
4. Líkaminn þarf ekki að fara langt til þess að sækja þessa auka orku og brennir henni því eins og Paris Hilton brennir seðlum..

Ef maður myndi hinsvegar jappla á þessu og hreyfa sig ekki neitt, þá færi þetta bara allt aftur á sinn stað.

Allavega. Eftir að hafa blaðað í þessari bók, þá er ég á leiðinni að kaupa mér CLA líka..

Engin ummæli: