2.6.04

Í dag er einn af tveimur dögum á árinu sem ég hata ekki LÍN. Mmmmnámslán. Ég fékk alveg 18.000 kalli meira en ég hafði vælt út úr bankanum síðustu önn. Það er ýmislegt hægt að gera fyrir 18.000 kall.

- Það væri t.d. hægt að kaupa 128 dollur af létt kotasælu eða fjögur kíló af harðfisk.
- Það væri hægt að bjóða kallinum í tveggja nátta gistingu, með þríréttaðri kvöldmáltíð bæði kvöldin á hótel shellfish, með hjálp einkaklúbbsins...
- Það væri hægt að fá tveggja manna herbergi með baði og inniföldum morgunmat í 3 nætur á einhverju af 10 fosshótelunum úti á landi, með hjálp hugvits-tilboðs
- Það væri hægt að láta gelgju draum minn um litaðar linsur verða að veruleika. Fjórum sinnum!
- Það væri hægt að skella sér í dekurdag, sem inniheldur ekki að rífa allt hárið á líkama mínum upp með rótum

Tja. Það væri hægt að gera allan skrambann.

Engin ummæli: