30.9.03

*úffpússmúff* Við kjánamon erum búin með fyrstu 16 þættina af 24. 8 to go. Þetta er alveg hroðalegt dóp. Við horfðum síðast á téða þætti á sunnudaginn og núna er ég búin að vera alveg frá í allan gærdag og í dag. Ég er búin að kreista út úr téðum Einari (téður er orð dagsins í dag.... kenna fávísum og málhöltum lesendum með lítin orðaforða eitt orð á dag... how does that sound..??) loforð um að leygja annan 24 disk á eftir.... *kreist* ...
Yup... they're all broken! (Palli).
Ég hef aldrei fattað almennilega þessa subhumantendensa að safnast saman eftir próf og tala um hvernig fólk svaraði þessu eða hinu. Hvurn andskotann skiptir það máli hvað þessi eða hinn heldur að sé rétt? Kemur þetta ekki allt saman í ljós þegar maður fær prófið í hendurnar..??
Ég vil bjóða lesendur utan Háskólans í Reykjavík velkomna aftur. Síðan er komin aftur í stuð utan skólans!! Vúhú!

29.9.03

Á miðvikudaginn verða 22 dagar þangað til að ég verð 22ja. Þið eruð alveg á síðustu stundu með að ákveða hvað þið ætlið að gefa mér í afmælisgjöf..
Niðri er verið að múta fólki með drykkjarmjólk til þess að skrá sig á einhvern lista hjá Hreifingu. Veit ekki hvað þessi listi gerir en note to Hreifing:
Ef það á að múta fólki.... endilega notið eitthvað meira djúsí en drykkjarmjólk
These prezles are making me thirsty!!
Hin nýja ég, sem stundar slökun á hverju kvöldi og reynir að efla einbeytingu og anda gerði ekki ráð fyrir túrverkjum. ÁI! Ááááávi!! Hvernig í andskotanum á snót að geta einbeitt sér fyrir þessum bévítans kvölum? Er ekki andskotans nóg að það sé að blæða út úr skvísunni..? Þarf líka að kvelja mig með sársauka og fantaskap??
Ég ætla að fara með Emmu til læknisins í dag eða á morgun. Ekki nóg með að einhver hálfviti hafi slitið af henni space takkann, þrátt fyrir að hafa verið 2 og hálfan tíma að pússla saman hægri pílutakkanum í síðustu viku, og sá hinn sami hafi ekki náð að setja hann rétt á aftur, heldur er stelpan líka að neita að gúddera CD drifið og með einhverja tendendsa til þess að frjósa allt í einu.
I worry.

28.9.03

Mér er illa við fólk sem segir:
- súttlaði, í staðinn fyrir súkkulaði
- rúmm, í staðinn fyrir rúm
- morgumm, í staðinn fyrir morgun

26.9.03

Ég held ég hafi séð hér á göngum skólans í gær, gamlan íslenskukennara úr verzló. Þetta var með betri íslenskukennurum sem ég hef haft, en ég samt skalf ég á beinunum og kom mér út með hraði. Þetta er sem sagt ein af þessum manneskjum sem er alltaf hress. ALLTAF. Líka á morgnana.
Þetta var svona 8. eða 11. undur veraldar or sumfin. Hún setti í gang hroðalega orkusugu og stal allri orku frá nemendum og notaði hana sjálf..........

25.9.03

Hvaða illska er það eiginlega að taka svona oft viðtöl við íþróttamenn? Fer enginn að segja mér að meðal fótbolta/handbolta/körfubolta maðurinn stigi í vitið...
Af hverju er alltaf verið að gera fólki eins og Gunnari í Krossinum hátt undir höfði? Það er alltaf verið að fá þennan fordómafulla þvermóðsku kall í viðtöl og verið að biðja hann um álit á þessu og hinu. Ég held að það væri best að vera ekkert að hringja hann út og reyna bara að hunsa bullið í honum þegar hann reynir sjálfur að trana sér fram.
Jæja... Jæjajæaja. Jæjajaæjaæjaæjaæjajæa. Haha.. jæja.

24.9.03

Jaseisei. Ekki nema von að Palli sé vinur minn :o)..
Ef ég væri gaur myndi ég vilja giftast mér. Ekki bara finnst mér ég vera með góðan smekk á öllu sem mér kemur til hugar, heldur get ég líka skipt um bremsuklossa, tengt græjur og komið hægri pílu takka aftur á ThinkPad lyklaborð á undir 2 tímum! Svo elda ég líka listavel og á ekki í nokkrum vandræðum með að klambra saman húsgögnum. Það er alveg eins og kindereggjadót - bara stærra. Ekki nóg með þetta allt saman, heldur gæti ég líka horft með mér á bachelor og talað við mig um tölvunördastuff.
Hinsvegar, ef ég væri gaur, þá myndi ég ekki vilja giftast mér (í hina áttina sko). Allavega ekki samkvæmt þessari grein.
Blogger neitar að birta nýjustu færslurnar mínar. Kannski mun bloggerferlíkið einn... fallegan... vetrar/sumar/vors/haustdag hætta að segja til um hvenær ég má og má ekki póska. Pósk-kerfið mun verða raunveruleiki og hin grimmilega blogger ógnarstjórn líða undir lok. Allir eiga eftir að dansa um á táslunum, með slegið hár, í hörfötum... og reykja gras. Frjálst pósk...
Híh.. var að fá sendan link á þennan unga mann. Mér finnst áhugamálin hans vera.... áhugaverð :o)
Svo bara vaknaði ég samt í morgun - og ekki bara það! Ég vaknaði líka rétt í þessu. Tvö vakn á sama degi! Það er sko... öh.. meira en eitt vakn... öh.. or sumfin.
Inni í mér heldur áfram æsispennandi barátta engilsins og djöfulsins um hvort ég eigi að fara út í Nammiland og go nuts. Ég veit ekki alveg hvor er að berjast fyrir hverju, þar sem að persónulega finnst mér nammi vera rosalega gott.....

23.9.03

Þetta er vondur, vondur, ógeðis dagur og ég hata hann. Upp á varúðarráðstafanir er ég alvarlega að íhuga að vakna ekkert á morgun.
Þvílík illska og mannvonska það er að skríra eitthvað object "COCOMO" modelið. Alltaf þegar ég les um þennan skramba þá fer ég að raula inni í mér þarna "Thaaaats where I wanna gooooo.. down to Cocomo" lagið... Á þetta að vera tattúverað á heilann á mér fyrir hvert skipti sem ég læri fyrir próf í hugbúnaðarfræði..???
Enn og aftur kem ég upp um hroðarlegt plott vondu söbbvejmellunnar....
Í gær var alveg bloody gaman. Ég hitti Maddlú, en hann hef ég ekki séð svo mánuðum skiptir. Við bökuðum flottustu köku norðan Alpafjalla. Hún var mjög óhefðbundin í laginu og með chunkload af jarðaberjum, bláberjum og bönunum ofan á sér, raðað á einstaklega smekklegan hátt.
Þessi kaka nálgaðist næstum því þessa með skipa-mósaík-smartís-myndinni sem við gerðum í október '01!
We're so talanted!
Ég vil þakka Benna litla brummbrumm fyrir að hafa upphituð sæti. Ef það væri ekki fyrir þau, hefði ég aldrei komist í skólann í morgun, þar sem að rassinn á mér hefði verið frosinn fastur við bílsætið.

22.9.03

Fork_it( )!!.. Núna ætla ég að taka mig til í kvöld og hitta einhvern sem ég hef ekki hitt lengi. Þykjast eiga eitthverja vini á mánudagskvöldi if you will.
Þetta get ég hugsanlega leyft mér, þar sem ég hef lofað sjálfri mér að detta bara ofan í einn subhuman raunveruleikasjónvarpsþátt. Að vel ígrunduðu máli hef ég ákveðið að velja The Bachelor. Fólkið þar lætur mig alltaf líða svo mentally stable.
Ég mun þessvegna kveðja survivor með tregðu og þar með fría mánudagskvöld sem ekki eru helguð lærdómi frá sjónvarpsglápi.
Maja er búin að lofa því... að ef ég teikna mynd og gef henni í afmælisgjöf ætlar hún að setja hana á ísskápinn við hliðina á myndum eftir afkvæmið eða fyrir ofan rúmið sitt.
Ég sagði ykkur að ég væri mikilvæg...!
Ég var að beila stuffið sem ég pantaði mér frá How cool út úr tollinum áðan. Ég íhugaði á tímabili að verða pjonku fúl út í piltinn sem tók ekki enganveginn suddle hinti að koma með mér að sækja þetta, en ákvað svo þegar ég var komin með flíkurnar í hendurnar að það geti ekki allir verið skýrir á morgnana. Hvernig gæti ég verið súr með svona mikið nýtt stuff í höndunum..? Hann getur líka örugglega verslað sér clue á ebay eða amazon ef þetta heldur svona áfram.
Ég fór bara sjálf með góssið heim og mátaði. Var nokkuð sátt. Held að þetta fari ekkert í top 5 foxy lingerie sem ég á, en samt sátt.
Já.. myndir?
Ef ég væri með mjórri læri myndi ég samt segja nei :oP..
Merkilegt merkilegt. Alveg stór merkilegt.
Ég er ekki frá því að með skrifum mínum sé ég að sannfæra einhverja saklausa karlmenn þarna úti ranglega um að ég sé góður kvenkostur. Þetta hefur verið í gangi alveg pretty much síðan ég byrjaði að póska fyrir einu og hálfu ári síðan. Þetta virðist vera svona skrambi ómeðvitað hjá mér! Undirmeðvitund mín reynir að tæla saklausa karlmenn með heillandi sögum af ælu í gegnum nefið, ásamt öðrum ómótstæðilegum hlutum lífs míns..
Biðst velvirðingar á þessu og reyni að láta mig hljóma minna spennandi í framtíðinni.
Í dag er trebba og vettlinga veður if I ever saw one. Ég geymdi húfuna samt svo að ég gæti hent henni inn í samsettninguna þegar það verður jafnvel ENNÞÁ kaldara. Aha.. Ég veit, skýr stelpa! Ekki skyr stelpa samt. Held ég sé ekki nógu heilbrigð í það. Þær eru alltaf svo lopapeysuklæddar og með painfully hvítar tennur og rjóða vanga. Líta út eins og einhver hafi kyppt þeim beint úr heyskapnum og inn í stúdíó og sterklega gefið í skyn að þær líti svona út vegna þess að þær hámi í sig skyr í hvert mál.
Jáh... skyr gerir manninn mjóan og gefur mér klýgju. Þessi vonlausa tilraun mín að éta þennan þjóðlega óbjóð í morgunmat í sumar hefur liðið undir lok. Það sér það hver maður að það er ekki sumar lengur. Þessi á veðurstofunni sem reyndi að halda því fram að september tilheyrði sumarmánuðunum hefur augljóslega verið scullfuckaður illilega og það er ekki eins og veðurfræðingar séu eitthvað marktækir lengur....

20.9.03

Stundum vil ég að aðrar relgur gildi um mig heldur en aðra. Ég þoli það ekki :o)... Ætti að einbeita mér að því að vera aðeins réttlátari!
Rest in pieces noble elf
Ég vil nota þetta tækifæri og minnast töframannsins sem var afhausaður af Ogre í gær. Hans verður saknað. Einnar línu þögn í minningu hans:

Ljósabrún og ljóshærð
Svona on the lighter side (eða sólbrúnni hlið) þá hefur mér tekist að skrapa saman nægilega miklu fé (ekki kindur nei.. péníngar) til þess að fjárfesta í 10 tíma ljósakorti á ofur tilboði. Special price for you my friend sagði fólkið í Emilnum sem ég fékk sendan og ég bara kyngdi eins og.........
....Já nei.. Var komin með aðeins of grafíska lýsingu á þessu myndlíkingamáli þarna svo ég bara ákvað að hætta við. Er ekki með neitt PG-16 dæmi í gangi á óskímonpúnkturkom eins og er sko.
Held það sé nóg að hafa algjörlega dípjúrefæjað hugsunarhátt Palla litla, sem er orðinn meiri sóðakjaftur og með meiri sorahugsunarhátt en drottningin sjálf. Ætli ég eigi eftir að enda í helvíti með vondu söbbvejmellunni og öllu afvegaleiddu fólki sem borðar nýrnabaunir??
- neeeeh.. Bara 15% með hreinni sál en ég svo það getur ekki verið...... Þetta verður allt í lagi ef ég stíg ekki á önd!

19.9.03

Íslendingur hannar föt í morðmáli
Þessi frétt var í alvörunni á forsíðu fréttablaðsins í gær. Það er kannski ljótt að segja þetta, en mér fannst þetta ógeðslega fyndið. Spáið í það að vera ákærður fyrir morð og finnast maður knúinn til þess að fara til fatahönnuðar.
"Mig vantar eitthvað sem segir "NOT GUILTY!!", en samt "I'm one baaad mother fucker"...
Ég er að sjálfsögðu ekki að gera lítið úr íslenska fatahönnuðinum og óska henni til hamingju með þennan merka áfanga. Vonandi hannar hún fleiri flíkur á fólk sem er ákært fyrir alvarlega glæpi á næstunni!
Menningaleg á fimmtudegi
Sé það núna að við hefðum átt að gera þetta á miðvikudegi. Þá hefði fyrirsögnin mín stuðlað. Bjévítans klúður. En jæja. Við litla Pú buðum honum Einari út að borða í gær. Hann varð nefnilega 24 ára í síðustu viku maðurinn (neibbs.. ekki strákurinn lengur. Hann er orðinn of gamall.. hahahah). Fórum á Skólabrú, veitingastaðinn með fönkí nafnið, og fengum okkur steikur, rauðvín og súkkulaðiköku. Það var alveg glymrandi gott, þrátt fyrir full miklar umræður um short-cut lykla í linux fyrir minn smekk. Eftir menninguna skelltum við okkur á kaffibrennsluna og fengum okkur bjór og gin og tonic (G&T fyrir hnakkana).
Ég er ekki frá því að við þetta tilefni hafi fyrsta myndin af mér og Palla verið tekin, þar sem ég lít ekki út eins og ógeðisflyðra og hann er ekki með lokuð augun. Annars er ég ekki með það á hreinu. Ég á eftir að sjá myndina aftur.

18.9.03

Your soul is worth £46742. For your peace of mind, 15% of people have a purer soul than you.
Alveg er það merkilegt, miðað við hvað ég er rosalega gáfuð, hvað ég get stundum verið vitlaus!
Ég komst að þeirri niðurstöðu að lyklaborðið á henni Emilíu væri nú orðið ansi drullugt, svo ég googlaði eftir aðferð til þess að þrífa undir lyklaborðum á laptoppum. Niðurstöðurnar létu að sjálfsögðu ekki á sér standa og fyrr en varði var komin með mjög nákvæma lýsingu á hvernig ætti að standa að þessu.

Í lýsingunni stóð að fyrst ætti að taka alla takkana af. Ég hef aldrei tekið takka af greyjinu, svo ég ákvað að fjarlægja bara einn svona til að prufa. Í lýsingunni stóð að þeir myndu smella auðveldlega til baka, án nokkurar fyrirhafnar. Það var næstum því gefið í skyn að þetta væri svo auðvelt að fjölfatlaður órangútan api gæti leyst þetta verkefni án nokkurra vandkvæða.

Mannfíflið sem samdi þessa lýsingu er örugglega sama sataníska hóran og semur auglýsingar fyrir sjónvarpsmarkaðinn. Ég er ekki ennþá búin að fyrirgefa honum þetta með ógeðis sykurleðjuna. Hvernig getur nokkur maður sagt að ef ég tek sykurleðju og hendi inn í örbylgjuofn og svo smyr henni svo bullsjúðandiheitri á leggina á mér, set svo einhverjar pappírsræmur þar yfir og ríf öll hár upp með rótum að ég finni ekki til!! Ég þakka ennþá Alberti kóalabirni á hverju kvöldi að ég hafi ekki byrjað á skvísunni!

Allavega þá eyddi ég öllum matartímanum mínum og svona korteri eftir það í að reyna að pússla þessum guðsvolaða hægri-pílu takka aftur á stelpuna. Hann small ekki á, eins auðveldlega og eitthvað sem smellur rosalega auðveldlega á eitthvað annað!

Ég er að velta því fyrir mér að leita þennan mann uppi, halda honum niðri og vaxa á honum lappirnar með ógeðis-sykurleðju, og sjá hvort hann meiði sig ekki....

Það eina sem er víst, er að ég þríf ekki undir lyklaborðinu á tölvunni minni í bráð. - Tja.. Ekki nema að þarna úti sé einhver fjölfatlaður órangútan api sem vanti vinnu!
Blimey
Hvað sagði svínið við innstunguna...??

Hver múraði þig inn í vegginn..!!
HAHAHAHAH
Nýjir skór??? Sama Óskin!!!
Damn.. ég þarf aftur að fara að kaupa mér svona "sníphulsur" á Emmu laptop. Ég klára þetta alltaf á nótæm. Snípurinn er alveg málið. Touchpad er fyrir aumingja sem hafa ekki almennilega stjórn á hreifingum sínum og venjulegar mýs eru bara pirrandi. Ef maður notar snípinn eru hendurnar alltaf á lyklaborðinu. Miklu meira efficient. Miklu meiri þægindi. Miklu meiri gleði.
Aaaanywho.. síðast þegar ég fór að versla mér svona gerði ég heiðarlega tilraun til þess að segja ekki orðið "snípur". Það gekk ekkert voðalega vel. Á endanum dró ég afgreiðslugaurinn á eyrunum inn í búð og benti á rauða draslið á einum laptoppinum inni í búð. Næst held ég að ég reyni ekki einu sinni að vera dönnuð... Dannelsi er fyrir aumingja sem nota touchpad....

17.9.03

Af hverju segir maðurinn að sjávarþorp úti á landi séu grundvöllur af byggð landsins?? Högg á hausinn þá..?? Drop-kick í andlitið..??
Idol
- The best source of subhumanism in Iceland since Hemmi Gunn!

HEEEEY!! Ædol byrjar á föstudaginn! Ég get að vísu ekki horft, því að ég verð að spila, en ég ætla að láta taka skrambann upp fyrir mig. Ég hlakka ekkert smá til að sjá þetta! Vonandi kannast ég eitthvað af þessu pakki. Þá get ég sagt: HAHAHAHHA!! Þetta er [insert nafn]!! Meira fíflið maður!! Ætlar þú að verða heimsfræg(ur) á Íslandi!?? HAHAHAHA.... Ekki hætta í dagvinnunni þinni..! Og svoleiðis....
....lífsskoturinn hefur gert mig illgjarna :o)
Free as a bird..... and the postman Pat
Aldrei þessu vant á ég ekki að skila neinu verkefni á morgun (tja.. reyndar á ég að skila einu, en ég er búin með það). Í næstu viku eru 2 próf, eitt skiladæmi, eitt forritunarverkefni og eitt ekki forritunarverkefni.... en í KVÖLD.. er ég í fríi í fyrsta skipti í langan langan tíma. Ég veit ekki alveg hvernig ég á að höndla þessar aðstæður, svo ég fór og keypti mér skó. When in doubt - buy shoes segir máltækið. Ef það segir það ekki... þá ætti það svo sannarlega að gera það (hahaha.. ég sagði "gera það").
Þar sem ég var ný skóuð og í fríi eyddi ég heillöngum tíma í að dansa á fullu með Óla litla frænda við póstinn Pál og fugladansinn......
Mikið rosalega eruð þið heppin að eiga drottningu sem er eins vel af guði (eða Alberti kóalabirni) gerð eins og raun ber vitni!!
Takmarki lífs míns hefur allavega verið náð. Ég kláraði Minesweeper, expert (skjámynd til staðfestingar). Núna mun ég lofa mig og hæfileika mína og því næst ferðast um heimin og halda fyrirlestraröð um þessa lífsreynslu. Þegar ég kem heim mun ég hefja leit eftir nýju lífs takmarki...
Einu sinni var gerð könnun í framhaldsskólum í Bandaríkjunum. Nemendur voru spurðir hvar þeir teldu sig standa gáfnafarslega séð miðað við aðra nemendur í sama skóla.
- 90% nemanda taldi sig vera í top 10% af gáfuðustu nemendum skólans.
- 70% nemanda taldi sig vera í top 5%.
Þessar niðurstöður á að vera hægt að millifæra yfir á langflestar þjóðir í hinum vestræna heimi.

Þó svo að ég reyni að detta ekki ofan í of main-stream hugsunarhátt, þá tilheyri ég báðum þessum flokkum. Mér finnst ég vera í top 10%. Mér finnst ég vera í top 5%.
Það skortir upp á þekkingu hjá mér á ýmsum stöðum, en gáfurnar til þess að öðlast þekkinguna eru til staðar.
Þar sem að það er ekki hægt að mæla gáfur almennilega þá hef ég á engum að byggja nema sjálfri mér. Greindavísitölupróf eru víst ekki marktæk, en samkvæmt þeim hef ég ekki rangt fyrir mér.

Mín pæling er sem sagt þessi:
- Það að finnast maður persónulega vera í top 5%, er það egó eða heilbrigt sjálfsmat?
Er það réttlætanlegt að vera "of" gagnrýninn á eigið gáfnafar?
Hetjur gærdagsins eru margar, en ég er ekki ein af þeim!
Í gær tókst mér að eyða út öllum .java skránum fyrir skilaverkefni í skólanum, sem ég átti að skila seinna sama dag (var einmitt búin með það þegar þetta gerðist). Merkilegt hvað svona gerist bara þegar maður tekur ekki backup.
Þetta var extra pirrandi, vegna þess að þetta var ekkert idiotic shift +delete drasl. Fyrir InteliJ fólk, þá bjó ég til nýjan pakka, setti skránnar ofan í og svo fattaði ég að ég hefði sett pakkann í vitlausa möppu og gerði edit + undo create package, svo saklaus að ég trúði því að allt myndi bara ganga til baka. Allt gekk ekki til baka. Pakkanum var eytt og skránni með.
En jæja.. Hetjur gærdagsins:

- Captain Kirk:
Rúnar var allur að vilja gerður og eftir ítarlega leit á öllum sínum hörðu diskum, reddaði hann mér snilldar "get your files back" forriti, sem skannaði tölvuna mína og leitaði að skrám sem hafði verið eytt. Þetta forrit fann allskonar gamlar skrár og filea, lengst aftur í tímann, en .java gaurana mína fann hún ekki. Kannski vegna þess að þeim var eytt á kjánalegan hátt.. er ekki alveg viss.
Rúnar fær samt feitt kútós fyrir að eyða öllum þessum tíma í að reyna að redda mér!

- Viðar:
Viddi var fyrst voða duglegur að reyna að hjálpa mér sjálfur og þegar það gekk ekki hringdi hann í vin sinn sem er gígatölvunörd. Vinurinn sagði honum að segja mér að sækja decompiler (þar sem að klasarnir voru ennþá inni). Þeim beytti ég svo á klasana sem skilaði aftur kóðanum mínum. Reyndar var greyjið án allra snyrtilegra bila (svona á eftir svigum og inni í [ ] og svoleiðis), og allt javadocið og kommentin sem ég hafði skrifað var farið. (Frágangur kóða, javadoc og komment gilda einmitt 10%)

- Konni:
Vinur hans Vidda..

- Einar:
Einar fór með mig á subway og leifði mér svo að klára verkefnið heima hjá sér, þar sem ég var komin með alvarlegt ógeð af skólaumhverfinu eftir þetta allt saman. Hann hlustaði líka á allskonar tuð frá mér yfir því hvað lífið væri vont og hann var mjög duglegur að svara spurningum eins og "hvort er snyrtilegra að hafa þetta svona eða svona". Spurningar sem allir vita að forritarar elska!

- Palli:
Pú skammaði mig ekki fyrir að komast ekki í Jimmy, eftir að hafa heyrt sorgarsöguna.

- Tumi bangsi:
Tumi var ekkert með vesen þegar ég kom heim.

16.9.03

Þegar ég var í menntaskóla sagði líffræðikennarinn okkur að fræðilega séð gæti maður hlupið í gegnum vegg, ef maður myndi hitta á akkúrat réttan tíma. Atómin eru nefnilega alltaf á hreifingu þið skiljið...
Mig langar að geta hlaupið í gegnum vegg, en ég er ekki tilbúin til þess að reyna þangað til að atómin eru rétt stillt. Er einhver tilbúinn til þess að tékka á þessu fyrir mig? Basicly þarf bara að hlaupa mjög ítrekað á vegg... Hver er game?
I am the queen!! OBAY!!
Shift hvað ég er stíf í hálsinum. Fer fram á að 3 karlmenn sem líta alveg eins út og Barry Watson nuddi á mér hálsinn og segi mér sögu um dreka og appelsínur...
Svona overlooking síðustu færslur hef ég verið barin, bitur og bambi. Neinei.. var svo sem ekki bambi, vantaði bara þriðja orðið sem byrjaði á "bé". Núna mun það allt breytast...
Hey... talandi um bé.. Af hverju er svona mikið af stelpum sem skýra sig [insertnafn]babe á blogspot, í Emil eða bara á .com/net/org/fneh heimasíðum? (osk.fneh... I LIKE it). Svona eitthvað eins og... raggababe, beggababe eða fjolababe or sumfin. Eiga þessar píkur ekkert annað nafn? Ekkert föðurnafn eða ættarnafn? Er þetta bara hópur af stelpum sem heita bara einu nafni.. Eins og Cher. Ef Cher færi og ætlaði að fá sér blogspot heimasíðu... og cher.blogspot.com væri upptekið... þá væri hún örugglega líka knúin til þess að velja cherbabe.blogspot.com... Rökrétt.. *hóst, hóst, æl*.
..Skrambinn.. ég virðist hafa ælt á mig...

15.9.03

Ég reyki ekki krakk fyrir buzzið sagði fýkillinn. Ég er að sanna fyrir mér að ég geti tekið inn vítamín
Það er einhver miður skýr manneskja alltaf að bæta mér í eitthvað ógeðis hópsamtal á msn. 11 manns, sem inniheldur m.a. klámdrottningu Íslands, sem strippar ekki fyrir athyglina, heldur vegna þess að hún er að sanna fyrir sér að hún geti verið fyrirsæta.
Af hverju ætli manneskjur sem keppi í sætukeppnum skrái sig í svoleiðis? Vilja þær sanna fyrir sér að þær geti dansað tangó..?? Neeeeh... ég held að þær vilji sannfæra sig um að þrátt fyrir spangir og gleraugu í æsku séu þær nú samt sætar með sílíkon í dag...
NoName virðist hafa ráðið markaðstjóra Mjólkursamsölunar, blindað af skyr.is frægðarsólinni. Þeim fannst fyrirtækið ekki selja nógu mikið af varaglossi til stúlkna um og undir 12 ára, svo að á einhverju fyllerí ákvað hann Hr.Skyr.is að það væri nú sniðugt að ráða Húsvíkinginn hana Birgittu Haukdal til þess að ná til þessa merka markhóps.... Ef þetta virkar vel, kemur nýtt landslag í fermingarförðun árið 2004!!
Einu sinni átti ég kærasta sem átti vinkonu frá Húsavík. Samband mitt og téðs pilts entist af augljósum ástæðum ekki. Sá sem hengur með Húsvíkingi án þess að einhver beini byssu að gagnauganu á honum gengur augljóslega ekki heill til skógar...
Einu sinni átti ég nammi. Ég drop-kickaði það í andlitið og það dó.
Segjum sem svo, að gamla máltækið "you are what you hang with", sé satt. Yfirfærum það yfir á msn. You are what's on your contact list og segjum sem svo að einhver á contact listanum mínum sé með ógeðishóru á sínum msn contact lista. Þar af leiðandi er hann ógeðishóra og þar sem hann er á mínum contact lista hlýt ég að vera ógeðishóra líka. Lausn? DELETED....
Það sem ég lærði í hönnun og smíði hugbúnaðar í dag:
- Það er hægt að láta svín fljúga.... ef maður kastar þeim bara nógu fast. Það er hinsvegar ekki mælt með því, þar sem það er svo erfitt að stjórna því hvar þau lenda.
- Hvernig skal crasha vefþjónum
- Hvernig senda á spam

14.9.03

Ef ég væri ekki svona sæt í dag myndi ég örugglega fara og slíta hausinn af nokkrum leiðinda háværis köllum á næsta borði. Ég vil ekki fá blóð á mig þegar ég er svona sæt. Blóð er ekkert sætt nema maður sé vampíra. Þá er það örugglega pretty damn sweet. Ég veit að ég er ekki vampíra, vegna þess að ég fór á fætur um 11 (vampírur labba ekki úti á daginn, nema Daywalker) og ég fékk hvítlaukssósu á kjötlokuna sem ég keypti í dýra bakaríinu (ekki bakarí fyrir dýr, heldur dýrt bakarí).
Spurning um að sýna sig eitthvað í kvöld fyrst ég er svona sæt í dag. Kaffihús eða línuskautar...
LXG
Allt er í voða í heiminum og Englands drottning lætur mynda "The League of Extraordinary Gentlemen" til þess að redda málunum. Þetta "league" samanstendur af:
Allan Quatermain: Hann þessi var aðal söguhetjan í bókum eins og "Námur Salómons konungs". Hann er svona Indiana Jones týpa. Ódrepanleg hetja, en á þessum tíma orðinn nokkuð aldraður.
Captain Nemo: Hugarburður sama manns og skrifaði um Phileas Fogg. Captain Nemo var einstaklega dannaður sjóræningi sem ferðaðist um á bátnum Nautilus, sem silgdi bæði á og í hafinu...
Mina Harker: Þið sem hafið séð drakúla þurfið ekki að spyrja. Fyrir ykkur hin, þá er hún þessi Mina Murray, sem kljáðist við Drakúla á sínum tíma (giftist sko Mr.Harker úr þeirri mynd, hence the change in names). Óh.. já.. og drakúla gaf henni smá blóð að súpa...
Ósýnilegi maðurinn: Æji.. bara mythið. Ekkert úr sérstakri bók eða neitt held ég...
Dorian Gray: Aaah.. Oscar Wilde skrifaði um hann þennan í "The picture of Dorian Gray". Dorian eldist eða breytist ekkert, en eftir því sem hann gerir verri hluti og tíminn líður, breytist málverk af honum til hins verra. Mæli með þessari bók.
Tom Sawyer: Hugarburður Mark Twain. Ævintýraglaður gaur sem hittir Stykkilsberja Finn.. (muniði?? :o).. )
Dr. Henry Jekyll og Hr. Edward Hyde: Þessa félaga ættu nú allir að þekkja. Dr. Jekyll var rólyndis maður. Eiginlega frekar bældur. Á tilraunastofu sinni tókst honum að búa til formúlu sem breytti honum í hitt sjálfið sitt, Mr.Hyde. The rest is history ;o)

Anywho... Þegar maður setur svona fólk saman getur annað hvort orðið úr ömurleg og tilgerðarleg mynd, eða algjört meistaraverk. LXG fellur svo sannarlega undir seinni flokkinn. Mæli með henni þessari!

13.9.03

Framhaldssaga kommentakerfisins
Muniði þegar ég gerði framhaldssögu einu sinni? Ætla að tékka á annari svoleiðis. Þið haldið bara áfram með hana svo:

Einu sinni átti ég fiðrildi. Það hét Maren og var gult og blátt með stóra vængi. Ég og Maren vorum prýðis vinkonur. Eins góðar og stelpa og fiðrildi geta orðið. Alltaf þegar ég var búin í skólanum og Maren var búin að fiðrildast héngum við saman. Stundum fórum við á kaffihús eða horfðum á video. Stundum teiknuðum við myndir af fólki og fiðrildum, hönd í væng. Ég man hvað við gátum hlegið mikið af hlutum sem voru bara ekkert fyndnir. Vinir hlægja.
Á þeim tíma var eins og ekkert gæti komið upp á milli okkar..........
System.out.println( "Líf er fyrir aumingja og drullukuntur" );
Ein ég sit og forrita... inni í litlu læriherbergi.. engin kemur að sjá mig... nema Guðfinnur og java...
Ég vildi ÓSKa að ég ætti líf á laugardagskvöldi.
Isss! Hvað er ég að væla. Ég á java-verkefni í staðinn fyrir líf. Það er bara betra... eða.. allavegana eins gott. Þegar þessi verkefnahrina er búin í skólanum, ætla ég líka að bjóða honum þessum út að borða þangað. Það er næstum því líf... eða?? Er það ekki?
Subhuman flokkur dagsins er fólk sem talar í gemmsann inni í læriherbergum eða tölvustofum, í staðinn fyrir að hóra sér út á gang áður en það talar í símann....

12.9.03

Meiiiiin GOOOTT.. This guy is annoying as HELL
Í gær nótt tók ég mig til og horfði á fyrsta þáttinn af Jeeves and Woster. Djöfullsins snilld er þetta. Mamma og pabbi hafa verið að stokka sig upp af allskonar DVD söfnum og í hvert skipti sem ég opna skápinn eru komnar nýjar myndir. Þau sem sagt fengu sér spilara um jólinn, og núna er þetta komið í rúmlega 120 stk.
Aaaaanywho... Þau hafa m.a. keypt sér allt safnið með þessum kátu köllum. Ég hef ekkert horft á þetta síðan ég var pinku ponsa, og var alveg búin að gleyma því hvað þetta er nú krappfyndið. I say! Bretar eru snillingar í grínþáttum.
Ég hef svolítið verið að velta því fyrir mér... hversvegna málhalt fólk heitir alltaf með stafnum sem það getur ekki sagt. Smámælt fólk heitir oftast Sigurbjörg eða Sigurður eða eitthvað.... skrollarar heita Reynir eða Rósa... og einu sinni þekkti ég nefmælta stelpu sem hét Nanna...
Kannski á þetta bara við um fólk. Hundurinn sem á heima fyrir ofan Einar er gelthaltur. Ég veit ekki hvort að geltið hans byrjar á "G" á hundamáli.. Það byrjar á "A" á fólkamáli allavegana...

11.9.03

Einu sinni heyrði ég brandara um mann.. Svo man ég ekki hvað gerðist í miðjunni.. en svo sagði hinn maðurinn: Nei takk.. ég vil frekar ganga
HAHAHAHHAHAHAHAHAHAHHAHA

10.9.03

Djöfull er ég orðin hvít í framan. Þessi innivera er augljóslega ekki að gera mér mikið gott. Spurning um að sleppa því að kaupa java bók og nýtt þráðlaust netkort... og kaupa mér bara ljósakort í staðinn....... *dagdreym*
Hmm... kannski ég geti bara bæði. Bæði betra? Veit ekki alveg hvernig ég á að fjármagna þetta :oP...
Ósk til sölu - hver vill kaupa?
Einu sinni sá ég mynd í sjónvarpinu. Þessi mynd átti að gerast í framtíðinni, þar sem að aðal gjaldmill fólks var líftími. Hlutir kostuðu mínútur, daga og klukkutíma og allir gengu með litla tölvu á sér sem þeir millifærðu líftíma sín á milli....... Ég hef verið svona 10 ára þegar ég sá þessa mynd. Ég hef alltaf hugsað um hana öðru hvoru. I like original stuff... og þetta er hreinlega ekkert vitlausara en markt annað..
Ég vil ÓSKa Daða stóra bróður til hamingju með 23 ára afmælið sitt og svo líka honum Einari krúttípútti með 24 ára afmælið sitt. Þeir eiga báðir afmæli í dag (klukkan er orðin meira en miðnætti sko)
Það var einmitt þessvegna sem ég ákvað að allir sem ég þekkti ættu að eiga afmæli 10. september. Það er auðvelt þegar bestasti vinur manns og bestasti bróðir manns fæddust á þeim degi hvort eð er. Gott að muna! ;o)

9.9.03

Ég er ekki dauð... Ekki alveg allavegana. Kannski nokkrar heilafrumur sem hafa drepist úr ofreynslu, en þær voru veikar fyrir. Við umberum ekki veiklulegar heilafrumur á þessum bæ. Nósörríbob sko!
Ég hef bara ekki verið dugleg að láta heyra í mér í dag, vegna þess að það var skipt um staðal fyrir þráðlausa netið í skólanum og ég á bara hreinlega eftir að fá mér nýtt kort sem skilur þetta nýja stuff. Gamla kortið er alveg sko: WHOOOOH?? What was I supposed to be doing...!??? Og nýja netkerfið er alveg: Netkortið skilur mig ekki.. *sniffsniff*... Endar allt í Jerry Springer þætti ef ég mellast ekki til að versla nýtt á næstu dögum. Andskotinn hvað það er ekki eitthvað sem ég vil!! fork( ); Jerry Springer. He can just goto hell( );... or Cleveland. I hear that's much the same. Why am I talking english..?

8.9.03

Það eru alveg rosalega fín norðurljós á himninum og veðrið er alveg æðislegt. Ef ég myndi ekki þurfa að vakna snemma fyrir skólann á morgun, myndi ég finna mér kærasta á næstu 15 mínútunum og draga hann með mér í labbitúr. Ef ég væri varúlfur væri téður kærasti líka í vondum málum, þar sem að það er blind, haugafullt tungl úti......
Skyndilega finn ég hjá mér stjarnfræðilega þörf fyrir að slamma hot and sweet og skrifa smásögu um fugl. Ekki stóran eða lítin fugl. Ekki gáfaðan eða úrræðagóðan fugl. Ekki einu sérstaklega myndarlegan fugl. Bara einn af þessum sem hefur vængi og getur flogið með þeim. Svona fugl sem þarf ekki að stressa sig á ógeðiskerfisköllum á mánudagskvöldum......
Djöfull fer í taugarnar á mér þegar fólk er að tuða yfir því hvað það eigi lítinn pening, á meðan það reykir 2 pakka á dag. Ég er ekki frá því að það ætti frekar að kaupa sér lottómiða heldur en sígarettur ef það vill komast upp með svona tuð og samt eyða pening í kjaftæði.......
...ég vona að pú sjái þetta ekki... En í dag HATA ég linux. Hmm.. kannski ekki linux sem slíkt... en ég hata linux forritun.
..........you better run my darling
Fyndið hvað maður er stundum að spá í súrum hlutum svona á milli svefns og vöku (aha.. á milli snooza sem sagt). Í morgun.. var ég að spá í því hvað það væri kaldhæðið ef maður væri að keyra og fengi hóstaskast og keyrði óvart utan í vörubíl... svo að hann opnaðist og allur farmurinn steyptist yfir bílinn hjá manni.......... og farmurinn væri hóstamixtúra. I need help... :oÞ

7.9.03

Hey.. þú þarft ekkert að segja mér það! Ég veit það alveg sjálf *smeðj*
Í dag er ég búin að ryksuga 2 geitunga og hlusta á froskinn Kermit segja að það sé ekki auðvelt að vera grænn. It's not easy being green.......

5.9.03

Einn stuttur hot or not listi... Bara.. hmm... segjum 4 atriði á hvorum:

Hot:
- C++ newba bókin hans Einars
- Stofa 403
- Futureama
- Föstudagar (þá má kaupa ný magic spil)

Not:
- Támjóu ógeðisskórnir sem eru í tísku
- Klósettpappírsrúllur sem snúa öfugt
- Konur skilja ekki karla/karlar skilja ekki konur yfirlýsingar
- Svartur bakgrunnur í visual C++
Í gær átti skólinn minn 5 ára afmæli. Við fengum af því tilefni köku að borða og kók að drekka. Kakan var með marsípani og rjóma í stíl við kærleiksbirnina sem verða hlaupandi um gangana fljótlega (bleikur). Ég spurði hann Kristján að því hversvegna fólk væri alltaf með svona ógeðiskökur í veislum (hverjum finnst rjómi og marsípan á ponsu svampbotni vera góð kaka? Kókið var samt rosa gott og mér fannst þetta sætt af HR að gefa afmælisstuff). Hann kom með þá hugmynd að þetta væri vegna þess að kakan er bara vond þann daginn, en hún lítur vel út á mynd næstu 50 ár á eftir eða eitthvað. Mér fannst það rökrétt hjá stráknum. Ég held að hann hafi þarna komist að því hver tilgangur ógeðis-veislukaka er!
Merkilegt hvað svona "first impressions" *slettslett* skipta miklu máli. Ég á það til að móta mér álit á manneskju út frá þessum fyrstu kynnum mínum á henni og því áliti er oft erfitt að breyta. Ég man sérstaklega eftir einu tilfelli. Það var í afmæli fyrir rétt rúmu ári síðan, sem haldið var á skemmtistaðnum Gauknum. Jáh.. ÞÚ veist hver átti afmæli *benda á afmælisbarnið*. Það var eitthvað um ponsur í þessari veislu. Ég tók eftir því að ein semi-ponsan var orðin haugadrukkin. Hún var farin að sitja um ókunnugt fólk með bjór og þegar það snéri sér undan þá hljóp hún til og drakk úr glösunum þeirra. Ég fékk bara æluna upp í háls. Þessa stelpu hef ég uppfrá þessu kallað "scavanger" (hrææta) og ég er nokkuð viss um að ég mun aldrei virða hana sem manneskju, þó svo að hún eigi það örugglega skilið greyjið.

4.9.03

Finnst engum öðrum en mér... nýju cheerios auglýsingarnar vera eins og að fólkið sé með munninn fullan af kömmi..??
Hver gefur syni sínum barbídúkku??
Hér á eftir kemur smá pláss fyrir ykkur til þess að hugsa um fyrirsögnina.



Var þetta nóg? Ókay.
Flest ykkar halda líklega að ég sé að fara að röfla um einhverja foreldra sem gáfu syni sínum barbídúkku og að það sé nú ekki sniðugt. Flest ykkar ættu að byrja að hugsa aðeins út fyrir rammann og skammast sín fyrir íhaldssemina.
Ég er meira að velta þessu fyrir mér:
Ég þekki enga foreldra, afa eða ömmur sem myndu fara út í búð og versla barbí fyrir son sinn. Þetta fólk myndi kaupa slíka dúkku fyrir dóttur sína, án þess að hugsa neitt frekar út í málið. Sömu foreldrar myndu strax segja að þeir gerðu ekki upp á milli barnanna sinna, þrátt fyrir að annað sé strákur og hitt stelpa. Er með þessu verið að mismuna kynjunum? (Nú ætla ég ekki einu sinni að byrja að tala um kynjamiðað dót, þar sem stelpur eiga að rækta móðureðlið í sér og strákar eiga að fara í byssuleik) Það að litlar stelpur séu ekki lengur litnar hornauga fyrir að leika sér með action kalla og byssur, en að litlir strákar séu aumingjar ef þeir leika sér með barbídúkkur og barnavagna... er það ekki mismunun?
Að kalla einhverja tussu strákastelpu, er oftast meint sem hrós, á meðan að það að kalla strák stelpustrák, er yfirleitt alltaf meint niðrandi.
Það hlýtur að vera mismunun. Getur ekki annað verið.
Shift hvað ég hata fólk sem spyr mann einnar spurningar, sem maður svarar og svo horfir það bara á mann og býður eftir því að maður tali meira. Ég afvopna alltaf þannig pakk með því að stara bara á móti með sama „og hvað svo..“ svip. Ef það vill hlusta á fólk tala, þá ætti það að kveikja á útvarpinu.....
Ég er svo mikil Ofur-Ósk. Ofuuuuuuur. Tók ekki nema 15 mínútur fyrir mig að vakna, klæða mig, tannbursta mig og keyra upp í skóla.
Takk fyrir.. takk fyrir.. *hneygj*

3.9.03

Jæja pjásurnar ykkar. Núna er ég búin að vera voða dugleg að fara í bíjóf undanfarið og ég hef ekki sagt ykkur frá helmingnum af þessum myndum. Ég er að spá í að finna bara þær myndir sem eru í bíó núna og segja ykkur hvað mér fannst. Þið farið að sjálfsögðu svo mikið eftir öllu sem ég segi ;o)

Charlie's Angels 2: Full Throttle:
Stundum þarf plottið ekki að ganga alveg upp til þess að það sé gaman að horfa á mynd. Stundum er alveg feykinóg að heyra nokkra 5 aura brandara og sjá sætar stelpur vera rosalega klikkaðar. Það er því miður ekki kjesið með þessa mynd. Hún er ömurleg og ég er ekkert smá ánægð að hafa ekki sóað í hana 800 kalli. *ÆL*
1/2 stig - tveir boltar (fyrir endabrandarann og fyrir Demi More (hún er chix))

Terminator 3: Rise of the Machines:
Úú já.. ég var búin að segja ykkur frá henni þessari. Góði gaurinn og vonda vélkvendið voru myndarleg með eindæmum *skotn*. Mér fannst endirinn vera algjör snilld og hann reddaði algjörlega myndinni. Hún var annars ágæt fram að því... Fínt pass time...
2 og 1/2 - 3 boltar (fyrir sæta strák, sæti stelp og góði endr)

The Pirates of the Caribbean:
Gvöðminngóður hvað þetta er frábær mynd. Hún skaust beint upp á top 10 hjá mér. Þetta er spennu og ævintýramynd og Johnny Depp stendur sig eins og hetja. Merkilegt hvað fíflið getur verið myndarlegt þó hann sé málaður eins og hin versta drusla. Söguþráðurinn er líka góður.. Hey.. það er bara allt við þessa mynd gott.
4 stig - 4 boltar (fyrir söguþráð, Johnny Depp, húmor og frábæra heildarsamsetningu)

Bruce Almighty:
Þessi er fyndin. Ég hef að vísu hlegið meira í bíjóf.. en ég hló samt alveg slatta. Hef eiginlega ekkert meira með þessa að segja. Held hún sé alveg eins góð á video úr þessu (fyrst þið misstuð af frumsýningunum fíflin ykkar)..
2 stig - 2 boltar (Jim Carrey fær annan... ég fíla hann. Hinn boltan fær Ghandi brandarinn)

Sinbad: Legend of the Seven Seas:
Ég er að vísu dálítið hlutdræg, þar sem ég elska teiknimyndir... en... VÁF. Góð teiknimynd. Vondi kallinn (tja.. eða konan) er líka rosa vond og rosa flott. Teikningarnar eru æði. Söguþráðurinn er sniðugur.
3 stig - 2 boltar (Fyrir húmor og nýstárlegan söguþráð)

Hulk:
Hvaða hálfviti ákvað að gera mynd um græna ofurhetju sem brýtur allt og bramlar... og eyða lang stærsta hluta myndarinnar í að fjalla um innri baráttu og hvað Hulk átti bágt og allir eru vondir við hann. Ég fer ekki á mynd um græna ofurhetju til þess að væla yfir því hvað heimurinn er vondur... ÖMURLEG mynd.. Algjörlega ömurleg frá a til ö... Meira að segja mynd-í-mynd fídusinn sem einhver var að þeyta frumraun sína í klipparastólnum tókst að uppgvötva var hallærislegur.
mínuss 2 stig - enginn bolti

Freddy vs. Jason:
Sá hana í gær. Ég er aðalega að spá í einu; Ef Jason dó þegar hann var 11 ára... af hverju er hann þá huge stórt zombie?? Somebody explain!..
Annars fannst mér hún fín. Húmor, nokkrir skornir í klessu og vondur söguþráður. Hvað annað gæti maður beðið um í svona myndum. Já.. og svo sáust 2 sett af brjóstum og allar gellurnar voru með of mikið sílíkon. Don't knock it if it works I guess... :o)
2 og 1/2 - 1 bolti (fyrir Freddy, því hann er fyndinn)
Þrátt fyrir ítarlegar tilraunir þess efnis hefur mér ekki enn tekist að klára minesweeper, expert útgáfuna, og þar af leiðandi er ég ekki ennþá orðin drottnari alheimsins. Ég finn það í beinunum að þetta fer að bresta á hvað úr hverju. Þá mun eitthvað rosalegt gerast... Himnarnir munu öskra og stór kóróna birtist fyrir ofan hausinn á mér.
Í gær fór ég að velta því fyrir mér hvað það væri handhægt að kunna táknmál. Það var svona sérstasklega ef maður væri á stað þar sem tónlistin væri öskrandi há og manni vantaði að tala við einhvern. Ég fór í framhaldi af því að spá hvernig maður öskrar á táknmáli, t.d. ef maður væri geðveikt reiður. Gerir maður táknin þá geðveikt ýkt..??

2.9.03

Set mode: Ný gleraugu
Það er fátt í þessum heimi sorglegra en Emma með 15% eftir af batteríinu sínu... og biluð innstunga fyrir aftan hana í fyrirlestrasalnum..
Ohhh... those poor burned pies!!
Ég sá þetta Madonnu/Britney/Christina kyssuvídjó þarna í gær. Djöfull var það súrt. Ömurlegt lag, Britney og Christina litu út eins og fávitar (hehe.. go figure) og Madonna kyssti hvora um sig einum, stuttum mömmu kossi. HEY!! Gott að sleppa sér yfir þessu..............
subhumans..
Feels like monday
Í morgun var ég verulega tempted að "sofa yfir mig". Það var svo rosalega kalt fyrir utan sængurnar (aha... var með 2 *brrr*). Eftir smá stund ákvað ég að biddsjslappa mig og drusla mér í sturtu. Þegar ég var komin þangað þurfti ég að finna hjá mér sama viljastyrk og áður til þess að fara undan heitri sturtunni og á kalt baðherbergisgólfið. Svo varð ég myndarleg, tók til nesti og keyrði upp í skóla, þar sem biðu mín þau örlög að leggja úti í kringlu og labba. Ég hata labb á morgnana.
Með stýrurnar í augunum druslaðist ég inn í fyrirlestrasalinn minn og fattaði að ég hefði miskilið breytingarnar á stundaskránni og að ég hefði misst af fyrirlestrinum.
Ég bað Albert kóalabjörn um að drop-kicka fólkið sem breytti stundaskránni í andlitið, á meðan það sefur.
Oft þegar ég vil koma einhverju á framfæri, án þess að beinlínis alhæfa, þá segist ég hafa lesið það einhverstaðar. Þetta lætur mig virka gáfaðari, vegna þess að þá er alveg eins og ég lesi rosalega mikið og þetta kemur líka í veg fyrir að fólk geti sagt að ÉG hafi rangt fyrir mér, vegna þess að það getur ekkert rengt þá staðreynd að ég hafi lesið þetta. Þessa taktík notaði ég líka í ritgerðum í íslensku í menntaskóla. Ég passaði mig alltaf á því að slá engu föstu. Ég bjó mér til kenningu og sagði svo að amma mín hafi sagt mér þetta þegar ég var lítil eða eitthvað. Íslenska verðlaunar mann ekki fyrir "of" sjálfstæða hugsun þið skiljið. Íslenska verðalaunar mann fyrir orð eins og "herbergiskitra", "hvívetna" eða "ötull".

1.9.03

Djöfull þarf einhver að taka sig til og finna upp nýjar myndapósur. Þessar gömlu eru orðnar svo ógeðslega hallærislegar. Fólk sem myndapósar með gömlu pósunum (fuck you merki á hendinni eða svona *east coast* merki... puttar í V og tunga á milli.. tunga í átt að manneskjunni við hliðin á... stelpukossamyndir.. ljótar brjóstaskorur án hausa... that kinda stuff) er líka hroðalega plebbískt. Alltaf þegar ég skanna í gegnum fyggleríismyndir finnst mér ég hafa séð þær allar 100 sinnum áður.
Mín tillaga er annað hvort að útrýma þessum hallærislegu myndapósum... eða útrýma plebbafólkinu sem er ennþá að nota þær...
Hey já.. og svona fyrst ég er á lame subjectinu;
- gallabuxur og hælaskór...
- támjóu viðbjóðaskórnir sem eru í tísku núna...
- mellur í stuttum pilsum og streach buxum undir...
*ÆÆÆÆÆÆÆÆÆÆÆÆÆÆÆÆL*..
...og svo ásaka ég aðra um væmni...
Ég hef dálítið verið að velta fyrir mér fólki sem hefur aldrei séð sjóinn. Þetta er gjarnan fólk sem býr inni í miðjum, stórum löndum. Sumir fara í sérstakar, margra tíma ferðir, til þess eins að sjá hafið. Þá stendur það eins og dáleitt og bara horfir á það (the ocean looks like a thousand diamons, strewed across a blue blanket).
Fyrir mér er þetta svo rosalega fjarlægt, þar sem ég er með sjóinn fyrir augunum allan daginn. Af því að ég sé hann svona oft finnst mér hann kannski ekkert rosalega merkilegur. Hann bara er.

Um daginn keyrði ég í gegnum Hvalfjörðinn. Þá var það by choice, þar sem að það var svo æðislegt veður og mér lá ekkert á. Þá fyrst kunni ég að meta hvað þetta er nú falleg leið. Fyrir tíma ganganna heillaði landslagið mig þarna ekkert mikið. Ég reyndi bara að þruma mér í gegnum fjörðinn á eins stuttum tíma og var mannlega og bíllega mögulegt.

Svona út frá þessu hef ég ákveðið að leggja mig fram við að kunna að meta hlutina og sérstaklega fólkið í kringum mig. Þó ég sé kannski með það fyrir augunum flesta daga, er það alls ekkert sjálfsagt. Sumir hafa aldrei og munu kannski aldrei kynnast því. Ég er heppin. Heppin að hafa sjóinn, Hvalfjörðinn og fólkið mitt. Ég þarf bara að reyna að muna það betur :o)
Leiðindapósk um helgina
- Því öllum er sama hvað aðrir gera á daginn
Á föstudaginn fór ég í vísindaferð, þar sem að eina áfengi helgarinnar var sopið á kosnað annara. Ég stoppaði að vísu ekkert mjög lengi, vegna þess að á laugardaginn vaknaði ég snemma og fór með afmælis-Palla og Einari í afmælismorgunmat á gráa kettinum. Djöfull yrði stelpan feit og fátæk ef hún fengi sér beikon og egg á hverjum degi.

Við Einar gáfum litla-pú gullfisk sem heitir Morðingi. Fiskurinn var víst þunglyndur þangað til að hann heyrði í bítlunum. Morðingi fílar bítlana.
Mér var kennt um þunglyndi téðs fisks, þar sem að ég setti hann tímabundið út í gluggakistu hjá Palla, þar sem að hann sá sjóinn. Þetta hafði þau áhrif á greyjið að honum fannst íbúðin sín of lítil. Sem betur fer muna fiskar ekki langt aftur í tímann og núna hefur hann tekið gleði sína á ný. Svo menninguðumst við eitthvað á Kjarvalstöðum og fórum í roleplay um kvöldið með Kristjáni og Helga. Good times.
Á sunnudaginn svaf ég lengi,lengi og fór upp í skóla að læra.
Ég ætti að fá orðu.. Ef ekki orðu - þá allavegana orð. Mig langar í orðið „hvaðanæfa“... finnst það hljóma sniðugt..
Þá er maðurinn búinn að mæla í mér skoðarana og foreldrarnir búnir að lofa að gefa mér gleraugu í afmælisgjöf. Ég á samt ekkert afmæli fyrr en 22. október (skrifið þetta hjá ykkur svo þið sendið gjafirnar mínar tímanlega af stað), þannig að ég fæ þetta bara í svona pre-afmælisgjöf. Svo virðist sem skoðararnir hafi farið eilítið down hill síðan þegar ég mældi síðast, 14 ára gömul, en ég skildi ekki alveg þetta krot hjá manninum.